Мен ж?не мені ?орша?ан орта

Жасы бойынша топ: мектепалды даярлық тобы.

Ұйымдастырылған оқу- әрекетінің технологиялық картасы

Білім беру саласы: «Денсаулық»

Бөлімі: «Валеология негіздері»

Тақырыбы:Мен және мені қоршаған орта.

Мақсаты:Балаларға флора және фауна туралы мәлімет беру.

Өсімдік пен жануарлар дүниесіне деген жауапкершілік және қорғау қарым-қатынасын қалыптастыру.Күн және ауа тіршілік иелерінің өмір нәрі екені жөнінде мәлімет беру.

Міндеттері: Балаларға қоршаған ортаны күтіп-баптауға дағдыландыру. Суды, ауаны ластамауға тәрбиелеу. Ағаштың адам өміріне пайдасын ұғындыру.

Қостілдік құрам: табиғат-природа,күн-сольнце, аспан-небо.

Мотивациялық қозғаушылық кезең: Балалар шаттық щеңберге тұрамыз

Арайлап таң атты

Алтын шуақ таратты.

Жарқырайды күніміз,

Жарқырайды даламыз.

Аспанымыз қандай?

Аспанның түсі қандай? Аспанымыз ашық болсын деп неге айтамыз?

-Табиғат сенің денсаулығыңа қандай әсерін тигізеді?

Балалармен табиғат дегеніміз не және оның адамның денсаулығына қалай әсер ететіні жөнінде әңгіме өткізу.

Табиғат-адамдарды қоршаған әлем. Бұл-аспан, ай, жұлдыздар, өзен-көл-теңіздер, ағаштар, шөптер, жануарлар әлемі. Жел, жауын-шашын, боран, су тасқыны, қар еруі-бұның бәрі табиғаттың құбылыстары. Таулар, тастар, ағаштар, шөптер-табиғаттың денелері.

Табиғат-бүкіл қоршаған әлем, ал адам-өмірдегі ең керемет жаратылыс.

Табиғаттың адамға ғажайып сыйлығының бірі – таза ауа. Таза ауа ағзаға өте пайдалы. Адамдар оттегімен тыныс алып, көмірқышқыл газын сыртқа шығарады.

Ағаш – ауаны көмірқышқыл газынан тазартып, оны оттегіне айналдыру қызметінің қайнар көзі. Бұл да адам денсаулығына жағымды әсер етеді.

Күн – табиғат сыйының бірі. Халық: «Күн қай жерге аз түссе, сол жерде адамдар жиі ауырады» дейді. Күн шуағы көптеген аурулардың алдын алады.

Өмір шырыны – су – табиғаттың тағы бір сыйы. Адам ағзасының жартысынан көбі судан құралады. Сусыз адамдар да, өсімдіктер де, жануарлар да өмір сүре алмайды.

• -Флора және фауна дегеніміз не?

-Флора - өсімдік әлемі.

-Фауна – жануарлар әлемі.

Өсімдіктер мен жануарлар өміріндегі арнайы тәртіп туралы әңгімелеу.

• Суретпен жұмыс (ұжымдық) өсімдіктер мен жануарларды ажыратады және дала ,үй етіп тағыда ажыратады.

• Сергіту сәтін орындау (телдедидардан)

• Тақтаға суреттер ілінеді, интерактивті тақтадан слайдтар көрсетіледі.

Өсімдіктер мен гүлдерді жұлма! Сүйсініп қара, басқа адамдардың да қарауына мүмкіндік бер.

Бөтен итті сипама, жақындама. Абай бол, ол оны өзіне төнген қауіп санап, қауып алуы мүмкін.

Егер жұмыртқасы немесе балапаны бар ұяны көрсең тиіспе. Құстар өз балапандарын қорғаймын деп, шоқып тастауы мүмкін.

Жануарларды таяқпен соғып, аяқпен теуіп, құйрығынан тартып жәбірлеуге болмайды. Олар өзін қорғау үшін, сенің өміріңе қауіп төндіруі мүмкін.

• Табиғатқа қайсысы зиян әкеледі ? (интерактивті тақтада)

• Табиғаттпен дос бол! (интерактивті тақтада)

Рефлексивті түзету

Сүйіспеншілік гүлі : балалар бір-біріне жылы сөздерді айтады.

-Табиғат – тіршілік нәрі.

-Адам флора мен фаунаны қорғап, күтеді, ал олар адамға өмір сүруге пайдасын тигізеді.

-Адам табиғаттың бір бөлігі. Жер бетінде ауа, су, күн болмаса не болар еді?

Балаларды мадақтау.

Күтілетін нәтиже:

Жүйелейді: табиғат туралы ойларын, түсінігін жүйелейді.

Қолданады: табиғат бұрышында өз еңбектері мен түсінігін қолданады.

Түсінеді: табиғатты қорғау керек екенін түсінеді.