К?ктемгі орман?а саяхат

Іс – әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық- қозғаушысы

Сүйеміз біз табиғатты аялап,

Табиғат ол біздің үлкен саябақ.

Барша жанға тілейтінім тек қана,

Адамзаттық үлкен жүрек шапағат.

Балалар қайталап бір-біріне жақсы тілектер айтып,амандасады.

Ұйымдастыру-ізденушілік

Тәрбиеші: Балалар,тілектерін қабыл болсын.Бүгінгі күн өте тамаша.Табиғат бізге жылы шуағын төгіп тұр.

-Қазір жылдың қай мезгілі?

Балалардан көктемгі күннің ерекшеліктерін сұрап,суреттер ілгізеді.

-Ой балалар,бізге біреу келіп тұрған сияқты есік қағып жатыр.Бұл кім екен? Кіріңіз.

-Гүл ханшайымы.

Гүл ханшайымы: Саламатсыздар ма!

-Сендер қандай әдемісіңдер!Балалар мен сендерді қонаққа шақырыпкелдім.Сендер саяхат жасағыларын келе ме? Егер сендер менің тапсырмамды орындасаңдар, мен сендерді көктемгі орманға алыпбарамын.

1.Жұмбақ жасыру:

Бұлтты айдап желдеткен,

Нөсерлетіп селдеткен.

Жаңбырлатып ойнайтын.

Қай мезгіл деп ойлайсың?

-Дұрыс айтасыңдар.

2.Көктем туралы тақпақ айту.

3.Санамақ айту.

4.Бір ден оңға дейін тура және кері санау.

-Жарайсыңдар,балалар.

Тәрбиеші: Балалар,сендер орманда жүру ережесін білесіңдер ме?

Гүл ханшайымы: Жарайысыңдар,сендер орманда жүру ережесін жақсы біледі екенсіңдер.

Тәрбиеші: Қараңдаршы бізде сиқырлы жолдар бар екен,сол жолдар арқылы біз орманға барайық.Мына жолдың түсі қандай,балалар?

Бұл түс қай жыл мезгілін білдіреді?

-Бұл жол ұзын ба,әлде қысқа ма?

-Балалар,маған күз мезгілінің түсін білдіретін жолды тауып беріңдерші.

-Неге күз мезгілінің түсі сары деп ойлайсыңдар?

-Ал енді ең жұмсақ жолды табыңдаршы?Бұл жол қай түсте екен?

-Бұл түс қай мезгілді білдіреді?

-Бұл жол кең бе,әлде тар ма?

-Ал ақырғы жолымыз қандай түсті және неге ұқсайды екен?

-Табиғат оянып көктем мезгілінде қандай өзгерістер болады?

-Енді балалар бой сергітіп алайық.

Сергіту сәті:

Жоғары қарап күн көрдім,

Төмен қарап жер көрдім.

Оңға солға бұрылып,

Жасыл орманды ел көрдім.

-Ағаштардың несі болады?

-Балалар сендер қандай ағаштарды білесіңдер?

-Ағаштардың бізге қандай пайдасы бар?

-Балалар сендер орман жайлы қандай өлең білесіңдер?

Сергіту сәті:Тербеледі ағаштар,

Алдымен жел еседі.

Кіп кішкентай ағаштар,

Үп үлкен боп өседі.

-Балалар мына ағашқа қараңдаршы,бұл ағашта не байқадыңдар? Оның несі жоқ?

-Олай болса біз осы ағашты киіндірейік.Бізге ол үшін қыстырғышпен жапырақтар керек.Жапырақтар мен қыстырғыштың түсі қандай?

-Балалар орманда тек ағаштар ғана емес,онда жабайы аңдар өмір сүреді.

Сендер олардың қандай түрлерін білесіңдер ме?

Гүл ханшайымы: Ал енді осы орман таза ауасында сендермен ойын ойнағым келеді.

-Әлемді жақсы көрсең,былай жаса(қол шапалақтау)

-Қасыңда досың болса,былай жаса(аяқпен секіру)

-Егер де жаңбыр жауса,былай жаса(қолын шапалақтау)

-Анаң саған күлімдесе,былай жаса(қолдарын шапалақтап,секіру)

Тәрбиеші: Балалар біз сендермен ойын ойнап жүріп жазық далаға шығып қалыппыз.

