"Шыршаны шарлармен безендіреміз"

Тақырыбы: «Шыршаны шарлармен безендіреміз»

Мақсаты: Жаңа жыл мерекесі туралы білімдерін кеңейту; шаршыдан дөңгелектерді қиюға үйрету; жұмысты соңына дейін бітіруге дағдыландыру. Саусақтың ұсақ бұлшық еттерінің қозғалысын жетілдіру. Ұқыптылыққа тәрбиелеу.

Көрнекі құралдар: шырша суреттері, шыршаның қағазға желімделген үлгі суреті, жасыл түсті қағаз. Желім , қайшы, үлестірмелі материалдар.

Билингвальді компонент: жаңа жыл- новый год, шырша-елка.

Әдіс –тәсілдер:Түсіндіру, көрсету, сұрақ-жауап.

Тәрбиеші :-Балалар ,біздің сабағымызға қонақтар келіпті қане, бәріміз қонақтармен сәлемдесіп алайық.

Балалар: сәлеметсіздерме.

Шаттық шеңбері:

Міне сұлу шыршамыз,

Көптен күткен сағынып.

Кел, балалар келіңдер,

Жаңа жылды көріңдер.

Топқа бөлу: 1,2, 3.

Тәрбиеші: - Балалар қазір жылдың қай мезгілі?

-Қане ,кім қыс мезгілінің айларын атап береді?

Балалардың жауабы.

-Қыс мезгілі.

-Желтоқсан, қаңтар, ақпан.

Тәрбиеші: Балалар, қараңдаршы сиқырлы қобдиша тауып алдым.

Сөздік жұмыс: қобдиша.

Тәрбиеші: Сиқырлы қобдишада не бар екен? Оның ішінде қағаз бар екен, қағазда балалар жұмбақ жасырылған жауабын тауып көріңдерші.

Жұмбақ: Тікен –тікен, тік пісте,

Қысы жазы бір түсте. (Шырша)

Балалар шырша бізге қай уақытта қонаққа келеді?

Балалар: қыста , жаңа жыл мерекесінде .

Тәрбиеші: Бил ком. Жаңа жыл –новый год, шырша-елка

-Қобдишада тағы сиқырлы таяқ бар екен.

- Мен сиқырлы таяғымды сермегенде, шыршада шарлар пайда болады. Тәрбиеші сиқырлы таяқшасын әрі-бері сермейді , бірақ шыршада шарлар пайда болмайды.Тәрбиеші балалардан көмек сұрайды.

Балалар қазір ойын ойнап , пішіндерді еске түсіріп алайық.

Ойын « Пішіндерді ата» дидактикалық ойын.

Тәрбиеші: - Балаларға сұрақтар қояды.

Тәрбиеші: Балалар енді бір сергіп алайықшы,

Сергіту сәті: Аспан жерге төгеді,

Ақ күмісін уыстап,

Жаңа жыл да келеді

Бізге қарай жылыстап.

Үлестірмелі материалға назар аударады. Шарлар жасау техникасын түсіндіреді.

Ұжымдық жұмыс.

Тәсілдері: Балалар алдарыңдағы қағазда әдемі Жаңа жыл шыршасы бейнеленген . 1. Домалақ және сопақша шарларды алу үшін тіктөртбұрыштардың және шаршылардың бұрыштарын дөңгелектеп қиямыз.

2.Пішіндері әртүрлі шарларды кезектестіріп орналастырамыз, шыршаға мұқият және түзу жапсыруды көрсетеміз.

Қауіпсіздік ережелері: Желіммен жұмыс жасағанда абай болуымыз керек . өйткені оның құрамында улы заттар бар, жұмыс барысында қолды ауызға салмау керек, жұмыс жасап болғаннан кейін қолды сабынды жылы сумен жуу керек.

Тәртіп ережелері: Жұмыс барысында бір-бірімізге кедергі жасамауымыз керек. Жұмыс орнын таза сақтауымыз керек.

Тәрбиеші: Қандай жақсы балалар. Сендер тамаша жапсырып жатырсыңдар. Сендер сәл кешігіп жапсырып жатырсыңдар келесі жолы тездетіп қимылдаңдар.

Қорытынды: - Балалар бүгін біз нені безендендірдік? Шыршаны

-Сабақ сендерге ұнады ма?

-Біздің шыршамыз әдемі болып кетті .Аяз ата мен Ақшақарға көрсетеміз. Мадақтаймыз.

-Балалар сендер жарайсыңдар . Барлығымыз бірге қосылып шырша туралы тақпағымызды айтып жіберейікші.

Тамаша ,тамаша,

Шыршамыз тұр жараса,

Басында әсем жұлдызы ,

Көз тоймайды қараса.

Тәрбиеші : Ал ,балалар қонақтармен қоштасайық.

Балалар: Қош сау болыңыздар