"Сиқырлы кебістер" тақырыбында сабақ жоспары

Ойын-сауық тақырыбы: "Сиқырлы кебістер"

Білімділік мақсаты: Балалардың геометриялық пішіндер,түс,көлемі туралы білімдерін кеңейту,қоршаған орта туралы жан-жануарлар дыбысын ажыратуға үйрету.

Тәрбиелік мақсаты: Саяхат барысында ынтымақтастық ахуалын тудыра отырып, өзара көмек,сенім,сыйластыққа тәрбиелеу.

Дамытушылық мақсаты: Қызықты ойын-тапсырмалар арқылы ойлау,талдау, салыстыру, ұсақ қол маторикасын дамыту.

Әдіс-тәсілі: саяхат,сұрақ-жауап,ойын-тапсырма,таңғажайып сәт туғызу.АКТ

Көрнекілігі: зейін,ойлау,есте сақтау,қабылау алаңдар тапсырма суреттері,АКТ

Түрі: Саяхат

Ойын-сауық барысы: -Сәлеметсіңдер ме!

Қане,менің жаныма келе қойыңдар (балаларды қасыма жинап аламын)

-Балалар ойын ойнағыларың келеме? (балалар өз ықыластарын білдіреді)

- Ендеше "ия-жоқ" ойынын ойнаймыз

Д/О: "Ия-Жоқ"

1.Тәттіні жақсы көреміз бе?

2. Балабақша ұнай ма?

3.Апайды тыңдамай ренжітеміз бе?

4.Мамаларымызды жақсы көреміз бе?

5. Ойыншықтарды сындырамыз ба?

6. Ойнағанды ұнатамыз ба?

Бір күлген дыбыс естіледі (үнтаспадан балалардың күлкісінің дауысы )

-Балалар ,дыбыс қайдан шығып жатыр,мына қорапта не бар екен ашып қарайық.

-Балалар,қараңдар сиқырлы кебістер сөйлеп жатыр екен.Сиқырлы кебістердің көзі ауызы бар екен .

-Балалар,сендер жаңа ойнағанды ұнатамыз дегендеріңді естіп тұрған кебістер,енді сендерді "Сиқырлы елге саяхатқа"шақырады. Сендерге түрлі ойын-тапсырмалар беру арқылы сендерді сынақтан өткізеді,барамыз ба?

-Ендеше сиқырлы кебістерімізді киіп саяхатқа аттанамыз.Сендерді "Сиқырлы елге саяхатқа"осы сиқырлы кебістер апарады.

Ал,енді сиқырлы кебістер әдемі жүре аласыңдар ма?

Саяхатымызды бастаймыз.Балалар денемізді түзу ұстап,басымызды көтеріп әдемі жүреміз.

1. "Зейін алаңы" "Түрлі түсті жолдан өтеміз"

Шарты: аяқтағы кебіс түстеріне қарайтүрлі түсті жолдан өту.

Саяхатымызды әрі қарай жалғастырамыз

-"Сиқырлы кебістер"сендер жүгіре аласыңдар ма?

2. Міне ,"Ойлау алаңына "жеттік

"Үлкен-кіші"деген ойын ойнаймыз.

-Балалар қандай ойыншық аңдарды көріп тұрмыз? (аю,қоян)

-Қай аң үлкен?қайсысы кіші?

-Балалар ендеше үлкен аю ойыншыққа үлкен үй,кішкентай қоян ойыншыққа кішкентай үй құрастырамыз.(үлкен текшелерден аюға "үлкен үй", қоянға кішкене текшелерден "кішкентай үй "құрастырамыз.

Саяхатымызды әрі қарай жалғастырамыз

-"Сиқырлы кебістер"сендер қос аяқпен қоянша секіре аласыңдар ма?

-Ал енді аю секілді қорбаңдап жүре аламыз ба?

3."Қабылдау алаңына"келдік.

«Ненің суреті жасырылған?» Жұлдызшалардың артында не жасырынғанын табу

Саяхатымызды әрі қарай жалғастырамыз

-"Сиқырлы кебістер"сендер адымдап солдатша жүре аласыңдар ма?

4. "Есте сақтау алаңына"келдік

а)"Не жоқ?"ойынынын ойнау (4-5 ойыншықты көрсете отырып,бір ойыншықты жасырып не жоқтығын сұрау)

б) АКТ "Ненің дыбысы?" (үнтаспадан жануардың дыбысын тыңдап ажырату)

Саяхатымызды әрі қарай жалғастырамыз

-"Сиқырлы кебістер"сендер қос аяқ ұшымен жүре аласыңдар ма?

5. "Қиялдау алаңына"келдік

Ойын:"Әдемі кілемше"

-Балалар,шебер әжеміз әдемі кілемше тоқыған екен,бірақ бітіре алмапты көмектесеміз бе?

-Балалар кілемше түрлі пішіндермен әдеміленіп жасалған екен?

Ендеше, геометриялық пішіндерді пайдаланып,пішініне қарай кілемшелердің

ойықтарына орналастырамыз.

Қорытындылау

Сұрақ-жауап

Мадақтау

-Балалар,барлығың тапсырманы жақсы орындап,белсенді қатысқандарың үшін осы сиқырлы кебістерді сендерге сыйлаймын.Сиқырлы кебістің көмегімен талай қызықты саяхатты жалғастыра берулеріңізге тілектеспін!