"Кел, танысайық" сөйлеуді дамыту пәнінен қысқа мерзімді жоспар

Жоспарланған уақыт

Жоспарланған іс-әрекет

Ресурстар

І. Дұрыс әсерлі көңіл күй орнату.

0-2 минут

Мақсатты болжам

3-5 минут

ҰОҚ ортасы

ІІІ. Тақырып бойынша жұмыс.

6-27 минут

ІҮ. ҰОҚ қорытындысы.

Рефлексия.

28-30 минут

(Ұ) Шаттық шеңбері

-Қайырлы күн, балалар?

-Бүгінгі күн қандай керемет!

-Қане, барлығымыз бір-бірімізге көтеріңкі көңіл күй сыйлайық. Бүгінгі күнді жақсы өлең жолдарымен бастайық.

Күлімде күн, күлімде.

Жер жасарып көгерсін!

Кешегідей бүгін де

Қанат қақсын көгершін

Балалардан журналист-тілші деген кім екенін, ол немен айналасатынын сұрайды.

-Бүгін бізге журналист-тілші қонаққа келді, ол кісі сендер туралы мақала жазбақшы. Сондықтан да сендердің әрқайсыларың туралы жақынырақ білгісі келеді. Сонымен бүгін біз өзіміз туралы- аты-жөніміз кім, нені жақсы көреміз, нені ұнатамыз, немен шұғылданамыз, солар туралы айтамыз. Алдымен тілшімен амандасып алайық.

Тілші балалармен әңгіме өткізеді:

-Аты-жөнің кім? Сен неше жастасың?

Өз түріңді, мінезіңді сипатта.

Шашың ұзын ба? Қысқа ма?

Бойың ұзын ба? Аласа ма?

Қай жерде тұрасың?

Аға, әпкең, іні, қарындасың бар ма?

Немен шұғылданасың?

Не кигенді ұнатасың? Қандай ойыншықтармен, кіммен ойнағанды ұнатасың? (Балалар тілшімен әңгімелеседі)

Дидактикалық ойын:

«Қыз бала мен ұл баланың киімін ажыратамыз»

Тақтада қызыл және көк түсті екі үлкен конверт ілініп тұрады. Ұл бала мен қыз баланың киімдерінің суреттерін араластырып, екі конвертке ажыратып салуын сұрау.

Әліппе-дәптермен жұмыс:

1-тапсырма. Суретте кімдер бейнеленген? Ұл мен қыздың айырмашылығы туралы айт. Төмендегі суреттер қайсысына тән? Сызып қос. Қызға да, ұлға да қажет заттар бар ма?

Көптілдік: танысу- знакомиться-to meet

Cергіту жаттығуы:

Сағаттың тіліндей, иіліп оңға бір,

Сағаттың тіліндей, иіліп солға бір.

Алға қарай бір адым,

Артқа қарай бір адым.

Жоғары-төмен қарайық,

Орнымызды табайық.

Әліппе-дәптермен жұмыс:

2-тапсырма. Серуенге шығарда киінуді алдымен неден бастайсың? Нөмірлеп көрсет. Тілші:

• Балалар, сендер ақылды, білімді, ұқыпты екендеріңді байқадым. Сендермен уақытым өте қызықты өтті. Енді сендер туралы мақаламды жазуға кірісейін. Қош болыңдар, балалар!

• Сау болыңыз!

Жаңылтпашты жаңылмай айтайық:

Көк көйлек, көк көйлек,

Дәл өзіме дөп көйлек

(жаңылтпашты қатты, ақырын айтуды ұсыну, балалардың барлық дыбыстарды анық айтуын қадағалау.

Мақал-сөздің мәйегі:

Анасына қарап қыз өсер

Әкесіне қарап ұл өсер. (Мақалдың мағынасын талқылау)

Әліппе-дәптермен жұмыс:

3-тапсырма. Өз автопортретіңді сал

Қорытынды жасау, балаларды марапаттау.

Рефлексиялық бағалау: өз жұмысымды бағалап, қорыту.

Балалардан дәптерді түсті қарындаштармен бояйды:

Ештеңе түсінбедім-қызыл түс

Түсіндім, бірақ түсіндіре алмаймын-сары түс

Бәрін түсіндім, басқаға да түсіндіре аламын- жасыл түс

Қуыршақ

Көк, қызылтүсті конверттер. Киімдердің суреттері

Әліппе-дәптер

Әліппе-дәптер

Әліппе-дәптер, түрлі түсті қарындаштар.