Оқу іс- әрекетінің мақсаты: П дыбысы және оның әріп таңбасымен таныстыра келіп , П дыбысы бар сөз, сөйлем ойлап табуына назар аудару . Балалардың тілдік, сөздік қорына мән беріп ойлау қабілетін дамыту(буын , сөз құрау жұмбақ пен тақпақ айту.( Танып білуге деген қызығушылықтарын арттыру.
Көрнекі құралдар : кеспе әріп , әріп таңбасы, текшелер, суреттер,піл,парта,пияз.
Әдіс-тәсілдер:сұрақ-жауап,түсіндіру,әңгімелесу.
Ұйымдастыру кезеңі.
Тәрбиеші: Үлкенгеде сіз,
Кішігеде сіз
Барша жұртты құрметтеп,
Бас иеміз біз.
Ай да біреу аспанда,
Күн де біреу аспанда,
Тұратұғын елжіреп,
Бәріміз де бір жүрек.
Тәрбиеші: балалар оң қолымызды жүрегімізге қояйықшы.
Жүрегіміздің соғысын сезінеміз бе?
Жүрегіміз қандай?
(балалар жауабы)
Тәрбиеші: Олай болса осы жүрегімізден шыққан жылуды бір – бірімізге сыйлайық (Бір-Біріне қарап алақанды үрлеу.)
Ізденістер,ұйымдастыру.
-Балалар,қазір жылдың қай мезгілі?
Жыл мезгілі күз.
-Қай ай?
Қазан айы.
-Күз мезгілінде неше ай бар?
Күз мезгілінде үш ай бар.
-Үш айды атаңдар.
Қыркүйек,қазан,қараша.
-Аптаның қай күні?
Бүгін аптаның екінші күні «сейсенбі»
Ал,балалр,ойнайық,
Ойнайықта ойлайық.
Қандай жұмбақ болса да,
Шешпей оны қомайық.
Жұмбақ:
Қалың киімді ұнатады,
Шешіңдірсең жылатады.
- Ол не?
Балалардың жауабы пияз.
Суретпен жұмыс:
Тәрбиеші:
-Суреттерде не бейнеленген?
Парта,пияз,піл.
-Піл сөзінің басында қандай дыбыс естіледі?
Дауыссыз дыбыс Пп.
-П дыбысын қандай текшемен белгілейміз?
Көк текшемен.
Тәрбиеші дабылды соғады да не естідіңдер деп сұрайды.
-Дыбыс
-Дұрыс балалар,сендер дыбыс естідіңдер.
Бірақ ол дыбыстар біркелкі ме?
-Дыбыстар әртүрлі болады.
Қане,бәріміз А және П дыбыстарын айтып көрейік.
-А-А-А
-П-П-П
Айырмашылығы қандай?
А-А-десек созып айтуға болады,дауысымыз еркін шығады.
П-П-десек дауысымыз жай шығады.
Бұл дыбыстарды жеке-жеке айтсақ,ол дыбыс.
Сергіту сәті:
Сылдырлайды мөлдір су,
Мөлдір суға қолың жу.
Жуынсаң сен әрдайым,
Аппақ бетің,маңдайың.
Су дегенің – осы. (алақандарын созады)
Енді «Піл» «Парта» «Пияз» сөздерін талдайық.
Осы сөздерді буынға бөліп айтып көрейікші
Шапалақ арқылы буынға бөлу.
Піл сөзі үш дыбыстан құралған.
Парта сөзі бес дыбыстан құралған
Пияз сөзі төрт дыбыстан құралған
-Дыбыс дегеніміз не?
-Дыбысты естиміз.
-Дыбыстар нешеге бөлінеді ?
-Дауысты,дауыссыз,
«Сөз ойла, тез ойла» ойыны.
Дәптермен жұмыс:
(П) дыбысын ауада,баспа түрін тақтада жазып көрсету.
Қорытынды:
Балалар бүгін біз қандай дыбыспен таныстық?
(П) дыбысы қандай дыбыс екен?
Балаларды мадақтап оқу іс-әрекетің аяқтау.
Балалар оқу іс-әрекетінде қызығушылық танытты.(
Күтілетін нәтиже:
Білу: (П) дыбысы дауыссыз,көк түсті текшемен белгіленетінің білді.
Игеру: (П) дыбысына келетін сөздерді оқып,буынға дұрыс бөлуді игерді.
Меңгеру:(П) әрпінің баспа түрін ауада,дәптерге жазуды меңгерді.
