-Ал, балалар, бәріміз бері қараймыз.Кәне, кім айтады, үйге қандай тапсырма берілді? (1-ден 5-ке дейінгі сандарды тура,кері санау.)
-Олай болса, өтілген сабақты ертегі арқылы пысықтайық.
Ерте, ерте-ертеде, бір қарияның бес саусағымыздай бес ұлы болыпты. Күндердің күнінде қария қартая бастаған соң,өзіне бір ұлын мұрагер етіп тағайындамақшы болып ұлдарын шақырып былай дейді:
Сен-бас бармақсың,
Сен-балалы үйрексің,
Сен-шылдыр шүмексің,
Сен-ортан терексің,
Сен-кішкентай бөбексің.
-Мен болсам қартайдым, бүреудің үй иесі болуларың керек. Кім ақыл- дылығын көрсетсе, сол мұрагерім болады,-деді қария.
Бас бармақ былай дейді:
Алтын жүзік қа сыма,
Байлық менің жасымда.
Мұрагерің болайын,
Түсіңдер менің соңыма.
Балалы үйрек:
Күміс белбеу белімде,
Жалт-жұлт етеді көрдің бе?
Тең келмейсің менімен
Түсіңдер менің соңыма.
Ортан терек:
Асыл киім үстімде,
Байл ық менің жолымда.
Мұрагерің болайын,
Түсіңдер менің соңыма.
Шылдыр шүмек:
Құндыз бөрік басымда,
Жүрейін әке қасыңда.
Кішкентай бөбек:
Асыл жүзік менде жоқ,
Асыл киім менде жоқ.
Күміс белбеу менде жоқ.
Құндыз бөрік менде жоқ,
Екі қолым сенерім
Аянбай еңбек етемін.
Қария кенже ұлының сөзіне риза болып мұрагері етіп кенже ұлын қылдырыпты. Сонымен,балалар, атайдың неше ұлы болыпты?
-Бес ұлы.
-Кім маған атайдың ұлын тура санап береді?
-Кім кері санап береді?
Көрнекіліктер арқылы ауызша 5 санына байланысты есептер шығару.
Сергіту сәті:
Ал,балалар, тұрайық,
Алақанды соғайық.
Оңға қарай иіліп,
Солға қарай иіліп,
Бір отырып, бір тұрып,
Орнымызды табайық.
-Ал,енді,балалар жаңа сабағымыз-6 саны. Біз таныс 5 санымыздың оң жақтағы көршісі.
6 саны ауада былай жазылады.
-Кәне, өздерің де жазып көріңдерші, саусақтарымен көрсетіңдерші?
-Дұрыс, балалар, тамаша бәріміз біледі екенбіз. Ал менің қолымдағы қандай құс?
-Қарлығаш
-Түр-түсі қандай? (Ала.)Нешеу?(6)
-Алма қандай?(Қызыл.)Нешеу(5)
-Өрік қандай?(Сары.)Нешеу?(4)
-Шие қандай?(Қызыл.)Нешеу?(3)
-Шар қандай?(Көк.)Нешеу.(2)
-Қайшы қандай?(Ақ.)Нешеу.(1)
Енді осы көрнекіліктерді санату, тура санағымызда санның артатыны, кері санағанда санның кемитіндігін ұғындыру, түсіндіру.
-Сонымен, біз қандай санмен таныстық? Ендеше, 6 саны туралы тақпақтарды тыңдайық.
Бір дегенім-бірлік,
Екі дегенім-еңбек
Үш дегенім-уәдең
Төрт дегенім-теңге
Бес дегенім-бәйге
Алты дегенім-алма
Алмадан тәтті барма?
-Ал, балалар, кім осы алма туралы тақпақ, жұмбақ біледі?
Пісіп тұрған алмамын,
Тамсандырар бал дәнім.
Жерге сілкіп түсірме,
Ісіп кетер маңдайым.
Күзде піседі, домалап түседі. (алма)
Өзі қатты, өзі тәтті,
Жеген жанды таңырқатты. (алма)
6санын әдемілеп дәптерімізге жазайық. Жазған сандарын қадағалап, сабаққа жақсы қатысқандарды ауышша бағалап, марапаттап, үлгі ету.
Сабақты қорту.
-Сонымен, балалар, 6 саны қандай саннан кейін тұрады? 6 саны қандай санға жатады? (Жұп.)
