«Құстар-біздің досымыз»

Ортаңғы «Құлыншақ» тобындағы ұйымдастырылған оқу қызметінің конспектісі

Білім беру саласы: «Таным»

Пән: Құрастыру

Өтпелі тақырып: «Құстар-біздің досымыз»

Тақырыбы: «Ауладағы балапан»

Мақсаттары: Сары түсті мақта дисктанбейнесін құрастыра білуге баулу.

-Тәрбиелік: Достыққа сана сезімдерінарттыру,ұқыптылыққа тәрбиелеу.

-Дамытушылық: Дөңгелек көлемді пішіндерді жасау.Салфетканы жырту арқылы балапанды құрастыру.

-Оқыту: Негізгі бөлігін жапсырып іскерліктерін дамыту. Шығармашылық қабілеттерін жетілдіру.

Педагогикалық технологиялар: Түсіндіру,көрсету,сұрақ-жауап.

Ресустармен қамтамасыз ету:Суреттер,үн таспа,желім,салфеткалар,үлгі.

Билингвалдық компонент: Балапан-цыплёнок,достар-друзья,тұмсығы-клюв.

Ұйымдастырылған оқу қызметінің барысы:

1.Ұйымдастырушылық кезеңі:

Қане, бәріміз бір-біріміздің қолымыздан ұстап, үлкен шеңбер құрып көрейікші.( Бәріміз бірге қолымыздан ұстап,шеңбер құрып тұрады.)

Табиғатым тамаша,

Көз тоймайды қараса.

Табиғатты аялап

Жүрейікші жараса.

2.Негізгі бөлім:

(кішкентай балапанның шиқылдаған дауысы шығады)

Балалар мынау не дыбыс екен?

Есіктің артынан балапанды тауып алады.

Балалар бұл балапан енесінен және бауырларынан адасып қалыпты, енді ол өте көңілсіз, біз балапанның көңілін көтерейікші. Оған достар жасап берейік, сонда ол өзін жалғыз сезінбейді.

Бүгін мен сендерге қол сүртетін сары салфеткалардан балапанды жасауды үйретемін.

Сары түсті салфеткалардыүзіп отырып,сызылған дөңгелектердің ішіне жабыстырамыз.Болғаннан кейін балапанның тұмсығын,көзін,аяқтарын түрлі- түсті қарындашпен саламыз.

Сергіту сәті

Тербеледі ағаштар,

Алдымнан жел еседі.

Кіп-кішкентай ағаштар,

Үп-үлкен боп өседі.

Саусақты жаттығу

Күн ұйықтады,

Күн оянды.

Жел соқты,

Жаңбыр жауды.

Бұлт шытырлады.

Күн ашылды,

Жел басылды.

Балалар жұмысқа кіріседі.

Балапандарды жасаудың барысында орындалу сатыларына мән беріп, әр баланың іс-әрекеті қадағаланады. Дайын болған балапанға тұмсығын, көздерін түрлі-түсті карындашпен салады.

3.Қорытынды:

Еңбек нәтижелерін көрсетіп, бағалайды.Кішкентай балапан көп дос тапқанына мәз болады.Балаларды мақтап ,мадақтау.