Ұйымдастырылған оқу қызметінің технологиялық картасы
Тәрбиеші: Джумашова Ж.Р
Тобы: «Балбөбек» I кіші тобы
Білім беру саласы: «Таным», «Шығармашылық»
Бөлімі: Сенсорика
Тақырыбы: «Қызыл-сары көбелек»
Мақсаты: Балаларға көбелекті таныстыру. Көбелектердің түстерін ажыратып,сөздік қорларын молайту. Дидактикалық тапсырмалар арқылы балалардың танымдық және шығармашылық қабілеттерін дамыту.Табиғаттағы тіршілік иелерін қорғауға,көбелектерге зиян шектірмеуге тәрбиелеу.
Алдын-ала жүргізілетін жұмыстар: Балалармен көбелек туралы әңгімелесу,таныстыру.
Әдіс-тәсілдер: Көрсету, әңгімелеу, сұрақ – жауап, түсіндіру.
Қажетті көрнекі құралдар:Пернетақта,үлестірмелі материалдар
Билингвалдық (қостілділік) компонент: Көбелек-бабочка,гүл-цветы
| Іс-әрекет кезеңдері | Тәрбиешінің іс-әрекеті | Балалардың іс-әрекеті |
| Себепті қызығушылығын ояту кезеңі | Шаттық шеңбер: Армысың Жер Ана! Армысыңдар достарым, Сендерді көрсем қуанам. Сәлеметсіздер ме қонақтар! Әңгіме: Балалар,қазір жылдың көктем мезгілі. Көктемде қар еріп,күн жылынады. Саяхатқа шыққан ұнайды ма, балалар? Ендеше қазір бәріміз,гүлзарға саяхатқа шығамыз. Гүлзарға жеңіл көлікпен барамыз. Қане көлікке отырайық. Балалар жолды жақындату үшін бос отырмай әндетіп барайық. Ән: «Қошақан» Ал,балалар біз гүлзарға да жетіп қалдық. Қараңыздаршы қандай әдемі гүлдер,көздің жауын алардай екен. Гүлзар ұнады ма сіздерге? Ғажайып сәт: Тәрбиеші көбелекті көріп: -Сәлеметсің бе, Көбелек? Сен неге көңілсіз отырсың? Көбелек: Сәлеметсіңдер ме? Мен мына әдемі гүлзарда жалғыз өзім тұрам,достарым да жоқ. Жалғыз жүрген жаман екен. Достарым көп болғанын қалаймын. Сен мұңайма Көбелек,біздің балалар саған көп достар тауып беретін болады. Солай ма балалар,көмектесеміз бе? | Балалар шеңберге тұрады. Иә ұнайды. Балалар тәрбиешімен бірге автобусқа отырады. Балалар тәрбиешімен бірге әнді орындайды. Ұнады Сәлеметсіз бе? Иә |
| Ұйымдас-тырушылық ізденіс кезеңі | -Ендеше балалар, алдымен көбелек туралы мәлімет жинап алайық. Бәріміз пернетақтаға қарайық. -Балалар көбелектің көптеген түрлері бар екен. Көбелектің екі қанаты болады,екі мұртшасы болады екен. Қанатымен ұшады, қанатын ашып қонады, көбелектер гүлді шаңтозаңнан, күн ыссылығынан қорғайды екен.Тек олар қысқа өмір сүреді. -Балалар, көбелекке зиян шектіруге болмайды. Оны ұстап алуға болмайды,себебі қанатына зақым келіп, ұша алмай қалады. Сондықтан да,табиғаттағы тіршілік иелеріне қамқор болуымыз керек. Кім Көбелек туралы тақпақ біледі? 1- тапсырма: «Көбелекті безендір» Мақсаты: Балаларға, саусақпен бастыру әдісі арқылы, көбелекті бояуға үйрету. Балалар,қолымдағы көбелекті бояумен,саусақпен бастыру әдісі арқылы безендірейік. Сергіту сәті: Қане қайсы алақан? Саусақтарым әйбәт, Былай,былай ойнат. Топ-топ,топ-топ басайық, Жалаудан күн жасайық. Жаса,жаса жарқын күн, Жаса,жаса алтын күн. Жарайсыңдар балалар! Сергіп алған болған,орнымызға отырайық. «Көбелектің гүлін тап» дидактикалық ойын. Мақсаты: Балаларға көбелектің гүлін табу арқылы,түстерді дұрыс ажырата білуге үйрету. Көбелек: Көп рахмет сіздерге балалар! Сендер маған көптеген достар жасап бердіңдер. Енді мына Гүлзарда мен жалғыз емеспін. -Балалар,мына боямақ кітапшалар сіздерге арналады. Топқа барып апайларыңызбен бірге бояйсыңдар. Рахмет сізге де Көбелек.Біздің балабақшаға қайтатын уақытымыз да болып қалды.Ендеше сау болыңыз! Қане бәріміз көлікке отырып,балабақшаға қайтайық. | Балалар пернетақтаға назарын аударады. Дарина: Мен тимеймін, жасқанба Дос болайық, көбелек. Жайнап тұрған бақшамда Гүлдерімді тере кет. Балалар тәрбиешімен бірге қайталайды. Балалар көбелекті саусақпен бастыру әдісі арқылы безендіреді. Тақтада тұрған ватман қағазға көбелектерді гүлге жапсырады. -Сау болыңыз! |
| Іс-әрекеттің бағалау кезеңі | -Балалар бүгінгі оқу қызметіміз ұнады ма сіздерге? -Гүлзарда нені көрдік балалар? Жарайсыңдар балалар,бүгінгі ашық оқу қызметіне жақсы қатыстыңдар. Қонақтармен қоштасыңдар | -Ұнады -Көбелекті көрдік -Сау болыңыздар! |
Күтілетін нәтиже:
Нені біледі: Көбелек туралы біледі.
Қандай түсініктерді игерді: Көбелектің ерекшеліктерін және
көбелектің түстерін ажыратуды игерді.
Меңгерген дағдылары мен іскерліктері: Саусақпен бастыру әдісі арқылы, бояу дағдыларын меңгерді.
0
