Шығыс Қазақстан облысы,
Өскемен қаласы
ЖШС «Шығыс Балдырған»
Тәрбиеші: Темірханова Айнұр Ерланқызы
ЖШС «Шығыс Балдырған»
«Жираф» отбасылық сайысы
Мақсаты: Батырлар мерекесі жайлы түсініктерін қалыптастыру, балалардың спорт туралы білімдерін кеңейту. Ата – аналардың балабақшаға тығыз байланысын дұрыс жолға қою және ойындарға ата – аналардың белсене қатысып, ынтымақтаса жүргізілген жұмыстардың нәтижелі болатындығына көз жеткізу.
Жүргізуші: Құрметті балалар, ата - аналар қонақтар! Бүгін бізде үлкен мереке. Біздің балаларымыздың ата - аналары арасында спорттық жарыс өтпекші. Олардың бірге орындайтын спорттық өнерлерін көрсетуде жылдам, епті, ұйымшыл және көңілді екендіктерін көру қандай қуаныш. Біз мұндай отбасылығына сәт сапар тілейміз!
Алдымен сайыс шарттарымен таныстырып өтейін.
- Таныстыру.
- «Пойыз» ойыны.
- «Кім жылдам?» ойыны
- «Доппен секіру» ойыны.
- «Кеңгіру» ойыны
Сайысқа 3 отбасы қатысады.Олар:
1.Қайырбековтар отбасы «Жас қыран»
2. Набиевтар отбасы «Болашақ»
3. Садыковтар отбасы «Бәйтерек»
І сайыс. «Таныстыру». Әр отбасы өзін таныстырады.
Садыковтар отбасы.
Біз ананың қуанышымыз.
Бала кезден шыныққан.
Болашақта есейіп,
Біз жеңімпаз боламыз
Қайырбековтар отбасы.
Қатар өскен құрдасқа,
Жарыс ұнап тұрмас па
Қуып жету жақсы ғой,
Озып шығу бір басқа.
Набиевтар отбасы.
Қане, қане жарысуды,
Айналдырайық әдетке,
Денемізді шынықтыру.
Денсаулыққа қажет те.
Әділқазылар алқасы бағалап, ұпай сандарын жазып отырады.
Жүргізуші:
Өнерсіздік зор айып,
Ән мен күйге басайық.
Арасында тағы бір,
Әнмен шашу шашайық.Ән: «Ақбота» тобының орындауында: «Ел қорғауға әзірміз»
ІІ сайыс. «Пойыз» ойыны.
Ойын шарты: Әкесі пойыз басы болады. Баласы вагон. Анасы соңы. Бір – бірінің қолынан үзілмей ұстап. Кедергілерден өтіп келеді. Бірінші келген отбасы жеңімпаз болады.
Әділқазылар алқасы бағалап, ұпай сандарын жазып отырады.
ІІІ сайыс. «Кім жылдам?» ойыны.
Ойын шарты: Әкесі гүлді егеді. Баласы барып су құяды. Анасы гүлді жұлып әкеледі. Бірінші келген отбасы жеңімпаз болады.
Әділқазылар алқасы бағалап, ұпай сандарын жазып отырады.
ІV сайыс. «Доппен секіру» ойыны.
Ойын шарты:
Жарысатын үш топты әкелері мәреге келіп тұрады. Бірінші әкелер аяғында доп қыстырып алады, ол доппен секіріп сөреге дейін барып қайтып, екінші баласына береді. Ал, балалары болса қолдарына допты ұстап, кедергілерден өтіп қайтады, анасына допты береді. Ал анасы допты аяғына қыстырып, секіріп сөреге дейін барып қайтады. Қай отбасы уақытында келсе, сол жеңімпаз болады.
Әділқазылар алқасы бағалап, ұпай сандарын жазып отырады.
V сайыс. «Кенгуру» ойыны
Ойын шарты: Әкелер мөшекті аяқтарына киіп жалаушалар арасымен жарысады. Бірінші келген отбасы жеңімпаз болады.
Ал енді әділ қазылар алқасы ақылдасып бір шешімге келгенше «Жұлдызай» тобының биін қабыл алыңыздар!
Жеңімпаздарды марапаттау рәсімі әділ қазылар алқасына беріледі.
Жеңімпаздарды марапаттау.
(Әділқазылардың ұпайларын тыңдау)
І орын – Қайырбековтар отбасынан құралған топ «Жас қыран»
ІІ орын – Набиевтар отбасынан құралған топ «Болашақ»
ІІІ орын – Садыковтар отбасынан құралған топ «Бәйтерек»
Әділқазылар алқасы қорытындысын жариялап, жеңімпаздарды атайды.
Демеңіздер, біз өнерді аяп қалды,
Мезгіл де біраз жерге таяп қалды.
Сау болып тұрыңыздар, кездескенше,
Осымен спорттық сайысымыз аяқталды.
Бүгін алтын уақыттарыңызды қиып, отбасылық сайысқа қатысқандарыңыз үшін әрбір отбасыға алғысымызды білдіреміз! Жақсылықта, амандықта жүздескенше! Сау болыңыздар!
