К?лкі - денсаулы? к?ркі!

Кулагино орта мектебі

Тақырыбы: «Күлкі денсаулық көркі»

Мектепке дейінгі шағын топ тәрбиешісі: Кадиркулова.Л

Тақырыбы: Күлкі денсаулық көркі

Мақсаты: Балаларға күлкі туралы түсінігін кеңейту. Шығармашылығын дамыту.

Балалар шеңбер болып тұрады.

Келген қонақтармен амандасу.

Сәлеметсіздер ме апайлар!

Қош келдіңіздер!

Тәрбиеші: Балалар менің қолымда қандай затты көріп тұрсыңдар?

Балалар : Доп

Тәрбиеші: Бұл жәй доп емес бұл сиқырлы доп. Осы сиқырлы допты алақанымызда айналдырып алақан арқылы бір – бірімізге беріп жылы тілек лебіздерімізді білдірейік.

Тәрбиеші: Балалар жуық арада сендер мектепке кетесіңдер мен сендерге сәт сапар тілеймін!

Мадина: Күніміз жарық болсын!

Әділхан: Аспанымыз ашық болсын!

Нұрислам: Деніміз сау болсын!

Нұргүлім: Көк туымыз биік болсын!

Нұрдана: Елімізде бейбітшілік болсын!

Доп тәрбиешіге келеді!

Тәрбиеші: Сиқырлы доп осы топқа сендерден естелік болып қалсын! Осы допты қолыма алғанда сендерді есіме аламын. Балалар орындарына отырады.

Тәрбиеші: Балалар мына сиқырлы қорапшаға қараңдаршы. Мұны бізге кім жіберді екен? Ішінде не бар екен? Көргілерің келе ме? Балалар мына суреттерден кімдерді көріп тұрмыз? Балалардың жауаптары.

Тәрбиеші: Балалар бір – бірімізге қарап күлімдейікші. Барлығыңның күлкілерің, тамаша әдемі екен. Мынадай нақыл сөз бар: «Тіс күлкіге сән берер». Егерде тісіміз аппақ таза болса біз ұялмай күлеміз. Біз бүгінгі сабақта күлкінің көмегімен көңіл – күйімізді көтеруге, көп дос тауып өмірде көп жетістіктерге жетуге болатынын үйренеміз.

Балалар бізге Дәрігер Салауаттан хат келіпті.

Бәріміз тыңдайық. Ертеде бір қалашықта Күлкі мен Ашу өмір сүріпті. Күлкі өте ақкөңіл, сүйкімді, қайырымды болыпты. Барлық адамдар оны өз үйінде көргенде қуанады екен. Оны бәрі үйіне шақырып достасуға тырысады. Күлкі қай жерде болса сол жерде күн нұрын шашып, құстар ән салып төңіректің бәрі көріктенеді екен. Ал Ашу болса қабыға қатулы еш нәрсеге көңіл толмайды. Ол болған жерде бәрі жоғалып кетеді екен. Ешкім көңіл көтеріп күлмейтін болыпты.