"К?ктем г?лі" .Тілінде ауыр кемістігі бар балалар?а арнал?ан ашы? саба?.

«Көктем гүлі»

№ 11 «Арай» балабақшасы, Көкшетау қаласы

Тәрбиеші: Абдирова Айгуль Кайратовна

Тілінде ауыр кемістігі бар балаларға арналған ашық сабақ.

Білім беру саласы: «Таным», «Қатынас», «Шығармашылық».

Бөлімі: Айналамен танысу,тіл дамыту,жапсыру.

Тақырыбы: «Көктем гүлі»

Сабақтың түрі: кіріктірілген сабақ.

Мақсаты:

Білімділік: қиылған дайын пішіндерді қағаз бетіне дұрыс орналастыра білуге үйрету; түстерді, көлемді ажырата білуге үйрету; [с] -[ш] дыбыстарын есту және ажырата білу; [с] -[ш] дыбыстарының айырмашылығын нақтылай отырып, анық айтуға үйрету; көктем туралы білімдерін толықтырып, гүлдердің атымен таныстыру; 1-5 дейін сандарды қайталау; ұсақ моторикасын,фонематикалық есту қабілетін, тыныс алуын дамыту.

Дамытушылық: балалардың сөздік қорын молайтып, ой-өрісін, тілін, қиялын дамыту. Әдемілікті сезіне білуге, көркемдік талғамдарының жетілуіне ықпал ету.

Тәрбиелік: табиғатты қорғауға, адамгершілікке, ұқыптылыққа, бастаған ісін аяқтай білуге тәрбиелеу.
Әдіс-тәсілдері: түсіндіру, көрсету, сұрақ-жауап, сергіту, мадақтау, жеке баламен жұмыс.
Пәнаралық байланыс: тіл дамыту, айналамен таныстыру,жапсыру.
Сөздік жұмыс:көктем,бәйшешек, гүлдің сабағы.
Көрнекілігі: слайд,буклеттер,күнтізбелік балалардың суретімен,ағаш макеты, күннің көзі,жапырақтар, құстар, гүлдер, төл ойыншықтары, жасыл шөп, демонстрациялық материалдар.

Рефлексивтік түзету

Шаттық шеңбері: қонақтармен амандасу
-Сәлеметсіздерме!
Сәлем саған Алтын Күн!
Сәлем саған Көк аспан!
Сәлем саған Жер ана!
Сәлем маған!
Сәлем саған!
-Балалар, біздің бүгінгі сабақтың тақырыбы: «Көктем гүлдері».

Мезгілдерді қайталау (буклет)

Музыка әуені естіледі Көктем кіреді.

Тәрбиеші: Балалар бұл кім?

Балалар: Көктем!

Көктем: Сәлеметсіңдер ме, балалар! (Қолында гүлдермен кіреді, оны балаларға таратады)

• Балалар, қазір мен сендерге жұмбақ жасырамын, сендер сол жұмбақтың жауабын тауып көріңдерші. Мұқиятт тыңдаймыз.

Жұмбақ:
Ақ қар еріп, су көбейіп,

Сай салаға толады.

Ағаш басы бүршік ашып,

Гүл бәйшешекке толады.

Айтындаршы: бұл қай мезгіл болады?
- Дұрыс балалар, қазір көктем мезгілі.
- Көктемде табиғат өзгерістері қандай болады?(Слайд көктем өзгерістері)

Балалар: Қар ериді, ағаштарда жапырақ пайда болады,құстар ұшып келеді,күн жылынады, шөп шығады.

Дидактикалық тапсырма: Ал енді осы айтқанымызды іс жүзінде көрсетейікші,балалар. Ағашта нелер пайда болады? (3-4бала жапырақты ағаштың бұтақтарына жапсырады)

- Нелер ұшып келеді? Олар қайда қонады? (2 -3 бала құстарды ағашқа отырғызады)

- Көк шөп қайда өседі?( 1 бала көк шоптің макетін ағаштың бауырына төсейді)

- Төлдер қайда ойнақтайды? (көк шөп үстіне төлдерді орналастырады, атайды)

- Күн жылына ма?( 1 бала күннің көзін жапсырады)

Логопед. Демалу, артикуляциалық гимнастика жаттығулары.

Балалар, жыл мезгілдерін қайталадыңдар. Қыста жел суық (слайд)

Біз қазір С-дыбысын қалай дұрыс айтуын қайталаймыз.

Ол ұшін артикуляциалық жаттығуларды жасайық

«күлімсіреу»,

«шарбақ»,

«астыңғы тісімізді тазалаймыз»,

«суық жел»

С-С-С-С-С- қыстың суық желі (алақанның сыртқы жағымен суық желді сеземіз)

Көктемде жылы жел соғады. (слайд) Ш-дыбысына артикуляциалық жаттығуларды қайталайық:

«түтікше»,

«кесе»,

«үстіңгі тісімізді тазалаймыз»,

«самал жел»

Ш-Ш-Ш-Ш-Ш - көктемнің самал желін сеземіз.(алақанның сыртқы жағымен жылы желді сеземіз).

Сергіту сәті:

Тербеледі ағаштар,

Алдымнан жел еседі.

Кіп-кішкентай ағаштар,

Үп-үлкен боп өседі.

Тәрбиеші: Балалар,орнымызға отырамыз.

Жұмбақ жасыру:

Өзі сондай нәзік,

Су құйсаң кетеді.

Алақанын жайып. (Гүл)

Балалар, кім гүл туралы тақпақ біледі?

Мерей: Гүлдер,гүлдер,көп гүлдер

Қызыл гүлдер,көк гүлдер,

Өсе берші нұрланып,

Өсе берші ырғалып.

Тәрбиеші: Ал кізір тақырыпқа байланысты тіл жаттығуын жасайық:

Тем - тем - тем - келді көктем,

Шек - шек - шек - өседі бәйшешек. (2 рет)

Балалар,біз беске дейін санау білеміз бе?(Саусақтарымен беске дейін санау)

Бес дегеніміз бәйшешек,

Бірінші гүл көктемнің.

Бәйшешекті оятар,

Баяулап көктем нұр.

Тәрбиеші: Балалар суретке қарайықшы бұл бәйшешек гүлі.Бәйшешек-сәндік өсімдіктер.

Ол өзі кішкентай болсада қар ерісімен ең бірінші көктемде шығатын гүл.

Ал кәзір балалар бізде гүл жасаймыз.

Жапсыру: Балалар қағаздың бетіне дайын құралдардан гүл құрастырып жасайды. Осы жұмыстың үстінде түстерді, көлемді қайталайды.

Логопед. Ұсақ моторикаға жаттығу

Балалар, сендер бүгін жақсы жұмыс жасадыңдар, сондықтан, біз Көктемге сыйлық дайындайық, ал Көктем өз сиқырлығымен бізге көмектеседі.

Балалар түрлі-түсті қағаздан саусақтарының үшімен драже-кәмпит жасайды, оны сиқырлы қорапқа салады. (қораптың екінші түпкі жағы бар).

П.И.Чайковский «Фея Драже» музыкасы орындалады, балаларға сиқырлы қораптан нақты драже-кәмпит таратылады.

Сабақтың қорытындысы:

Балалар сабақ ұнадыма?

Біз қандай гүл жасадық?

Бәйшешек көктемде ең бірінші шығатын гүл.

Кәмпитті таратып отырып, тәрбиеші әрбір баланың сабаққа қатынасқанына баға береді.

Тыйыш музыка қосылады, балалар залдан шығады.