Ша?ын орталы?ты? 2-ші кішкентай топ балаларына арнал?ан "Кішкентай ба?бан "ертегіне саба? жоспары

“Қатынас”

Тіл дамыту

“Кішкентай бағбан”

Мақсаты: Мәтіннің мән-мағынасын бұзбай әнгімелеуді үйрету,балаларды сын есім мен зат есімнен туған сөздердің дыбысталуына қарай көңілдерін аудару ,тілдік қорын байыту,дамыту.Еңбек ету дағдыларын дамыту.Еңбек сүйгіштікке тәрбиелеу.

Көрнекілігі: Хрестоматия,тақырыптық суреттер, доп

Әдіс-тәсілдер: Түсіндіру,әнгімелесу,сұрақ-жауап,ойын,саластыру.

Сабақ барысы:

Шаттық шеңбері:

Балдырған баламыз,

Досты көп табамыз.

Қашан да,қайда да,

Дос болып бәріміз

Сенімді боламыз.

• Балалар,бір жылда неше жыл мезгілі бар?

• Төрт жыл мезгілі бар.

• Қазір жылдың қай мезгілі?

• Қазір күз мезгілі.

• Күз айларын атап беріңдерші?

• Қыркүйек,қазан,қараша

• Қазір күз мезгілінің қай айы?

• Қараша айы.

Балалар,бүгін бізде Тіл дамыту оқу іс-әрекеті,бүгінгі тақырыбымыз “Кішкентай бағбан”,-деп аталады. Мен сендерге қазір М.Төрежановтың “Кішкентай бағбан” әнгімесін оқып беремін.Мұқият тыңдаңдар.

Садықтың әкесі – Бағбан.Садық әкесіне үнемі көмектесіп жүреді. Қар кетіп ,жер дегісімен әкесі мен баласы бақта құмырсқаша қыбырлап еңбек етеді.Бір күні Қалел жүгіріп келіп:

• Кеттік,Садық,ойынға,-дейді.

• Менің жұмысым көп,-деп жауап береді Садық оған.

• Жұмыс деген немене тәйірі!Әкең бәрін істейді ғой.Ойын деген қызық емес пе?!

Қалел ойыншықтарын бірінен кейін бірін алып көрсете бастайды.Садық ойнағысы келіп кетсе де,өзін-өзі басып,жұмысын жалғастыра береді.Күз де келді.Бақта жеміс пен жидектің сан алуан түрі өсіп,жетілді. Садықтың өзі де қарық болды,досын да барынша сыйлады.Қалел тойып алып:

• Бәрін де түк қалдырмай жеп қоямыз,-деді.

• Қалады,-деп жауап береді Садық.

• Әкем: “Кім ойынға елікпей еңбек етсе,жер соны қарық қылады”,-деген.

Бағбан деген кім?

Тақырып бойынша сұрақтар.

- Әнгіме қалай аталады?

- Неге ол “Үлкен бағбан” деп аталмаған?

- Қалел Садыққа не деді?

- Садық неге ойнауға бармады?

- Қалел Садыққа не көрсетті?

- Күзде бақта нелер пісті?

- Қалел тойып алып не деді?

- “Кім ойынға елікпей еңбек етсе,жер соны қарық қылады” дегенді қалай түсінесіңдер?

Сергіту сәті

Гүс өсірсең терлеп,

Мұның аты – еңбек.

Кесте тіксең зерлеп,

Оның аты – еңбек.

Қырға шықсаң өрлеп,

Оның аты – еңбек.

Қиындықтың бәрін

Еңбек қана жеңбек.

• Садық қандай бала?

• Еңбекқор, жақсы бала.

• Еңбекқор деген сөзді қалай түсінеміз?

• Ата-аналарыңның,үлкендердің айтқан сөзін тыңдап,берген тапсырмаларын бұлжытпай орындайтын балаларды еңбекқор,еңбек сүйгіш деп атаймыз.

• Осындай еңбекқор жақсы балалар жайлы кім тақпақ айта алады?

Асыл : Ата менен ананың,

Айтқан тілін аламын.

Үлкен кісі жұмсаса

Қайда борлсын барамын.

Аяулым : Жақсы бала еңбекшіл,

Ер азамат болады.

Қиындықты жеңіп кіл,

Құшағы гүлге толады.

Еңбекшіл осындай

Болайықшы,досым – ай.

• Өте жақсы балалар.

• Ал,балалар,Қалел ше,ол қандай бала?

• Қалел,жалқау,өзімшіл,тойымсыз бала.

• Иә,ата-анасының сөзіне құлақ аспай,айтқанын уақытында орындамайтын,көмектеспейтін,жұмыс істегісі келмейтін балаларды жалқау,тіл алмайтын бала деп айтуға болады.

• Ал, кім айтады Қалелдің орнында сендер болсаңдар не істер едіңдер.?

• Иә,балалар,Еңбек – адамның атақ-даңқын шығарады.Еңбек еткен адам елдің алғысына бөленеді.Еңбектенген адам жеңісті,қуанышты болады.Еңбектенген адамды,бәрі жақсы көреді,сыйлайды,құрметтейді.

Мақал-мәтел мағынасын түсіндіру.

Еңбек етсең ерінбей,

Тояды қарның тіленбей .

Тақтадағы суреттер бойынша әнгіме құрастыру.

Ойын: “Мен еңбекқор баламын”.

Балалар дөңгелене тұрып,ойын бастаушы допты бір балаға лақтырады. Допты қағып алған бала үйде не істейтіні туралы айтып,допты басқа балаға лақтырады.

Қорытындылау.

• Балалар,біз бүгінгі оқу іс-әрекетінде тілалғыш,ұқыпты,еңбексүйгіш бала болуды үйрендік.Садық сияқты еңбекқор жақсы баладан үлгі алуға талпындық.Еңбек етудің қуаныш екенін,еңбектің бізді бірлікке,достыққы,жақсылыққа жетелейтінін білдік!

Тәрбиеші Бакасова Асем