"Табиғат-ортақ үйіміз"

Ересек «Гүлдәурен» тобының оқу қызметінің

конспектісі

Өткізген күні: 15.05.2018ж.

Тәрбиеші: Аймухамбетова С.А.

Білім беру саласы: «Коммуникация»

Кіріктілген бөлім «Таным», «Шығармашылық»

Тақырыбы: «Табиғат- ортақ үйіміз»

Мақсаттары:

1.Тәрбиелік: балаларды қоршаған ортаны, табиғатты аялауға, сүюге тәрбиелеу.

2.Дамытушылық: ойлау, сөйлеу, танымдық , шығармашылық дағдыларын дамыту. Логикалық есептерді

3.Оқыту: балалардың қоршаған орта туралы білімдерін бекіту. 10 көлемінде тура және кері санауды, «аз» , «көп» , «оң», «сол» , «аласа», «биік» ұғымдарды бекіту.

Педагогикалық технологиялар: АКТ, ойын және денсаулық сақтау технологиялары.

Ресурстармен қамтамасыз ету: суреттер,үйлестірме материал

Көптілділік: табиғат-природа-nature

Ұйымдастырылған оқу қызметінің барысы:

1.Ұйымдастырушылық кезеңі:

Қонақтармен үш тілде амандасу.

Балаларды табиғат аясына саяхатқа шақыру.

-Балалар, саяхатқа немен баруға болады?

-Ал біз бүгін сендермен саяхатқа сиқырлы кілеммен барамыз. Масқара , менің сиқырлы кілемімді тышқандар тесіп қойды. Енді не істесек екен? Ааа, таптым, менде жамайтың пішінер бар. Қане, кім маған көмектеседі?

Әр түрлі пішіндермен балалар кілемді жамайды.

-Рахмет сендерге! Енді көздерімізді жұмамыз, мені мұқият тыңдаймыз.

2. Негізгі бөлім:

Интерактивтік тақтада табиғаттың дыбыстары (бейнеролик),айнала ағаш.

-Балалар, сендер ненің дыбыстарын естіп тұрсыңдар?

-Ал су, ағаш, құс- олар барлығы неге жатады?

-Табиғат сөзін қалай түсіндіресіңдер?

-Табиғаттың неше түрі бар?

-Өлі табиғатқа не жатады?

-Ал тірі табиғатқа ше?

-Тамаша, жарайсыңдар! Ал кім маған айтады , бір жылда неше жыл мезгілі бар?

-Қазір қандай жыл мезгілі?

-Ал көктемде табиғатта қандай өзгерістер болады?

-Жақсы, тамаша! Балалар, күн жылынғасын көбісі ата аналармен бірге орманға барасыңдар, табиғат аясына шыққанда біраз нәрселерді істеуге болмайды. Соны біз қазір сендермен ойын арқылы анықтаймыз. Ойын «Не істеуге болмайды?» деп аталады.

Д/о «Не істеуге болмайды?»

Мақсаты: балалардың жаман істер жайында білімдерін бекіту.

Барысы: берілген суреттерден табиғат аясында не істеуге болмайтынын белгілеу (суды ластауға, ағаштардың бұтақтарын сындыруға болмайды және т.б.)

-Табиғаттың құрайтын тіршіліктің бірі-құстар. Құстар- біздің досымыз. Ал құстар қандай түрлерге бөлінеді?

-Жыл құстарына қандай құстар жатады?

-Ал қыстайтын қандай құстар?

-Балалар, қарандаршы мынау ағашта қандай құстар отыр?

-Ал мынау ағашта ше?

-Оң жақтағы ағашта неше құс отыр?

-Ал сол жақтағы ағашта ше?

-Торғай нешеу?(санмен белгілеу)

-Тоқылдақ нешеу? (санмен көрсету)

-Қарға нешеу? (санмен көрсету)

-Көкек ше? (санмен көрсету)

-Қай жақтағы ағашта құстар көп?

-Қай жақтағы ағашта құстар аз?

-Қай жақтағы ағаш аласа?

-Қай жақтағы ағаш биік?

-Тамаша! Ал,балалар, кім құстар туралы тақпақ біледі?

-Адамдар құстарға қандай қамқор жасай алады?

-Балалар, осы құстардың ішінен «орман емшісі» қандай құс болып саналады?

-Тоқылдақ ағаштарды нелерден құтқарады?

