kopilkaurokov.ru - сайт для учителей

Создайте Ваш сайт учителя Курсы ПК и ППК Видеоуроки Олимпиады Вебинары для учителей

«Қош келдің, Жаңа жыл»!

Нажмите, чтобы узнать подробности

                                       «Құтты болсын, Жаңа жыл!»
        Мақсаты: балаларға мерекелік көңіл күй тудыру; шыршаның қалай әдемі де сәнді безендірілгеніне, балалардың Аязатаның, Ақшақардың, Түлкінің карнавалдық киімдеріне назар аударту; көңілді ойындар ойнату, достық қарым - қатынас ояту, бірлескен ойындар ойнату.
Қатысушылар: Жүргізуші, Аязата, Ақшақар, Клоун,Түлкі, Лунтик,Құрт,Тауық,Паравоз,Мыстан,Үйшік,Аю, балалар, ата - аналар.
       Музыка ойнап тұрады.
Жүргізуші: (жүргізушінің дауысы тыс жерден шығады) Тезірек, тездетіп мында жиналыңдар. Басталады Жаңа жылдық карнавал, маска да бар, би де бар, асығындар, шырша жанында қонақтарды қарсы алыңдар. Аязата шақырғанның бірі дағы қалмайды. Басталады, басталады, жаңажылдық карнавал! Ортаға «Аққу» тобының бүлдіршіндерін  қарсы алайық! (қол шапалақтау, балалар бір - бірден  кіреді)
Жүргізуші: Армысыздар, аяулы ұстаздар, ата - аналар! Сәлеметсіздер ме, балалар. Сендер бүгін, сәнді киініп, әдемі болып кетіпсіндер. Мына жерде орман аңдары, сүйікті ертегілеріміздің кейіпкерлері де жетіпті. Ал, бүгін балалар, қандай мереке?
Балалар: Жаңа жыл!
Жүргізуші: Жаңа жылдық ертеңгілігімізді ашудағы құттықтау сөзін балабақша меңгерушісі Анар Макетайқызына  беріледі.
Жүргізуші: Балалар бүгін біз Жаңа жылды қарсы алуға жиналдық.
Жүргізуші: Балалар, ортамыздағы әсем не?
Балалар: Шырша!
Жүргізуші: Шыршамыз қандай әдемі! Ойыншықтары неткен көп!

Ал, енді шыршамызға арналған әнімізді айтайық:

1. Ән: «Сәнденген шыршамыз» (Шыршаны айналып айту)

Жүргізуші: Ал, кім бізге шыршаға арналған тақпақтарын айтып береді екен?
 

Айсұлу:
Жасыл шырша орманнан,
Бізге арнайы келіпті.
Ойыншығын балалар,
Шыршаға әсем іліпті.
Ақниет:
Әсем шырша сәнденген,
Өз аңдарын күтеді.
Жаңа жылмен бірге біз,
Орманға кеп жетеді.
 

Абылай:
Тамаша, тамаша,
Шыршамыз тұр жараса.
Басында әсем жұлдызы,
Көз тоймайды қараса.

Гаухар:
Аяз Ата ойды қырды
Аралап жүр түгел шолып.
Қарсы алғалы жаңа жылды,
Ол да көптің бірі болып.
Қайда қызық болса думан, 
Аяз Ата сонда болды. 
Күндіз үйде ойнап бізбен, 
Балалармен бірге болды.
Бақдаулет:
Жаңа жылым мол болсын
Басқан қадам оң болсын
Төрле, төрле жаңа жыл
Бізге құтты жол болсын

Жүргізуші: Жарайсындар, қандай жақсы тақпақтар! (шыршаның жанына жақындап келіп) бәрекелді, қараңдар балалар, шыршаның астыңда бірдеңе тұр! Сыйлықтар! Сыйлық алу қандай тамаша, келіңдер, балалар, сыйлықты ашып көрейік. (көңілді муз. Ойнайды, қорапты ашады, оның ішінен Клоун атып шығады.)
Клоун. Амансыңдар ма, балалар! Иә, бұл менмің. Мені ораудан алып шыққандарың қандай жақсы болды! Ол жерде тар, әрі қап - қараңғы. Ал, мұнда сондай тамаша екен! Мен де сендермен жаңа жалды қарсы алайыншы, сендермен бірге қызықты ойынды ойнайыншы!
2.Ойын: «Қар атысу»

Жүргізуші:Онда балалар біз  (Клоун)Сайқымазақпен бірге  би билеп берейік:

3.Би: «Қыста бар, қыста жоқ?»

