Білім беру саласы: «Коммуникация»
Пән:Көркем әдебиет
Өтпелі тақырып: «Ас атасы нан»
Тақырыбы:Алтын дән К.Ахметова
Мақсаты:
-Тәрбиелік: Ертегі кейіпкерлеріне ене отырып жанашырлыққа тәрбиелеу.
-Дамытушылық: Ауызша халық шығармашылығы туындысына деген қайырымдылық сезімін дамыту.
-Оқыту: Кейіпкерлердің тәртіптеріне қарапайым мінездеме беруге үйрету.
Педагогикалық технологиялар:дамыту
Ресурстармен қамтамасыз ету:суреттер
Билингвалдық компонент:алтын дән золотое зерно
Ұйымдастырылған оқу қызметінің барысы:
I.Ұйымдастырушылық кезеңі:
Тәрбиешімен бірге шеңбер бойына тұрып,төмендегі өлең жолдарын орындайды.
Алақанды ашайық,
Күннің нұрын салайық.
Достың мейрін салайық,
Жүрек жылуын салайық
Осы жақсы лебіздерді,
Бір бірімізге сыйлайық.
II. Негізгі бөлім:
1.Кіріспе әңгіме:Ал енді,балалар,бәріміз орнымызға жайғасып отырайық.Бүгін біз ақын Күләш Ахметованың «Алтын дән»өлеңін мәнерлеп оқып оның мазмұнын ашатын бірнеше сұрақтарға жауап беруге тырысайық.
Өлеңді мәнерлеп оқу:
Жатыр дала жалтылдап,
Жаз шуағын мол құйды.
Күн астында алтын дән
Тербеледі,толқиды.
Толықсыған тасқындай
Көкжиектен ұштасып,
Күн астында ақ бидай
Билейді қол ұстасып.
(суреттерін көрсету)
2.Сұрақ жауап арқылы әңгімелеу.
Осы оқылған өлең шумағында не жайлы айтылған?
Өлеңнің авторы кім?
Сендерге өлеі ұнады ма?
«Алтын дән»дегенді қалай түсінесіңдер?
Сергіту сәті:
Кел,балақан,балақан,
Шапалақта алақан.
Жай,жай,жай.
Қозғап барлық денені,
Қаттырақ соқ қолды енді,
Сарт,сарт,сарт,
Айтқан кезде өлеңді
Ақырын бас еденді
Жай,жай,жай.
Өлеңді қайталап,мәнерлеп оқу,жаттап алу.
| Қорытынды: |
Қазақтың нақыл сөздері арқылы оқу қызметін аяқтау.
Ас атасы нан
Нан болса ән де болады.
