"Құстар-біздің досымыз" ұйымдастырылған оқу іс-әрекеті

Тақырыбы: «Құстар – біздің досымыз!»
Мақсаты:
А) Құстар,соның ішінде жыл құстары туралы түсінік беру, құстардың тіршілігі туралы айту.
Ә) Құстар туралы жұмбақтар шешу арқылы қызығушылығын арттыру, құстар бағына саяхаттауды техникалық құрылғылардың көмегімен тамашалай отырып құстарды қорғауға деген сезімін арттыруға жетелеу.
Б) Балаларға экологиялық тәрбие беру, яғни құстарды қорғауға, оларға тиіспеуге, ұя жасап қарсы алуға тәрбиелеу.
Көрнекілігі: слайдтар, лэпбук,құстардың суреттері «Құстар – біздің досымыз!»



Тәрбиеші: Балалар біз бүгін құстар әлеміне саяхат жасаймыз.Саяхатымызды мына мақал-мәтелмен бастайық «Қыс қыспаса қыс бола ма?

Құс ұшпаса құс бола ма?».
Балалар дүние жүзінде құстардың түрлері өте көп.. Олар табиғатты зиянкестерден қорғайды. Сондықтан олар табиғат емшілері деп айтады.
Олар тіршілік иелері. Олар ұрпақ өрбітеді. Балапандарын қанаттандырып, жауларынан қорғайды.

Жыл құстары екі топқа бөлінеді.Бір топ құстардың жылы жаққа ұшып

кетеді,ал екіншісі қыстап қалады.

Қыс мезгілінде қыстап қалатын құстарға азық табуға қиын болғандықтан,олар адамдарға жақын жүреді.Қыстап қалған құстар:торғай,қарға,сары шымшық,суықторғай,тоқылдақ

Қарға кез келген тамақты қорек етеді.Тоқылдақ ағаштардың арасында құрт-құмырсқалар мен шыбын-шіркейлерді теріп жейді.

Ал жерге түскен оның қалдықтарын торғайлар мен сары шымшықтар теріп жейді.Құстардың табиғатқа пайдасы зор.Олар ағаштарды құрт-құмырсқалардан және шыбын-шіркейлерден қорғайды.

Аққу-бұл киелі өте әдемі құс.Аққуларды атуға болмайды.Тырна-бұл құстың аяғы ұзын.Тырна ұшып келгенде , көктемде жерді жыртуға болады деген адамдар.

Қарлығаш – қасиетті құс. Ол өзінің ұясын үйдің, ауланың айналасына салады.Оған жамандық жасауға болмайды.
Үй салуды да адамдар қарлығаштан үйренген.

Раминаның орындауында
«Қарлығаш» әні

Халық болжамдары
Халқымыз құстардың келуіне,кетуіне қарап болжамдар жасаған.Енді солардың біразына тоқтала кетейік. Қарлығаш жоғары ұшса,күн жылы болады,ал төмен ұшса жаңбыр жауады. Көктемде қаздар қайтқанда жоғары ұшса,су тасқыны болады. Жаңбыр жауарда қарғалар у-да шу болады. Құс жүнін үрпитсе,жаңбыр жауады. Шымшық ұя салса,қыс қатты болады. Шағала келсе сең бұзылады. Жыл құсы қаптап келсе,көктем ерте келеді.
Сондықтан біз құстарды ,әрқашан, қорғап оларға қамқор

болып ,жүрейік.

Сергіту сәті.

Қане, қанат жазайық,

Қарлығаш боп ұшайық.

Ұшып-ұшып алайық,

Орнымызға қонайық.

Балалардың тақпақтары

Рамина,Мансұр,Абылай,Сезім,Маржан,Ясмина

Ойын «Құстар»

Жұмбақтар:

1.Сайрайды бір талмайды,

Әнші құс бұл таңдайлы.     (бұлбұл)

2.Қараңғыда ұшады, құбылады.

Жарық көрсе қашады, тығылады.        (жарқанат)

3.Шарлап келіп даланы,

Үйіне үй салады.                           (қарлығаш)

Қорытынды: Жылы жаққа қандай құстар ұшып кетеді?

Қыстайтын құстарды атаңдар?

Адамдар құстарға не жасайды?