"Су - тіршілік к?зі" ашы? саба?

Су-тіршілік көзі.

Мақсаты: Балаларға судың қасиеті туралы түсінік беру. Судың тіршілік үшін

қажетекендігін , оның түсін өзгертуге болатынын, мұзға

айналатындығын зерттеу жұмыстары арқылы көрсету. Балалардың

қызығушылығын арттыру, сөздік қорын дамыту, ұқыптылыққа

тәрбиелеу.

Қол. көрнекілік : стақан, сиқырлы қорапша, су, мұз, бояу, музыка әуені.

Қол. әдіс-тәсіл: көрсету, түсіндіру, мадақтау, сұрақ жауап, қызықты сәт.

Ұйымдастыру: Біз ақылды боламыз,

Айтқан тілді аламыз.

Бізге келген қонақпен,

Амандасып аламыз.

Сәлем, сәлем, сәлем!

Тәрбиеші: - Балалар, айтыңдаршы, қазір жылдың қай мезгілі? Дұрыс-ақ

• Күз мезгілінде ауа-райында қандай өзгерістер болады?

• Біздің қмір сүруіміз үшін не қажет?

• Ауа. Дұрыс. Сосын су керек. Ауа мен су болмаса, біз тіршілік ете алмаймыз. Судың пайдасы туралы айту.

Қызықты сәт: - Балалар бұл не дыбыс? (жаңбырдың дыбысы)

• Мұқият тыңдаңдаршы. Дұрыс-ақ.

• Бұл тамшылап жауып тұрған жаңбырдың дыбысы. Әлі де қояр емес. Жаңбыр қатты жауып тұр. Клара апайға телефон соғайын, жаңбырдың астына шелек қойсын. Ал, біз көңіл-күйімізді көтеріп ән айтайық.

Ән: «Жау, жау жаңбыр»

Тәрбиеші: Жарайсыңдар. Жаңбырда басылды. Жаңбырдан соң не болады?

Балалардың жауабы. Өте жақсы. Демек, тамшыдан су жиналады.Қызықты сәт: Кірқожалақ келеді. Үсті-басы кір.

Кірқожалақ: Мен далада ойнап жүр едім, жаңбыр жауып кетті. Жүгіріп келе

жатып құлап қалдым. Үстім лас, балшық. Үйге қалай барамын?

Анашым маған ұрысады.

Тәрбиеші: Әрине, ұрысады. Алдымен үстіңді тазалау керек . Ол үшін не

істеу керек? Балалардың жауабы. Балалар Кірқожалаққа су құйып,

оны жуындырады. Кірқожалақ тап-таза болады. Айнаға қарап

мәз болады.

Сергіту сәті: Сылдырайды мөлдір су,

Мөлдір суға қолың жу,

Жуынсаң сен әрдайым,

Таза бетің, маңдайың.

Тазалықтың досы

Су дегенің – осы.

1-тәжірибе: Су тазалық үшін қажет екен. Қазір мына екі табаққа мен су

құямын. Сендер сол суды барып қараңдаршы . Нені

байқадыңдар? Судан өздеріңнің кескіндеріңді көрдіңдер. Солай

ма? Демек, су мөлдір, таза екеніне көз жеткіздік.

2-тәжірибе: Алдарыңда стақандар тұр. Оның ішінде су бар. Қасында

қылқалам, бояу тұр. Қазір қылқаламды алып,бояуға

батырып,оны стақандағы суға салайық. Не өзгерді?Судың

түсі өзгерді. Қазір мен сендерге бір сиқыр көрсеткім келіп тұр.

Менің алдымда сиқырлы қорапша тұр.Мына стақандағы суларды

Осы қорапшаға салайық. 1,2,3- сиқырлаймыз біз. Не болды?

Қорапшаны ашайық. Балалар, қараңдаршы, салған суларымыз

қатып қалыпты. Қане, стақаннан түсіріп кқрелік. Мынау не? Мұз.

Бекітемін

«Жұлдыз» балабақшасының меңгерушісінің у.м.а. Жумабаева В.М

Тақырыбы:«Су-тіршілік көзі»

Дайындаған: Курманова Д.Н.