Жазық далада не көріп тұрсыңдар?

-Көктемнің алғашқы гүлдері қалай аталады?

-Балалар гүлдердің алдында не жатыр?

-Балалар осылай қоқыс тастауға бола ма?

-Олай болса қоқыстарды жинап,қоқыс жәшігіне салайық.

-Балалар біз сендермен ойын ойнап жүріп орманнан шығып кетіппіз.

Енді біз сендермен бірге гүлдің тұқымын егіп,оны күтіп баптайық.

Бұл гүл «Бақыт гүлі» деп аталады.

Гүл тұқымын егу.

Алдын-ала дайындалған топыраққа тұқымды себіп,тырмалап,су құю.

Гүл ханшайымы: Маған сендермен орманға саяхат жасаған ұнады.Сендер көп нәрсе біледі екенсіңдер.Сендермен қоштасатын сәт келді.

Тәрбиеші: Гүл ханшайымына сыйлық тұсынайық.

Гүл ханшайымы: Сау болыңдар,балалар!

Тәрбиеші: Сендер сабақты жақсы меңгеріпсіңдер,осымен сабағымызды аяқтаймыз.

Ән: «Көктем келді»

-Көктем мезгілі

Күн жылынады,қар ериді.

Суреттер ілді.

-Саламатсыз ба гүл ханшайымы!

-Ия

-Көктем мезгілі

1-бала:Көктем қандай көңілді,

Күміс жаңбыр төгілді.

Мөлдір аспан ащылып,

Күннің көзі көрінді.

-Бір дегенім бесік

Шықтың содан өсіп,

Екі деген елім

Далам,тауым,көгім

Балалар тура және кері санады.

-Орманда шуламау керек.Бір-бірінен қалмай ждүру керек.Айқайлап өлең айтпау керек,себебі ормандағы жануарлар мен құстарды шошытып аламыз.Бұтақтарды сындырмау керек.

-Мына жол қызыл түс.

-Бұл түс жаз мезгілін білдіреді.

-Бұл жол ұзын.

-Күз мезгілінің түсі сары.

-Себебі күз мезгілінде ағаштардың жапырақтары сарғайып жерге түседі.Жер беті сары кілемге ұқсайды.

-Бұл жол ақ түсте екен.

-Қыс мезгілін білдіреді.

-Бұл жол кең екен.

-Жасыл түсті.Шөптердің түсі сияқты.

-Жер беті жасыл шөпке толады,құстар ұшып келеді.Ағаштар бүршік атады.

Сергіту сәтін қимылмен орындады.

-Тамыры,діңі,бұтағы,жапы-рағы.

-Ағаштар таза ауа береді.Ағаштардан үйлер соғамыз.Ағаштар ыстық күнде көлеңке береді.

-Ну орман,жасыл орман,мынау орман,

Далаға қорған болып тұра қалған.

Барлығы баласындай бір үйдің

Барлығы жаралғандай бір адамнан.

Сергіту сәтін қимылмен орындады.

-Оның жапырағы жоқ

-Жасыл түсті

-Аю,түлкі,қасқыр,тиін,қоян.

Ойынды қызығушылықпен ойнады.

-Гүлдерді

Бәйшешек,қызғалдақ,бақбақ.

-Қоқыстар

-Жоқ болмайды.Табиғатты аялау керек.Табиғатты таза ұстау керек.Табиғат тіршілік көзі.Табиғатты гүл жайнатайық.

-Балалар қоқысты жинап,қоқыс жәшігіне салады.

-Балалар гүл ханшайымына «Бақыт гүлін сыйлады».

-Сау болыңыз,Гүл ханшайымы.

Балалар әнді орындады.

Рефлексивті - түзеуші

-Саяхат несімен ұнады?

Сабақты сұрақ-жауап арқылы қорытындылау,мадақтау.

-Сиқырлы жолдармен,ағашты киіндіру ұнады.Жазық даладағы әсем гүлдер ұнады.Таза ауадағы ойын ұнады.Гүл тұқымын еккен ұнады.Сұрақтарға жауап беріп қуанды.