Т?уелсіз елді? ?ланымыз

тәуелсіз елдің ұланымыз

Мақсаты:кішкентай бүлдіршіндерді Отан сүюге, қазақ елінің рәміздерін құрметтеуге, туған жеріне, атамекеніне деген сүйіспеншілігін арттыру сабақ барысында, саналылыққа, ұлтжандылықа тәрбиелеу.

Көрнекілігі: суреттер, шарлар,буклеттер.

Тәрбиеші: Құрметті қонақтар,кішкентай бүлдіршіндер «Тәуелсіз елдің ұланымыз» атты сайыс сабағымызға қош келдіңіздер! Еліміз тәуелсіздік алғанына биыл неше жыл толып отыр?

Балалар: 23 жыл

Тәрбиеші: Қазақ елінің тәуелсіз мемілекет болғанына 23 жыл. Бұл уақыт ішінде қазақ елі көптеген қиындықтарды басынан кешкенін балалар теледидардан естіп жатырсыздар. Ендеше осы тәуелсіздігіміз баянды болсын!

Әнұран орындалады:

«Болашақ» ,«Балдырған» сөздерін таңдау арқылы балаларды екі топқа бөлу.

1- Бөлім. Кел, танысайық.(әр топ атары мен ұрандарын айтып таныстырады)

Баладырған тобы:

Топ басшысы Қасым Инабат

Ұрандары:« Балдырғанбыз» балдаймыз

Бақытты өмір таңдаймыз

Шаттық-дуан өмірді

Болашаққа жалғаймыз

Болашақ тобы:

Топ басшысы Жәнібекқызы Аружан

Ұрандары: « Болашақ» тобы алға!

Биіктерге самға

Достығымыз барда

Жүреміз тек алға!

2- Бөлім Кім білгір? (сұрақтарға жауап)

Балдырған тобына:

1.Қазақстан Республикасының президенті кім?

2. Қазақстан Республикасының рәміздерін білесіңдер ме?

3.Елордамыз біздің қай қала,қалай аталады?

Болашақ тобы

1.Тудың түсі қандай?

2.Ту, елтаңба туралы қандай тақпақтар білесіңдер?

3.Отан деген сөзді қалай түсінесіңдер?

Зарина:Желбірейді шарықтап

Қазақстан жалауы

Көкте қыран қалықтап

Қанат қағып барады

Досбол: Елтаңбсы елімнің,

Неткен әбат, әдемі

Тұнығындай көңілді,

Ортада аспан әлемі

3-Бөлім Мақал-сөздің мәйегі

(мақал-мәтелдердің жалғасын табу)

(Балдырған тобына)

Отан үшін....(отқа түс, күймейсің)

Отан....(оттан да ыстық)

(болашақ тобына)

Туған жердей жер болас...(туған елдей, ел болмас)

Отансыз адам....(ормансыз бұлбұл)

4-Бөлім. « Менің Отаным-Қазақстан» тақырыбында өлең жолдарын оқу.

Балдырған тобы:

Нұрхан: әр қазақтың есінде сақталады

Желтоқсандық өрендер ақталады

Ел намысын қорғаған сарбаздарым

Ерліктерің мәңгілік сақталады

Қайнар:Қайраттай қайсар ұлдарың

Жанымен келген еркіндік

Жазира мен Ляззаттың

Арыменен келген еркіндік

Қасірет пен қайғының

Бәрімен келген еркіндік

Айбек:Он алтыншы желтоқсан

Тәуелсіздік алған күн

Ерекше боп мәңгілік

Ел жадында, қалған күн

Кәусар: Он алтыншы желтоқан

Ел мерейі тасыған

Қазақ деген қалың жұрт

Бәрін кешті басынан

Болашақ тобы:

Айдын:Отан, Отан

Мен отанды сүйемін!

Отан-ана

Сенің мәңгі тірегің

Мирас:Тәуелсіздік мәңгілік сақталсын

Алдымызда барлық үміт ақталсын

Тату- тәтті бірлік болып қашанда

Бейбіт өмір бар халықпен жақталсын

Аружан :Әділеттің ұраны,

Ақиқаттың шырағы.

Тыныштықтың туы боп,

Зор салтанат құрады

5-Бөлім «Әрқашан да біргеміз» (топтық жұмыс)

Балдырған тобына (күн сәулесінің суретін салғызу)

Болашақ тобына (үйдің суретін салғызу)

Салған суреттеріне қарай, болашақтарың, жарқын және отбасыларымен бірге баянды болмақ деп қорытындылау

6-Бөлім Қорытынды. Балаларды мадақтау. Қуанышты топты анықтау.

Мадақтама қағаздарын беру.

« Көк тудың желбірегені» патриодтық әнімен аяқталады.

