Тақырыбы:"Суық торғай"

Кіші жас «Балапан» тобындағы ұйымдастырылған оқу қызметінің конспектісі.

Білім беру саласы: «Таным»

Пән: Құрастыру Өтпелі тақырып: «Қыс қызығы»

Тақырыбы: «Суық торғай»

Мақсаттары:

Тәрбиелік:Құстарды қорғауға, қамқор болуға тәрбиелеу.

Дамытушылық:Сулы қызыл парақ қағазды умаждап құстын бейнесін жасау, іскерліктерін қалыптастыру, шығармашылық қиялын көркемдік талғамын дамыту.

Оқыту: Құстар жайлы түсінік беру Педагогикалық технологиялар/пед.технологии: денсаулық сақтау технологиясы, ойын әдісі, сұрақ – жауап, көрсету және түсіндіру. Ресурстармен қамтамасыз ету: суреттер, қағаз, бояу қарындаштар. Билингвалдық компонент: суық торғай – снегирь, ұя – гнездо

Ұйымдастырылған оқу қызметінің барысы

1.Ұйымдастырушылық кезеңі:

Балалардың назарын терезеге аудару.

Балалар құстардың іс- қимылына назар аударады: ағаштан- ағашқа, бұтақтан-бұтаққа секіріп, шетеннің жидегін іздейді.

2.Негізгі бөлім/оснавная часть:

-Балалар құстарға қыста өмір сүру қиынба?

- Біз құстарға қыста қалай көмектесеміз?

-Құстар үшін біз не жасаймыз?

Суретпен жұмыс: Қыстап қалатын құс – суықторғай туралы түсінік беру.

Суықторғай – тəкаппар құс. Оның төсі – ашық қызыл түсті, басында қара түсті баскиімі бар. Қанаттарында ақ жолақтары болады. Оны тағы да «бозшымшық, қызылтөс» деп атауға болады. Суықторғай бұтадан көтеріліп ұшқан кезде күнге айна сияқты шағылысады. Бірақ ол – суықторғайдың «əкесі». Ал «анасының» төсі сұр-қоңыр түсті болып келеді.

Билингвалдық компонент: суық торғай – снегирь, ұя – гнездо

Суықторғайдың дене бітіміне назар аударады (тұмсығы, қанаттары, аяқтары). Суықторғайдың төсінің түсі қандай? (Қызыл).

Басындағы баскиімі ше? Тұмсығы ше? Неліктен тұмсығы қысқа əрі жуан?

— Балалар, бәріміз бірге суық торғайдың суретін салуды үйренейікші.

Көрсету және түсіндіру.

Құстың басы домалақ, денесі сопақша, ал тұмсығы, құйрығы үшбұрышқа ұқсайды екен.

Бояу қарындашпен тегіс, біркелкі бояу тәсілін көрсету.

Сергіту сәті:

Бұтаққа қарашы, (Қолдарымен екі бүйірлерін ақырын соғады).

Қызыл кеуде торғайлар. (Кеуделерін көрсетеді).

Қанаттарын жайды, (Қолдарын екі жаққа созады).

Күнге қыздырынады. (Саусақтарын қимылдатады).

Бастарын əрі-бері қозғайды, (Бастарын оңға, солға бұрады).

Жем іздеп ұшады. (Шеңбер бойымен «қанаттарын» қағып ұшады).

Шиқ-шиқ! Ұштық!

Балалардың өзіндік жұмыстары.

Балаларға парақшаларды тарату, бояу қарындаштарын беру.

Жеке жұмыс: Нұрасылға суретті біркелкі етіп бояуды үйрету.

Суық торғайларға қыстан аман шығу үшін қалай көмектесуге болады?

Д/о: «Геометриялық пішіндерден ұя құрастыру»

Балалар тік төртбұрыштың үстіңгі жағына үшбұрышты орналастырады да, тіктөртбұрыштың ортасына дөңгелекті қояды.

3.Қорытынды:

Біз бүгін қандай құспен таныстық? (Суықторғай)

Оны тағы да қалай атауға болады? (бозшымшық, қызылтөс)

Суықторғайды неге құс дейміз? (Өйткені оның басы, тұмсығы, қауырсындары, екі аяғы мен екі қанаты бар, жұмыртқадан пайда болады).

Суықторғай не жегенді ұнатады? (Қызыл шетен).

Жұмыстарын бағалап көрме ұйымдастыру.