Тақырыбы:Көптеген. «Бір және көп». Бірнеше заттар бірігіп бір топ болуы.

Ересектер тобындағы ұйымдастырылған оқу қызметінің

конспектісі

Білім беру саласы: «Таным»

Пән: ҚМҰҚ

Өтпелі тақырып:«Мен және қоршаған орта»

Тақырыбы:Көптеген. «Бір және көп». Бірнеше заттар бірігіп бір топ болуы.

Мақсаттары:

Тәрбиелеу: Ұйымшылдыққа , топпен жұмыс істеуге ,тапқырлыққа , ізденімпаздылыққа тәрбиелеу.

Дамыту:Шапшаңдыққа , жылдамдыққа баулу.

Оқыту: «Бір» және «көп» деген ұғымдарды ажырата алуға үйрету

Педогогикалық технлоогиялар: Дамыту технологиясы, ойын технологиясы

Ресурстармен қамтамасыз ету: үлестірмелі материалдар

Билингвалдық компонент: Көп-много

Аз-мало

Бір-один

«Анамызға» дастарқан жаюға көмектесейік» ойыннан ҰОӘ бастаймыз
(Себетке жазық немесе көлемді материалдар салып әкелеміз –жемістер, көкөкністер, тәтті тағамдар, қарбыз) Балалар ойнауға құлшына кіріседі
Іздену ұйымдастыру
-Анамызға себеттегі заттарды шығарып, оларды топтастыруға көмектесейік. Бәріміз бірге орындайық.
-Балалар, сендер қандай ұсыныстар айтар едіңдер?
Жиынды ішкі жиындарға бөлуге көмектеседі: көкөністер, жемістер, тәтті тағамдар,
-Біздің қолымызда неше жеміс бар?
-Олар көп пе әлде бірнешеу ме?
-Көкөніс, тәтті тағам нешеу екен?
-Қарбыз туралы не айтуға болады?
-Қарбыз нешеу екен?
Сергіту кезеңі:Аспанға қараймын,

Жұлдыздарды санаймыз.

Төменге қараймыз,

Бауымызды байлаймыз.

Оңға бір , солға бір,

Достарымыздысанаймыз.

Тапсырманы жеке орындауға және алмалар мен алмұрттарды белгісіне қарай топтастыруға уақыт беремін. Содан соң сұрақ қоямын:
-Әр топта неше үлкен және кіші алма бар екен?
Балаларды сөз арасында : «бірнеше» немесе «көп», «бір» деген сөздерді қолдануға итермелейміз. Заттарды көкөніс,жемістер, тәтті заттар деп бөлу керектігін айтады.
Заттар тобын бір сөзбен айтады.
Қарбыздың қандай топқа жататынын табуға қиналады.
Қарбызды бөліп қояды-ол біреу
Сөз арасында «көп» және «бірнеше» сөздерін қолданады.
Оларды санына қарай бір-біріне қарама-қарсы қояды: жеміс-көп, ал-қарбыз-біреу. Көкөкніс көп, ал қарбыз-біреу.

Заттарға: «Кішкентай алмалар мен бір үлкен алма, кішкентай алмұрттар мен бір үлкен алмұрт деген атаулар беремін»

Д\О: «Көп және біреу»

Ойынның мақсаты: көп және біреу қатынастарын білуге үйрету; заттардың тең, тең емес топтарын салыстыру. 
Ойынның құрал-жабдықтары: көп және бір зат бейнеленген суреттер. 
Ойынның мазмұны: балалар берілген суреттерді қарастырады. Көп зат және бір зат бейнеленген суреттерді бөліп, екі жаққа қояды.

Рефлексивтік – коррекциялаушы
-Бүгін қандай ұғыммен тағыстық?
-Сендер анамызға өте жақсы көмектесіңдер, қандай заттарды жинадық? Балалар талдайды, қорытынды жасайды