"Щ дыбысы ж?не ?рпі" ашы? саба? жоспары

Сабақтың тақырыбы: Щ дыбысы мен әрпі

Сабақтың мақсаты:

а)білімділігі: Щ дыбысының баспа жазба түрімен таныстыру. Щ дыбысы бар сөздерге дыбыстық талдау жасай білуге үйрету. Сөз ішінен дыбыстарды ажыратып, оны дұрыс дыбыстату, көркем жазуға үйрету.

ә)тәрбиелілігі: Ұқыптылыққа, әдептілікке, тазалыққа, сауаттылыққа тәрбиелеу.

б) дамытушылығы: Ой – еркін, ойлау қабілетін сөздік қорын, қиялын, зейінін дамыту.

Сабақтың әдісі: түсіндіру, сұрақ – жауап.

Сабақтың түрі: аралас сабақ.

Көрнекіліктер: щ дыбысы мен әрпінің жазылуы, щеткалардың суреттері, схемалар.

Сабақтың жүру барысы:

I. Ұйымдастыру.

- Оқушылармен амандасып, оқу – құралдарын түгендеп, зейіндерін сабаққа аудару.

II. Психологиялық дайындық.

Қуанамыз арайланған ақ таңға,

Қуанамыз жақсылық боп жатқанға,

Қош кепсіңдер, алғашқы ашық сабаққа,

Сәлем беріп, бас иеміз сіздерге.

- Қазір бізде қандай сабақ?

- Сауат ашу.

- Сауат ашу сабағынан біз не үйреніп жатырмыз?

- Әріптерді.

- Осы әріптердің ережесі бар, кім айтады?

- Әріп дегеніміз не?

- Әріпті көреміз, жазамыз.

- Осы әріптер не істейді?

- Дыбысталады.

- Дыбыс дегеніміз не?

- Дыбыстарды біз айтамыз, естиміз.

III. Үй тапсырмасын тексеру.

- Өткен сабақта қандай әріппен  таныстық?

- Ээ.

- Э дыбысы қандай дыбыс?

- Дауысты.

- Бағандағы сөздерді, оқушыларға бір – бірден оқыту.

Сөздердің мағынасын түсіндіру.

- Электр – жарық көзі.

- Элеватор – мол астықты сақтайтын ғимарат.

IV. Үй тапсырманы пысықтау.

Э дыбысы сөздің басында, ортасында кездеседі екен.

Экскаватор

Экспресс

Элеватор

Экипаж

Экран

V. Жаңа сабақ.

- Суретке назар аударайық?

- Бұны бір сөзбен қалай атайды?

- Күн тәртібі.

- Осы суреттің ішінде ерекше болып тұрған қай сурет?

- Бұдан нені байқап отырсыңдар?

- Жуынғанда нелерді пайдаланамыз?

- Сабын, орамал, щетка, тіс пастасы, сусабын.

- Осы сөздердің ішінен щетка  сөзіне назар аударайық.

- Щ әрпінің баспа және жазба түрін көрсету.

- Щ дыбысы орыс тілінен енген әріп.

- Щетка сөзіне дыбыстық талдау жасайық.

- Щетка (щет-ка, 2 буын,  5 дыбыс).

- Щетка сөзінде щ әрпі қай жерінде келіп тұр.

- Тағы қандай щетка түрлерін білеміз.

- Суреттерін көрсетіп тіс жуатын, киім тазалайтын, үй ақтайтын, үй сыпыратын.

- Бұлардың барлығы бізге күнделікті өмірде қажет.

VI. Оқулықпен жұмыс.

Бағандағы сөздерді оқып, мағыналарын түсіндіру.

Щетка   ащы    тұщы     борщ 

VII. Дәптермен жұмыс.

Енді дәптерімізге щ әрпін жазып үйренейік.

Щ – әрпін ауада жазып үйрету.

VIII. Сергіту минуты.

Орнымыздан тұрайық
Қолды белге қояйық.
Бір отырып,бір тұрып
Демімізді алайық.
- Үлгі дәптермен жүмыс.

- Көркем жазу.

ІХ. Дымбілместің тапсырмасы.

Дымбілместің  қатесін   табу.

Щ – әрпі біз өтіп кеткен қандай әріпке ұқсас.

Ш – әрпіне.

Ш – Щ

...ар,       а...ы,       ...етка,      тұ...ы,        ...ана

X. « Көршіңді тап!» ойыны.

Оқушылардың қолдарына геометриялық фигуралардың бөлшектері таратылады.   Сол бөлшектерден фигуралар  құрастырса сөздер шығады.

Бұр  -  шақ,    тұ  -  щы,   а -  щы, ә  -   теш,   тұ – щы.

XІ. Қорытынды.

« Жарайсың» сөзін сұрақтарға жауап беру арқылы шешу.

1.Бүгін қандай әріппен таныстық?

2.Щ – қандай дыбыс?

3.Щ – дыбысы бар сөз ойла.

4.Щетка сөзін буынға бөл.

5.Щетканың түрлерін ата.

6. Щ әрпі сөздің қай жерінде кездеседі?

7. Бүгінгі сабақ ұнады ма, несімен ұнады?

XІ. Үйге тапсырма.

Щ әрпіне байланысты сөздерді оқу.

XІІ. Мадақтау.  Жұлдызшалармен