Сөйлеуді дамыту "Құстың ұясы"

МҚКК мемлекеттік тілде оқытатын №12 сәбилер бақшасы

Тақырыбы: « Құстың ұясы »

Тәрбиеші: М.С.Ергазина

Павлодар қаласы

2016-2017ж.ж.

Білім беру саласы: «Қатынас»
Бөлімі: «Сөйлеуді дамыту»
Тақырыбы: «Құстың ұясы»
Мақсаты: Сурет салудың дәстүрден тыс әдістері арқылы балалардың бейнелеу өнеріне деген қызығушылықрарын арттыру.Эстетикалық тәрбиеге баулу.
Міндеттері:

1. Жалпы құстар туралы, олардың тіршілігі мен пайдасы туралы мағлұмат беру.

2. Балалардың белсенділігін, қызығушылығын, сөздік қорын, ой - өрісін дамыту.

3. Құстарды қорғауға, қамқоршы болуға, табиғатты сүюге тәрбиелеу.
Қолданылатын әдіс-тәсілдер: Түсіндіру, көрсету, ойын, сергіту, сұрақ –жауап, қызықты сәт,мадақтау, қайталау.
Көрнекіліктер: Құстар суреті, мнемо кесте,таратпа карточкалар.

Сабақ барысы:
Т:Балалар бүгін бізде ерекше күн! Бүгін біздің топқа қонақтар келіпті, қане амандасайық.

-Ал қанекей шеңбер жасап тұрағаламыз!

Арайлы таң атты,
Алтын сәуле таратты.
Жарқырайды даламыз,
Жарқырайды қаламыз
Қайырлы күн қонақтар!
Қайырлы күн достарым!
Жарайсыңдар Балалар! Тамаша!
Т: Қазір жылдың қай мезгілі?

Б:- Қүз мезгілі

Т:Ия қазір,күздің соңғы айы қараша!

Т:-Балалар,айтыңдаршы сендер құстар туралы не білесіңдер?

Б:-Құстар үй және дала құстары болып екіге бөлінеді.

Т:-Ал үй құстарының бізге тигізер пайдасы қандай?

Б:-Олардың етін жеиміз,олар бізге жұмыртқа береді!

Т:-Ал,балалар,сендер құстарға қандай қамқорлық жасар едіңдер?

Б:-Оларға жем береміз,үйшік саламыз!

Т:-Ал егер қанаты сынған торғайды тауып алсаңдар сендер не істер едіңдер?

(Көгершіннің дауысы)

Т:-Балалар

Т:-Бүгін біз Спандияр Көбеевтің (балаларға автордың портретін көрсету)«Құстың ұясы» деген әңгімемесімен танысамыз!

( аудио жазба тыңдайды)

Құстың ұясы

Спандияр Көбеев

Балалар ойнап жүріп, ағаштың үстінен бip құстың ұясын көрді. Бұл

ұяның iшiндe балапандар отыр екен. Балалар балапанды алып үйіне әкелді.

Әкесі баласына айтты: «Бұл балапанды ұядан неге алдың,- деп. - Шешесіз

балапандар тұра алмайды: балаларынсыз шешeci қайғырады, далада құр өліп

қалады ғой»,- деді.

Балалар балапанды аяп, ұясына апарып қойды.

Сергіту сәті: «Ұшты-ұшты ойыны»

Т:-Балалар әңгімедегі балалар ең алдымен нені көрді?

Б:-Ағашты көрді!

Т:-Ендешеағаштардың қасына барып тапсырмасырмаларды орындайық!

Тапсырма: «Артығын тап» Ортаңғы топ

Мақсаты:Карточканың ішіндегі артық құстарды тауып оны қоршау.

2 кіші топ

«Қандай құс,құрастыр»

Шарты:құс бөліктерін бір-біріне қосып,құсты құрастырып шығу.

Т:-Жақсы балалар тапсырмадан сүрінбей өттіңдер тамаша!-Ал жаңағы балалар ағаштың үстінен нені көреді?

Б:-Ұяны көреді!

Т:-Балалар құстардың дыбысы шығып жатқан жаққа барайықшы!

(Ұяның артындағы тапсырманы орындайды)

Ойын: «Үй және дала құстары»

Шарты: Әуен ойнап тұрғанда барлық құстар шашылып жүреді,әуен тоқтағанда үй құстары тауық қораға,дала құстары орманға қашады.

Т:-Жақсы,ал содан кейінқайда барады?

Б:Үйге барады!

Тапсырма: Тіл ұстарту жаттығуларын біргше қайталау

«Ғай-ғай мынау отырған торғай», «Қарға қарға қарғалар,қар үстінде жорғалар»

-Жарайсыңдар балалар,үйде олар кімге келді?

Б:-Әкесіне келді!

-Әкесі оларға не деді?

-Балалар мұнда балалардың әкесі бір белгілерді қалдырып кетіпті,қараңдаршы бұл белгілер нені білдіреді?

Б:-Ағашты сындыруға болмайды!

-Құстың ұясын бұзуға болмайды!

Т:Сонымен ,балалар құстың ұясымен не істеді?

Ағашка апарып қойды!

(Тәрбиеші балалармен бірге ұяны апарып қояды)

Т:-Ал, балалар сонымен біз бүгін қандай автордың әңгімесімен таныстық?

-Әңгіменің аты қалай?

-Сендерге бұл әңгімеде не ұнады?

-Соныымен құстарға бізден қандай қамқорлық керек екен?

-Жарайсыңдар,балалар,қоштасатын сәт келді. Келген қонақтарға рахметімізді айтып қоштасайық.
Қол ұстасып тұрайық
Шеңбер жасап құрайық
Көріскенше күн жақсы
Сау –саламат болайық!