Конспект Жаратылыстану Тақырыбы: "Біз көмекшіміз"

Ортаңғы «Шаңырақ» тобындағы ұйымдастырылған оқу қызметінің конспектісі

Өткізі күні: 20.05.20ж

Тәрбиеші:Фаткуллина К.С.

Білім беру саласы: «Таным»

Пән: Жаратылыстану

Өтпелі тақырып: «Көктемгі егістік»

Тақырыбы: Біз көмекшіміз

Мақсаты: 

Тәрбиелік: Балаларды көпшіл, үлкендерге көмек көрсетуге тәрбиелеу

Дамытушылық: Көмекші болуды таныстыра отырып дамыту.

 Оқыту: Балаларды үлкендерге қалай көмек көрсету керектігін оқыту

Педагогикалық технологиялар: ойын 

Ресурстармен қамтамасыз ету:үлкендердің еңбегі туралы суреттер 

Билингвалдық компонент: көмекші помощник

Ұйымдастырылған оқу қызметінің барысы:

І. Ұйымдастырылған оқуқызметі
Шаттық шеңбері

Айналаға қарап, табиғаттың сұлулығын сезініп, әдемі тілектер тілейік. (Балалар шеңбер болып тұрып, бірге қайталап айтады).

ІІ. Негізгі бөлім

-Балалар қазір жылдың қай мезгілі? –Қазір жылдың көктем мезгілі.

-Кәне, барлығымыз атап айтайықшы? Үш ай бар.

-Қазір мезгілінің қай айы? –Наурыз, сәуір,мамыр айы.

2. Суретпен жұмыс. (Балалар тақтадағы суретке қарайды, балалар өз ойларын айтады.)

-Балалар суретте Асан ағамыз қандай жұмыс жүргізіп жатыр? –Бұл суретте көктемгі қоршаған ортаға тазалық жұмыстарын жүргізіп жатыр.

-Иә, балалар, ауланы тазалап жатыр. Көктем мезгілінде адамдар айналаның бәрін тазалайды.

-Біз балабақшаның айналасына ауласына не отырғыздық? –Гүлдер, ағащтар және т.б.

-Гүлдер, ағаштар отырғыздық. Көктемнің басында осындай жұмыстар жүргізіледі. Ағаштар мен гүлдер әдемі болып өсу үшін қандай көмек көрсете аламыз?

Балалар өз ойларын айтады.

-Ауладағы гүлдерді жұлуға болмайды, ағаштарды сындыруға болмайды. Өйткені үлкен кісілердің еңбегін бағалай білуіміз керек.

-Иә, балалар, ағаштар мен гүлдердің тұқымын қапсырып, суарып, арам шөптерін жұлып отырамыз.

Айналамызды таза ұстау-біздің басты міндетіміз, себебі айнала таза болса, біз демалатын ауа да таза болады. Ағаштар көп болса ауа да таза болады.

Сергіту сәті:

Ал балалар тұрайық,

Алақанды ұрайық.

Бір отырып, бір тұрып

Біз тынығып алайық.

-Ауладағы шашылып жатқан қоқыстарды біз қайда саламыз?

-Балалар, қоқыстарды арнайы қоқыс жәшігіне саламыз.

Сендер үйлеріңде ата-аналарыңның бақша қандай жұмыстар жүргізеді?

Балалар олардың бізге қандай пайдасы бар?

-Ол табиғатқа әдемі көрік сән береді.

Қорытынды:

-Балалар көктем мезгілінде қандай жұмыс түрлері болады?

-Балалар үлкендерге қандай көмек берген дұрыс?

Сұрақ-жауап арқылы оқу қызметін бекіту. Белсене қатсқан балаларды мақтау- мадақтау.