| Балалар шеңберге тұрып Ақ қоянға достық жылы сөздер айтайық. Шаттық шеңбер: Қайырлы таң! (қолымызды жоғары көтереміз) Ормандар мен далалар. ( қолымызды жан жаққа) Қайырлы таң! (күнге қарай созыламыз) Достасқан бар,балалар. (қолдарымызды алдыға келтіреміз) Қайырлы таң! (күнге қарай созыламыз) Біздің балабақшамыз. (алақанымызды жоғары келтіріп қолдарымызды жоғары көтереміз) Қайырлы таң! (күнге қарай созыламыз) Жора-жолдас, ұл мен қыз. Тәрбиеші: Балалар, қыс айларын атап өтейік менімен бірге қайталаңдар: желтоқсан, қаңтар, ақпан. Ал енді балалар қысқы орман туралы сурет қарайық, суреттен не көріп тұрмыз, қане кім әңгімелеп береді?
Балалар ортаға шығып көргендерін әңгімелеп айтып береді. Жеке жұмыс: Қажетінше балаларға байланыстырып сөйлеуге демеу беру. - Балалар қыс мезгілінде табиғатта қандай құбылыстар болады? Дұрыс айтасыңдар, балалар айналаның бәрін ақ қар басады. Жерді, тауды, тасты, орманды бәрін қалың қар басады. Ормандағы ағаштардың бәрі ақ көрпеге оранғандай болады. Қысқы орманның балалар ауасы таза, табиғаты тамаша болады. (Сурет себетте жаңғақтар тур) Ақ қоян: Балалар, мынау кімнің себеті? Орманда не жаңғақпен қоректенеді? Балалар сендер білесіңдер ме, ормандағы жануарларда адамдар секілді қысқа дайындық жасайды: қысқа тамақ жинайды, жазғы тондарын қысқы тонға ауыстырады, ал кейбір жануарлар қысты тәтті ұйықыда өткізеді! Тәрбиеші: Жабайы аңдардың тіршілігі қыста қиындау болады. Тоңады, ашығады. Қыста қоянның түсі ақ болады. Ақ қарда қоянды байқау өте қиын, ол қорғаныш қызметін атқарады. Қыста қояндар ағаштардың қабығымен, жас бұталармен қоректенеді. Ал аю болса, жаз бойына жеміс- жидектермен, балықпен, балмен қоректеніп май жинайды, сол майын қорек етіп апанында қыс бойына ұйқыға кетеді. Ал, кішкентай тиіндер ағаштан - ағашқа секіріп тыным таппайды. Құйрықтары ұзын, жүндері үлпілдек. Жаз бойы ағаштың қуысына жаңғақ, саңырауқұлақтарды кептіріп жинайды. Ал қыста сол жинағанымен қоректенеді. Түлкінің қыста жүні қалыңдайды, түлкі жыртқыштарға жатады, олар етпен қоректенеді, қыста қардың астынан тышқан іздейді, өтірік өлген болып, қулығын асырады. Ал, қасқыржа жыртқыштарға жатады ет іздеп орманды қысы жазы бойы жорытады. Тәрбиеші: Балалар, біздің досымыз Ақ қоян ормандағы достары туралы жұмбақтар әкеліпті соны жасырғысы келеді. Ақ қоян: - Өзі ширақ, өзі қу.Жүрген жері айқай-шу. -Үстінен тоны түспеген, Сонда да араз қыспенен. -Бейғам елді іздейді.Малдан күдер үзбейді. Түсі сұп- сур ол.... -Қалқиып екі құлағы, елеңдеп қорқып тұрады. Ақ қоян: қандай ақылды балаларсыңдар барлық жұмбақтардың дұрыс шешімін атадыңдар. Дыбыстық жаттығулар жасау: Қар қалай сықырлайды. Қырт - қырт, қырт - қырт. Жел қалай турады: у - у - у - у - у - у - у - у. Жаңбыр қалай жауады: -тырс-тырс-тырс Қасқыр қалай улыйды: -ау-у-у-у-у-у Жылан қалай ысылдайды: -с-с-с-с-с-с Балалар қолы тоңғанда ай - ай - ай – ай, ой - ой - ой - ой - ой дейді. Жарайсыңдар балалар. Отырып шаршадыңдар ма? Сергіту сәті. Ондай болса мен сендерге «Буги-вуги» ойынын ойнауды ұсынамын. (балалар шеңберде турады): Оң қолыңды алға қой, сосын оны артқа қой Қайта алға әкеліп сілкіп -сілкіп жіберіп. Біз билейміз буги-вуги шыр көбелек айналып Шапалақты соғамыз былай (хлоп-хлоп.) (Сол қолыңды, оң аяқты, сол аяқты) Қ-сы Буги-вуги, о-кей. Буги-вуги, о-кей. Буги-вуги, о-кей. Буги-вуги, о-кей. Ақ қоян: Балалар, мен сендерге ормандағы достарымның суреттерін әкелген болатынмын бірақ.... Тәрбиеші: Ақ қоян сен неге көңілсізсің айтағой, біз балалармен саған көмектесейік. Ақ қоян: Менің кіші бауырым, кішкентай көжек менің достарымның суреттерін жыртып тастапты, енді мен балаларға көрсететін суреттерім болмай тұр. Тәрбиеші: балалар ақ қоянға көмектесейік. Біз сендермен төрт командаға бөлінейік Ұстел үстінде мозайкамен жұмыс. Мақсаты: Қима суреттерді құрастыру арқылы аңның сұлбасын құрастыру. Баланың ой - өрісін, танымдық қабілетін дамыту. Ойын шарты: Әр командаға бір сурет беріледі, әр команда суретті жинап болғаннан кейін ортаға шығып суреттегі жануардың ерекшелігін немесе қалай жүретінін көрсетеді, ал басқа балалар ол қандай жануар екенін табу керек . «Мозайка» құрастыру. «Қасқыр», «Түлкі», «Қоян», «Аю» «Аңдардың қимылы». Әр команданың бала шығады, оған ілесе балалар қимылын салады, осылайша аю, қасқыр, қоян, түлкі шығады. Тәрбиеші: Жарайсыңдар балалар! Бар сұрақтарға дұрыс жауап бердіңдер! | 
