"Конспект урока самопазнание"презентация для урока

Білім беру саласы: Шығармашылық.

Бөлімі:  Сурет салу.

Тақырыбы:  Құстар біздің досымыз.

Мақсаты:  Құстар туралы түсініктерін  кеңейту. Құстардың дауысын, қимыл-қозғалысын бейнелеп, дене бөліктерін ажырата білуге үйрету. Құстардың бейнесін сурет салу арқылы балалардың қызығушылықтарын арттыру. Құстарды аялап, қамқорлық жасап, қорғай білуге  тәрбиелеу.

Қолданылатын көрнекі құралдар:  Құстардың суреті бейнеленген  плакаттар, бейне таспа т.б

Қажетті құрал –жабдықтар:  сурет дәптері,  түрлі түсті қарындаштар, акварил

Сөздік жұмыс: құстар

II кезең

Ұйымдастыру –іздену

                    Балалар бізге келген бүгінгі қонақтармен  амандасып алайық!

-Балалар қонақтармен амандасады.

Шаттық шеңберін құрайық

                      Кел, балалар, күлейік,   

                      Күлкіменен түлейік!

                      Күлкі көңіл ашады,

                      Күліп өмір сүрейік!

                      Кел, балалар, күлейік,

                      Күлкіменен түлейік!

                      Қабақ түйген не керек?

                      Көңілді боп жүрейік!       

Тәрбиеші: балалардың  бәрін жинап, терезенің алдына әкеліп, құстардың сайрағанын тыңдатады.Сосын балаларды орындарына жайғастырып отырғызып, құстардың жылы жақтардан ұшып келетіндігін, және де балалардың құстарға  арнап ұя жасап жатқан  суреттерін көрсете отырып, көктемдегі құстардың тіршілігі  туралы әңгімелейді. Құстарды қорғап, қамқор болу керектігін түсіндіреді. Педагог құстың бейнесін ауада салып көрсетеді. Дайын сурет үлгісі бойынша құстардың денесі сопақша, дөңгелекке, тұмсығы, қанаттары, құйрығының  үшбұрышқа  ұқсайтындығын түсіндіреді. Құстар өсімдікке зиян келтіретін жәндіктермен  қоректенеді. Сөйтіп, бау-бақша, егістіктердің жақсы өсуіне пайда келтіреді.Құстарды да қорғау керек.

Дидактикалық ойын:  «Жоғарыда-төменде»

Ойынның мақсаты: 

Жоғары- төмен ұғымдарын пысықтау. Байқағыштықты,зейін, қиялды дамыту.

Ойынның құрал-жабдықтары: құстардың суреттері.

Ойынның мазмұны:  Бала қораптың ішінен бір суретті алып, атын атап, орнын анықтап,үлкен суретке бекітеді.М: құс жоғарыда аспанда ұшады, балық төменде суда жүзеді.

Билингвальды компонент:  Құс- птица, қарға-ворона, қарлығаш –ласточка.

Ал енді балалар сурет дәптермен  жұмыс жасайық.

                 Сергіту сәті: 

           Қарлығашқа ұқсайық,

           Қане қанат жасайық.

           Қарлығаш боп ұшайық,

           Ұшып-ұшып алайық.

Балалар сергіту сәтін тәрбиешімен бірге  орындайды.

Ойын жаттығу:  « Табиғатпен сырласу»

         Балалар арасынан «жолбасшы» тағайындалады. Балалар шеңберге бірінің артынан бірі тұрып, жолбасшының қимылын қайталайды.

           Өзеннен өту.

           Тауға өрмелеп шығу.

           Шалшық сулардан өту

           Ормандағы қалың ағаштардың арасынан өту.

           Ашық алаңға жетіп, қуанып, демалады.

III кезең

Рефлексивті – түзету

Тәрбиеші балалардан қазір жылдың қай мезгілі екендігін,қандай құстарды білетіндігін сұрайды. Құстарға әрдайым қамқор болу керектігін  айтады. Балалардың қандай құстың суретін салғанын сұрап, жақсы сурет салған  балаларды мадақтайды.

Күтілетін нәтиже:

Біледі:  құстарды қорғап, қамқорлық жасау керектігін.

Игереді: құстардың тіршілігі жайындағы түсініктерді.

Меңгереді: құстың суретін  сызықтың сыртына шығармай әдемі әрі біркелкі бояуды