Ортаңғы тобы ұйымдастырылған оқу қызметінің конспектісі.Тақырыбы:Аппақ,аппақ айнала.

Ортаңғы тобы ұйымдастырылған оқу қызметінің конспектісі.

Өтпелі тақырып: «Қардың пайдасы»

Білім беру саласы: «Әлеуметтік орта»

Пән: Қоршаған ортамен таныстыру.

Тақырыбы:Аппақ,аппақ айнала.

Дамытушылық:сөздік қорларының белсенділігін арттыру

Оқыту: мәнерлеп айта білуге жаттықтыру

Тәрбиелік: балаларды табиғатта болатын құбылыстарды танып,терең сезіңе білуге тәрбиелеу.

Әдіс - тәсіл: Әңгімелеу, түсіндіру, сұрақ - жауап, ойын.
Сөздік жұмыс: Ақ ұлпа қар, Аққала.
Керекті құралдар: Қыс мезгілінің суреті, мақта, қар.
Қос тілді компонент: Қыс - зима, қар - снег, аққала - снеговик.
І.Ұйымдастырушылық кезең.

Балалармен шаттық шеңберін құрып бір - бірлеріне бүгінгі күнге жақсы сөздер айтады:
- Сен бүгін қандай әдемісің
- Көйлегің қандай әдемі
- Шашың қандай жақсы
Мақсаты: Сыйластыққа, әдептілікке, татулыққа тәрбиелеу.
- Балаларды орындарына отырғызу.
ІІ.Негізгі кезең.

- Балалар, бәріміз терезеге қарайықшы, қазір жылдың қай мезгілі?
- Иә, қыс мезгілі. Дала аппақ қарға оранды. Күн суытып, жиі - жиі боран соғып, қар жауып тұр.
Бүгін біз «Ақ ұлпа қармен» танысамыз.
- Сендер далаға шыққанда қарды қолдарыңмен ұстап көрдіңдер ме?
- Қар қандай екен?
- Қардың түсі ақ, суық, қолымызбен ұстасақ, ол еріп кетеді, демек ол жылыдан еріп суға айналады.
- Жауып тұрған қарға алақанымызды тоссақ – ол алақанымызда ақ ұлпа болып көрінеді.
- Қыста біз далада қандай ойындар ойнаймыз?
- Балалар, қыста жылы киімдерімізді киіп жүру керек.
Қар қалың түскенде жолдарды қар басып қалады. Сондықтан адамдар жолды қардан тазартып отырады.
Сергіту сәті
Орнымыздан тұрайық,
Алға қадам басайық.
Бір отырып, бір тұрып,
Бойымызды жазайық.
- Балалар, мына суретке қараңдаршы, бұл ненің суреті?
- Иә, балалар, қардан аққала жасауға болады.
Қазір бәріміз бірігіп, аққала жасаймыз.
Ойын. «Аққала»
Мақсаты: Балалардың алған білімдерін бекіту.
Шарты: Балалар үш топқа бөлініп, аққаланың дөңгелек бөлшектерін мақтадан жасайды, барлық бөлшектерді бірге құрастырады.
Қорытынды.

- Балалар, қазір жылдың қай мезгілі?
- Қардан біз не жасадық?
- Қардың түсі қандай?
Белсенді қатысқан балаларды мақтап, мадақтау.