Киім- кешектер туралы ж?мба?тар

Тақырыбы: Киім- кешектер туралы жұмбақтар.

Мақсаты: Балаларды киім түрлерімен таныстыру,ұл мен қыздың киімін ажырата білуге үйрету. Ауыз екі сөйлеу тілдерін дамыту.Ұқыптылыққа тәрбиелеу.

Дамытушылық: Балалардың киім- кешектерге деген қызығушылығын арттыру, жұмбақ жасыру арқылы шығармашылық қабілеттерін дамыту.

Тәрбиелік: Балаларды оқу іс-әрекет барысында киімдерді бағалай білуге, шеберлікке тәрбиелеу.

Көрнекіліктер:ұл бала және қыз бала бейнеленген сурет,қуыршақтың киімдері. слайд,киім-кешектер және ұлттық киімдердің суреттері, түрлері

Іс-әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық-қозғаушылық

Балаларды жартылай шеңберге отырғызып,бір-біріне жақсы сөздер айтқызу.Суретке көңіл бөліп,ұл баланың киімдерін және қыз баланың киімдерін атау.Ұл балада қандай,қыз балада қандай киім болатының ажыратады.

-Балалар,кәне,бәріміз үстіміздегі киімдердің аттарын айтайықшы. Айсұлу, сенің үстінде қандай киімдер бар?

-Олжас,сенде қандай киімдер бар?

Жақсы сөздер айтады.

Суретке қызығушылық танытады.

Балалар үстеріндегі киімдерді қуанышпен жарыса айтуға тырысады.

Ұйымдастырушылық-ізденістік

Балаларға қуыршақтар таратып беріп,бүгін киімдер дүкеніне баратынымызды айту. «Киімдер дүкенінен»қуыршақтарына киім сатып алып берулерін сұрау.Балалар дүкенге келіп:

-Мен мына киімді аламын,-деп сатып алады.Қандай киім сатып алғанын,оны не себепті ағаның, және түстері туралы әңгімелейді. Балаларды сұраққа жауап беруге, әңгімелесуге тарту.

Балалар дүкенге баратындарына қуанады.

-Балалар енді мен сендерге киім кешектер туралы жұмбақтар жасырайын .Бірге шешіп көрейік.

Адамның сәнi,

Онсыз жоқ мәнi.   (Киiм) 

Дорбаға тығып, бас бағын,

Байлай салдым қос жағын.   (Тымақ)

Күнi бойы жүргiзедi,

Үйге де кiргiзедi.

Бiрақ, өзi iзеттi,

Босағада қалып

Шығуымды күтедi.   (Аяқ киiм)

Аузы бiреу бес құдық,

Қыстыкүнi бойлатам,

Бесеуiне бес құрық.   (Қолқап)

Сергіту сәті.

Бір,екі үш деп

Алақанды соғамыз.

Жоғары-төмен қараймыз,

Орнымызды табамыз.

«Бұл не?»дидактикалық ойын. Шарты: киімдердің суреттерін көрсетеді.

-Мен көйлек кигіземін,себебі қуыршағым қыз бала.Көйлектің түсі қызыл.Көйлегі әдемі.

-Мен шалбар кигіземін, өйткені қуыршағым ұл бала.

Қимыл-қозғалыстармен көрсетеді.

Суреттегі киімдердің атын атайды.

Қысқы, жазғы киімдерді ажыратуға тырысады.

Рефлексиялық-түзетушілік

Балаларға сөйлеуге, тіл байлықтарын дамытуға көмектесу.Әңгімелеуге талпынғандарын бағалау. Балалар дүкенге барғандарына қуанады.

Балалар сөйлеп үйренеді.

Ұғынады: киімді сипаттай алуды.

Түсінеді: жазғы және қысқы киімдерді ажыратуды.

Қолданады: әңгіме құрастыруды.