Коммуникация Сөйлеуді дамыту Жыл басына таласқан жануарлар

«Қазақстан –Республикам менің»

Мақсаты: Қазақстан Республикасы туралы әңгімелеу. Еліне, жеріне, Отанына деген сүйіспеншіліктерін арттыру.

Балаларды бір қатараға тұрғызып, қолдарын жүрек тұсына қойғызып, Қазақстан Республикасының Гимнін орындату.

-Балалар, біз қай республикада тұрамыз? –Қазақстан Республикасында

-Рәміздерге не жатады?-Ту, елтаңба, гимн

-Бас қаламыз қай қала?-Астана

Тудың түсі қандай? Тудың ішінде ненің суретті бейнеленген?

Отан деген не?

Отан деген-біздің еліміз, жеріміз, әке-шеше, бауырымыз, туған жеріміз. Отан туралы жырламаған ақын, жазбаған жазушы жоқ. Қазір мен сендерге ақын Бүркіт Ысқақовтың «Отан» өленің оқып беремін.

Отан

Отан сенің-ата-анаң,

Отан-досың, бауырың,

Отан-өлкең, астанаң.

Отан-аудан, ауылың.

Отан-тарих, Отан-тіл,

Жасаған елің, өз халқың.

Отан-өлкең, Отан-жыр,

Көтерген көкке ел даңқын.

Отан-осы, достарым,

Көңілге оны түйе біл.

«Отан» деп өсіп жас жаның,

Оны ардақтап сүйе біл!

Қазақстан Республикасының рәміздерімен таныстыру. Ту, Елтаңба, Гимн.

Тақпақтар:

Нұралы:

Он алтыншы желтоқсан

Тәуелсіздік алған күн.

Мерекеге ел тосқан

Шырқатып ән салған күн.

Сабира:

Мерекеге шығады

Бүкіл халық, біліп қой.

Отандастар ұғады

Тәуелсіздік-ұлық тойы.

М. Мадияр:

Он алтыншы желтоқсан

Тәуелсіздік алған күн

Мерекеге ел тосқан

Атамменен барғанмын.

М. Аяулым:

Тәуелсіздік еліміз

Мәңгі жасар жеріміз

Тәуелсіздік жасаған

Аға, Әпкелеріміз.

Ән: «Қасиетті домбыра». Орындайтын: Қ. Аяулымды ортаға шақырайық.

Қорытынды: Ән: «Көк тудың желбірегені» Бүгінгі тәрбие сағаттымыз аяқталды. Назар салып тыңдағандарыңызға рахмет.