Дайындаған: МАД «в»тобының

Сынып жетекші. Кенжина Женискуль Рамазановна

№110 мектеп-лицейі МАД «в» тобы

ТӘУЕЛСІЗ ЕЛДІҢ ҰЛАНЫМЫЗ

Білім саласы: «Таным» «Денсаулық» Бөлімі: Өзін-өзі тану. Сабақтың тақырыбы : Өнердің ғажайып әлемі Сабақтың мақсаты: Білу: Өнердің ғажайып түрлерін білу.

Түсіну: «Өнер» ұғымы туралы түсіну.

Қолдану: Ән айту,билеу,қол өнері. Күтілетін нәтиже: өнер түрлерін біледі, өнер ұғымын түсінеді,ән,би, басқада өнер түрлерін үйренеді. Өнерге деген қызығушылықтары арттады. Қолданылатын модульдер: Сындарлы оқыту теориясының басым бағыттарын педагогикалық іс-әрекетте қолдану. Ресурстар: бейнефильм.

Бөлімі. Мерзімі Уақыты	Бөлімнің Мазмұны	Мұғалімнің іс-әрекеті	Оқушы іс-әрекеті	бағалау	ресурстар	Кедергі-лер
21.04.2014ж Кіріспе 5 мин Тұсау кесер 10 мин Сергіту сәті 5 мин Қорытындылау 5 мин	1.ұйымдастыру кезеңі 2 психологикалық сәт 3. топқа бөлу	1. Сәлемдесу. 2.Шаттық шеңбер құру: Ортаға шеңбер құрылады,қазақтың халық әні «Айгөлек» әнін орындау Бір-біріне жақсы тілек тілеу 3. Топқа бөлу. -Балалар қазір біз топқа бөлінеміз.Спорт,музыка,су-рет. Тақтаға белгілі әншінің, билеп жүрген қыздардың Және қылқалам, бояулар сурет парағын іліп құралдарды көрсету. Суреттерге қарап сендерге қандай ой келді? «Мұз жарғыш» әдісі арқылы сабақтың тақырыбын ашу. -Балаларға өнер,өнердің түрлері ж/е өздері көрген өнер туындыларынан қандай әсер алғаны туралы әңгімелесу. Оның ішінде бейнелеу ж/е музыка арқылыөнері жайлы түсіндіру. Өнердің Ғажайып,әлемі адамдарды шығармашылыққа,әлемнің сұлулығын,нәзіктігін,әсемдігін сезінуге итермелейді Балалар көңілді әуенге(Бозжорға ) әніне сәйкес аттың шабысын келтіріп билеу. сұрақ-жауап арқылы бағалау	Амандасады шаттық шеңберінде ән орындайды, бір-біріне тілек айтады Топқа бөлініп орындарына отырады. Суретерді көріп сқрақтарға жауап береді Өз алған әсерлерін айтады Мұқият тыңдайды Әнге сәйкес билейді.		Сурет-тер Сурет салуға пайда-ланатын құрал-дар Үн таспа

« Білімді мыңды жығар ....»

Жас ойшылдар сайысы

Ойынның мақсаты:

Балалардың шеберліктерін, тапқырлықтарын бақылау, өтілген ұйымдастырылған оқу іс- әрекеттерден алған білімдерін тиянақтау, бекіту. Ойлау, қиялдау есте сақтау қабілеттерін дамыту, ұйымшылдыққа баулу.

Ойының көрнекілігі: 1) Компьютер

2) МК Power Point бағдарламасы.

3) Әріптер, суреттер.

Сайыстың жоспары:

1. «Мыңның жүзін білгенше, бірдің атын біл!»(Таныстыру)

2. «Сөз тапқанға қолқа жоқ» (берілген әріптен басталатын мақал құрау)

3. «Ойлап өс те ойнап өс!» (жұмбақтарды шешу)

4. «Жасырынған суреттер»( берілген суреттерді сөзбен жасыру)

5. «Тапқыр аудармашы»

6. «Ертегілер елі»

7. «Қиялдағы сурет»

8. Қорытынды.

Ойының барысы:

Армысыздар, құрметті әріптестер мен «Болашақ » жазғы тынығу лагерінің бүлдіршіндері және ойынға қатысушы сайскерлер! «Халықтың кемеліне келіп,өркендеп өсуі үшін, ең алдымен азаматтық пен білім қажет»- деп Ш.Уалиханов атамыз айтып кеткендей, еліміздің болашағы осы бүлдіршіндер екені даусыз.

Осы мақсатпен оқушылар арасынан суырылып шыққан «Білімді мыңды жығар» сайысына қош келдіңіздер!

Әділ-қазы береді.

Өздеріңе билікті.

Өнерде кім жеңеді,

Сол алады сыйлықты.

Бүгінгі сайыстың әділ бағасын беріп, сайыстың жеңімпазын анықтайтын әділ қазылар алқасымен таныс болыңыздар!

