"Татар халкында ир-ат һәм хатын-кыз киемнәре"

Шөгыльнең темасы: “Татар халкында ир-ат һәм хатын-кыз киемнәре”

Мәктәпкә әзерлек төркемендә сөйләм телен үстерү.

Бурычлар:

- гендер тәрбиясе нигезендә балаларны татар халкының киемнәре белән таныштыру;

-халык сәнгате аша балаларда киемнәргә карата зәвык, сакчыл караш, матур итеп киенергә теләк тәрбияләү;

-ир –ат һәм хатын-кыз киемнәре арасындагы аермалыкларны табу.

Җиһазлар: милли киемендәге курчаклар, кисмә рәсемнәр, эш дәфтәрләре, ноутбук, экран.

Шөгыльнең барышы:

Исәнләшү.

• Балалар, без бүген сезнең белән киемнәр иленә сәяхәткә барабыз.

Әңгәмә: “Татар халкының милли киемнәре”.

-Балалар, сез нинди киемнәрне беләсез? Әйдәгез, искә төшерик әле.

Аларны кемнәр кия? Кайда һәм кайчан кияләр? (балаларның җаваплары)

-Аларның ниди үзенчәлекләрен әйтергә була?

-Әйе, алар матур. Аларда төрле бизәкләр ясалган. Ул рәсемнәрне икенче төрле орнамент дип атыйлар.

- Ир-атларның һәм хатын-кызларның да татар милли киемнәре орнаментлар белән бизәлгән.

( Татар милли киеме кигән кыз һәм малай курчакларны карау, аларның киемнәре турында фикер алышу).

-Малай һәм кызның киеме нәрсә белән аерыла? (балаларның җаваплары).

Ә хәзер ял итеп алыйк. Физминутка.

Җырлы-биюле уен: “Түбәтәй”.

Эш дәфтәрләрендә эшләп алу.

Йомгаклау өлеше.

-Балалар, татар милли киемнәре сезгә ошадымы?

- Бу киемнәрне бүген еш кияләрме?

-Ә сез аларны киеп йөрер идегезме?

-Балалар, без бүген күп нәрсәләрне искә төшердек. Малайлар һәм кызлар киемнәрен карап үттек, аермаларны таптык.

Аларның икесе дә бик матур. Бу киемнәр татар халкының мирасы булып санала.