Сурет салу "Өз үйім" далаппен (ашық оқу қызметі)

Пән/Предмет: Сурет салу

Өтпелі тақырып/Сквозная тема: «Мамандықтың бәрі жақсы»

Тақырыбы/Тема: «Менің үйім» «Бірлік күні»

Мақсаттары/Цели:

1.Тәрбиелік – воспитательная: Ынтымақтыққа, достыққа, өз Отанын сүюге, қорғауға, көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу.

2.Дамытушылық – развивающая: Балалардың шығармашылық қабілеттерін, қиялын дамыту. Басқа ұлт өкілдерімен тату, достық қарым-қатынаста болуға дағдыларындыру.

3.Оқыту – обучающая: 1-Мамыр Қазақстан халықтарының бірлігі күні екенін балаларға айтып ұғындыру. Балаларды татулыққа, достыққа, елін, жерін сүйе білуге үйрету. Дайын үйдің сыртқы пішінін штрихтармен безендіруге үйрету. Балаларға қарындашпен жұмыс жасаудың қауіпсіздік ережелерін түсіндіру.

Педагогикалық технологиялар/пед.технологии: денсаулық сақтау технологиясы, ойын әдісі, сұрақ – жауап, көрсету және түсіндіру.

Ресурстармен қамтамасыз ету/Ресурсное обеспечение: суреттер, үлкен үйдің макеті, түрлі-түсті геометриялық пішіндер, бала саны бойынша дайын үйдің пішіні салынған қағаз, түрлі-түсті қарындаштар.

Билингвалдық компонент/Билингвальный компонент: ұлт-нация, достық-дружба, ынтымақ-единство, менің үйім – мой дом, үлкен үй – большой дом.

Ұйымдастырылған оқу қызметінің барысы

1.Ұйымдастырушылық кезеңі/организационный момент:

Тосын сәт: Балалар , қараңдаршы бүгін бізде ерекше күн,өйткені бүгін бірлік күні. Қане бәріміз шеңберге тұрайық.

Ортақ мекен жер шары,

Төбемізде бір аспан.

Барлық ұлттың баласы,

Достығымыз жарасқан.

Тату болсын еліміз,

Бүтін болсын жеріміз.

Бір шаңырақ астына,

Жиналайық, келіңіз! (өлеңге сәйкес қимылдар жасайды)

- Балалар біздің ұлтымыз қандай?

- Қазақ

- Біз қай тілде сөйлесеміз?

- Қазақ тілінде.

Балалар, 1-Мамыр Қазақстан халықтарының бірлігі күні . Қазақстанда жүзден астам ұлт пен ұлыстың өкілдері бір қолдың саласындай, бір үйдің баласындай тату-тәтті өмір сүріп жатыр. Мысалы: жергілікті ұлт-қазақ халқы және сонымен қатар орыс, корей, түрік, ұйғыр, т.б. Сондықтан Қазақстан Республикасын көпұлтты мемлекет дейміз. Әрбір ұлттың өз ана тілі, салт-дәстүрлері, ұлттық киімдері, тағамдары, ойындары бар. Олар бірлікте, татулықта өмір сүреді.

Билингвалдық компонент: ұлт-нация, достық-дружба, ынтымақ-единство

2.Негізгі бөлім/оснавная часть:

Балалар дөңгелене отырып, көздерін жұмып өз үйін, отбасын көз алдына елестетеді. Көздерін ашып, қандай үйде тұратындықтарын айтады.

Әдемі, үлкен үйдің макетін көрсете отырып:

Үй адамға не үшін керек? – сауалымен әңгіме жүргізіледі.

Дұрыс айтасыңдар. Әр адамның үйі, баспанасы болуы керек. Үйді құрылысшылар салады. Үй салу өте үлкен еңбекпен келеді.

Балалар Қазақстан көпұлтты мемлекет болғандықтан, онда үйлер де үлкен болу керек.

Билингвалдық компонент: менің үйім – мой дом, үлкен үй – большой дом.

Мына үй қандай геометриялық пішіндерден құралған?

Ойын: «Пішіндерді ажырат»

Ойынның шарты: Пішіндерді жерге шашып балалар жинап, алған пішінін және түсін айтады.

Балалар ендеше біз бүгін тұрғындары бірлік пен ынтымақта өмір сүретін үлкен үйдің бейнесін бояйық.

Көрсету және түсіндіру.

1.Үйдің шатырын көлденеңінен штрихтар жүргізу арқылы қызыл түсті қарындашпен безендіру.

2. Үйдің қабырғасын тігінен штрихтар жүргізе отырып жасыл түсті қарындашпен безендіреміз.

3. Үйдің терезесін қиғашынан сызықтар жүргізу арқылы сары түспен бояу.

Балаларға қарындашпен жұмыс жасаудың қауіпсіздік ережелерін түсіндіру.

-Балалар қарындаштарды ауызға салуға болмайды.

-Бір-бірімізге сілтеуге болмайды.

Сергіту сәті:

Кел, балалар, тұрайық,

Үлкен шеңбер құрайық.

Шаңырақты көтеріп,

Керегені құрайық.

Уықтарша иіліп,

Шаңыраққа қосылып,

Қазақы үйді құрайық.

Жұмысымызды жалғастырайық. Балалардың өзіндік жұмыстары.

Жеке жұмыс: Арсенге, Алишерге қарындашпен ұқыпты жұмыс жасауды үйретуді жалғастыру.

«Достық мектебі» қимыл-қозғалыс ойыны.

Шарты: арқанның үстінен достарының атын атап «Достық мектебіне» барады.

Көпірден біз өтеміз,

Достық мектебіне жетеміз.

Көпірден өткін ақырын,

Айт, досыңның аты кім?

Көпірден түгел өттік біз,

Достық мектебіне жеттік біз.

3.Қорытынды/итоговая часть:

-Балалар Қазақстан қандай мемлекет?

-Қазақстанда өзге ұлт өкілдері қалай өмір сүріп жатыр?

-Балалар үй адамға не үшін керек?

-Барлық адамдар ынтымақта, бірлікте өмір сүру үшін қандай үй қажет?

-Біз бүгін үйді қалай безендірдік?

Балалардың суреттерінен көрме ұйымдастыру.

Мадақтау.