Жүргізуші:

Өнердің нәр береді шапағаты,

Әркімнің өнерге бар махаббаты.

Талпынып сайыскерлер шықты қане,

Көрермен қошеметпен қол соғады.

Сайысымыздың алғашқы «Мыңнңың жүзін білгенше,бірдің атын біл»

бөлімі бойынша алдарыңызда «Жас ұлан», «Достар», «Балдырған» топтарының мүшелерімен танысайық.

Қане,балалар сендер өздеріңді таныстырып болдыңдар.Ал енді сайысымыздың келесі бөлімі «Сөз тапқанға қолқа жоқ» бөлімі.Екінші

Бөлімді бұрын бір сәт мен сендермен ғажайып бір сәт өткізгім келеді.Ол үшін көрермендерге және сендерге жарты парақшадан тарқатамын.Түстес келген парақшалары бар кісілер ортаға шығады.Көрермендер қолындағы парақшалардың түсіне қарай сайыскерлерге ерекше тыңдалмаған тілегін айтып сәттілік тілейді.

Көрермендерге рахмет,ал сайыскерлерге сәттілік тілей отырып,келесі бөлімге кезек береміз.

2-бөлім «Сөз тапқанға қолқа жоқ»

Бұл бөлімде балалардың алдарына әріптер беріледі. Солардың ішінен бір әріпті таңдап алып,сол әріптен келетін сөздер құрау керек .Қай топ көп сөз құраса ,сол топ жеңіске жетеді .

3-бөлім «Ойлап өс те,ойнап өс» деп аталады.Мұнда берілген жұмбақтарды шешуіміз қажет.

1.Асты тас,

Үсті тас

Ортасында жанды бас. (Тасбақа)

2.Өзінше ноян,

Қорқақ кім? (Қоян)

3.Бата алмас түлкі,

Үсті тікен ...(Кірпі)

4.Дамыл таппай бір мезет,

Жорту мен жүр ....(Көжек)

5.Қабат-қабат қаттама

Ақылың болса аттама. (Кітап)

6.Сәбиге сән үй,

Әжеге ән-күй. (Бесік)

Жүргізуші:

Жарайсыңдар балалар,сендер жұмбақты жақсы шештіңдер.Ал енді, келесі бөлімге көшпес бұрын және көрермендермен психологиялық жаттығу жасайық.

Жаттығу: «Шапалақ жаңбыр » аталады. Ал сіздер білесіздер ме,шапалақ соғудың өзі әртүрлі болады екен.Қане бәріміз бірге сол алақанға оң қолдың сұқ саусағымен соғамыз.Содан кейін екінші саусақты қосамызда екі саусақпен соғамыз.Содан кейін үш,төрт,бес яғни тұтас алақанмен шапалақтаймыз.Енді үш рет шапалақтаймыз.

Жарайсыздар .Көңіл-күйлеріңіз шамалы болсада көтерілді ме?

Енді сайысымыздың төртінші бөліміне көшейік.

4-бөлім «Тапқыр аудармашы»

Бұл бөлімде көп нүктенің орнындағы түсіп қалған санды 3 тілге аударып мақал-мәтелді толықтыр.

1. Жеті жұрттың тілін біл

......түрлі білім біл (Жеті-семь-seven)

2.Білекті .....жығар,

Білімді мыңды жығар (бір-один-one)

3.Ер кезегі ............. дейін (үш-три-three)

4. ............түгел болса төбедегі келеді,

Алтау ала болса ауыздағы кетеді.(төрт-четыре-four)

5. Білгенің бір .........

Білмегенің тоқсан тоғыз (тоғыз-девять-nine)

6. ........ саусақ бірдей емес (бес-пять-five)

5-бөлім «Ертегілер елі» .

Бұл бөлімде интербелсенді тақтадан ертегілердің үзінділері көрсетіледі. Сайыскерлер ертегінің атын табу керек.

1. Жеті лақ пен қасқыр

2. Мақтаншақ қыз

3. Момын мен қарақшы

Қорытынды.

Балалар бүгінгі сайысты қорытындылағалы отырмыз. Барлығымыз кім жеңімпаз болғанын білгіміз келіп отырған шығар. Ендеше әділқазыларға сөз береміз.

Бүгінгі «Білімді мыңды жағар» атты білім сайысына келіп қатысқандарыңыз үшін сіздерге алғыс білдіремін. Әрқашанда қадамдарыңызға нұр жаусын!

Қош демейміз, әлі талай сайыстар бар,

Өнерлерің өрлей берсін қайыспаңдар.

Ойлы ортаға кеңейсін күннен-күнге,

Өскен ортаның жұртынан қалыспаңдар

• дей отырып бүгінгі сайысымызды аяқтаймыз.

№110 мектеп- лицейі

«Білімді мыңды жығар»

жАс ойшылдар сайысы

Ұйымдастырушы: кенжина Женискуль рамазановна.