-Ал сендер қандай жәндіктерді білесіңдер?

-Жарайсыңдар! Олай болса, қазір біз сендермен «Сиқырлы дорба» ойнын ойнаймыз.

«Сиқырлы дорба» ойыны.

Мақсаты: балалардың сөздік қорларын дамыту.

Барысы: балалар кезек-мезек дорбаның ішінен бір –бір жәндіктен алып, оны сипаттайды. Қалған балалар қандай жәндік екенін табу керек.

Сергіту сәті: «Өрмекші»???

-Балалар, қарандаршы бұл не?

-Нелердің іздері?

-Дұрыс айтасыңдар, жабайы аңдардың іздері. Олай болса, қазір мен олар туралы жұмбақ жасырамын, сосын біз білеміз қандай жануарлардың ізі екен.

Балаларға жабайы аңдар туралы жұмбақ жасыру:

1.Айлакер бір қу,

Жүрген жері айқай шу.

2.Ит сияқты пішіні,

Төрт түліктің жауы.

3.Қыста ақ, жазда сұры,

Өзі қорқақ.

4. Ағаштан ағашқа секіреді,

Жаңғақты жақсы көреді.

-Ал неге олар жабайы аңдар деп аталады?

-Балалар, жануарлар бізге бір тапсырма дайындап қойыпты екен. Орындаймыз ба оны?

Логикалық тапсырмаларды орындау:

1)1 қоянда 1 құйрық,2құлағы,2 қолы, 2 аяғы бар. Ал 3 қоянда барлығы неше құйрық, неше құлағы, неше қолы, неше аяғы бар?

2)Бір алма ағашында 7 алмұрт, ал екінші алма ағашында 3 алмұрт өсіп тұр. Екі алма ағашында барлығы неше алма өсіп тұр?

3)Орманда 3 қонжық ойнап жүрді, оған 5 қонжық қосылды, кішкене дегесін 4 қонжық үйіне кетіп қалды. Барлығы неше қонжық қалды?

4)«Буынұйқас жаттығуы»:

ЯН –ЯН- ЯН- ұзын құлақ қоян.

Ю- Ю- Ю -аңқау аю.

ҚЫР- ҚЫР- ҚЫР- көкжал қасқыр.

КІ –КІ- КІ- қу түлкі.

ТАН- ТАН- ТАН- бұл мықты арыстан.

5)Аяғы жоқ, қолы жоқ,

Бірақ тыныш тұрмайды.

Сақтамасаң –қорын тек,

Барша тірлік қурайды.

-Дұрыс айтасыңдар балалар, бұл су. Шынымен де сусыз өмір жоқ. Су- өмірдің нәрі. Су- табиғаттың байлығы.

Балалардың назарларына ластаған өзең жағасын көрсету.

-Балалар, қарандаршы бұл суретте не көріп отырсыңдар?

-Олар дұрыс істеді ме?

-Ал кім маған айтады, суды ,яғни өзеңдерді ластауға болады ма?

-Неге?

-Олай болса, қазір біз сендермен сол ластаған суды тазартамыз.

Сумен тәжірибе.

Мақсаты: балалардың танымдық қабілеттерін дамыту.

Суды мақталық диск арқылы тазарту.

-Балалар, кім су туралы мақал-мәтел біледі?

Су туралы мақал-мәтел:

1.Су-тіршіліктің көзі.

2. Судың да сұрауы бар.

3. Сусыз өмір жоқ.

4. Су бар жерде ырыс бар: ұстап алып балық жейсің, ақ бидай егіп, наның жейсің.

-Балалар, біз айттық - сусыз өмір жоқ, ал күннің көзі бізге не береді?

-Ал ауа не үшін қажет?

-Ал ауа таза болу үшін не істеу керек?

-Тамаша, жарайсыңдар! Балалар, біздің балабақшаға оралатын кезіміз де келіп қалды.

Қорытынды:

-Балалар, бүгін біз сендермен қайда саяхат жасадық?

-Сендерге ұнады ма?

-Ал табиғатымыз гүлдену үшін не істеу керек?

-Олай болса, балалар,қазір сендер табиғатқа арнап, өздерінің тілектерін білдіруге болады (шығармашылық жұмыс)

-Балалар, енді бүгіннен бастап сендер Табиғат-Анамыздың «Жас табиғат қорғаушысы» деп саналасыңдар және осындай белгілермен марапатталасыңдар.

Балаларды мақтау.