Жүргізуші:Рахмет саған Клоун.
Жүргізуші: Балалар, бізде шыршамыз бар, әдемі киінген балаларымыз бар, ата - аналарымыз, көрермендеріміз де бар екен, енді, біздің жаңа жылдық мерекемізге кім жетпейді?
Балалар: Аязата, Ақшақар.
Жүргізуші: Кәне, онда Аязатаны шақырайық. Бар дауыспен айқайлайық.
Балалар: Аязата, Аязата (деп 2 рет айтқанда, есік ашылады да,Түлкі кіріп келеді.)
Түлкі: Ойбай түрлерін қара! Неге тамақтарынды жыртып жатырсыңдар?!
Жүргізуші: Ал, сен неге амандаспайсын? Әдепті адам алдымен амандасып алады дегенді білмейсің бе?
Түлкі: Білсем бұйырмасын!
Жүргізуші: Мұны тіпті мына бүлдіршіндеріміз біледі. Ал, саған тіпті ұят. Саған ешкім үйреткен жоқ па?
Түлкі: Жоқ.
Жүргізуші: Сен өзі қайдан шықтың? Біз Аязатаны шақырып едік қой?!
Түлкі: Ал, мені мерекеге неге шақырмайсындар? Аязата сендерге бәрібір келмейді, өйткені мен ормандағы жол көрсететін белгіні алып тастадым, енді ол жол таба алмайды ха - ха - ха (деп секіреді)
Жүргізуші: Неге олай еттің? Аязата, Ақшақарсыз қандай жаңа жыл келмек?
Түлкі: Ә, бәлем, солай ма екен!

4.(осы кезде боранның гуілдеген дыбысы естіледі. Түлкі тоңа бастайды да, біреулердің киімдерінің астына кіріп, ата - аналарға тығылып, соңында шыршаның астына тығыла бастайды )

Жүргізуші:Біздің қу түлкіміз қашып кетті.

Жүргізуші:Балалар кәне, онда Аязатаны шақырайық. Бар дауыспен айқайлайық.

Балалар:Аяз ата, Ақшақар

5. Лунтик пен Құрт кіреді: «Сәлеметсіндерме балалар,бүгінгі жаңа жылдық кештеріңізді көңілді етуге келдік,бізбен бірге би-билеп, өлең айтуға дайынсындарма?

Балалар:Ия дайынбыз

6.Би :Буги – буги

Лунтик: Ал енді балалар сау болындар, біздің тағы да баратын жеріміз бар, сендермен өте көңілді болды.

Құрт: Әрдайым осындай көңіл күйде жүріңдер, сау болыңдар.

Жүргізуші:Сау болыңыздар.

7. Ән:Саламат ба, Аяз ата

Алыстан Аязатаның дауысы естіледі.
Жүргізуші: Аязата, Ақшақар келе жатыр ғой деймін, шақырайық, қол соғайық, болған қиындықтарды ұмытайық!
Балалар: Аязата, Ақшақар!
Аязата: Сәлематсыңдар ма, балалар!
Күнтізбеде қалыпты жалғыз ғана бір парақ,
Дайындалдым жыл бойы,
Жолға шығар келді уақ!
Шақырымды жүздеген
Басып өту мен үшін
Жаңа жылдың түнінде
Жасыл шырша түбінде.
Кездессем деп сендермен,
Тартасам екен сыйлықтар,
Одан асқан не сый бар.
Қуаныш сыйлау балаға
Одан зор бақыт бола ма!
Сендерді көргеніме сондай бақыттымын!
Балалар, мына шыршамыз көңілсіз тұрған сияқты ғой. Кәне, сиқырлы сөздерімізбен оның шамдарын жарқыратайық!
Қуант бізді, таңырқат шамдарыңды жарқырат! (3 рет айту керек)

Балалар: Қуант бізді, таңырқат шамдарыңды жарқырат.(қолдарын шапалақтатады) Шырша жарқырайды.
Аязата: Балалар, менің қарша қызым қайда жұр екен, кім тауып береді екен маған?

Қ.Іңкәр:
Мұздан моншақ тағынып,
Күміс қырау жамылып.
Ортада тұр Ақшақар,
Көптен күтіп сағынып.

Естай:
Оралдың өлкеме,
Жаңа жыл армысың.
Оранды ақ көрпеге,
Асқар тау, қарлы шың.
 

Ы.Іңкәр:
Ақ қырауға малынған
Сақалы да мұрты да.
Аяз ата сағынған,
Сәлем бepді жұртына.
 

Рүстем:
Безендіріп шыршаны
Жыл қуантты баршаны.
Той-маскарад басталды,
Аяз оны басқарды.

Жанель:
Аппақ тонға оранып,
Базарлықты мол алып.
Келді алыс сапардан,
Аяз ата оралып.

С.Нурали
Тілеймін мен бар әлемге
Дос көп болсын жаңа-жыл
Ата-әже, ата-әже
Құтты болсын жаңа жыл

 

Жүргізуші: Бәрекелді, бәрекелді балалар біздің ақшақарымыз келгенше тақпақтарымызды айтайық кідірместен.

Жүргізуші: Аязата, мен де, жұмбақтап жіберсем қайтеді?
Ертегідей орманнан
Көктей өтіп келеді.
Сұңқар бойлы бір сұлу
Табындаршы, аты кім?
Балалар: Ақшақар! (музыкамен Ақшақар кіреді)
Ақшақар: Сәлеметсыңдар ма, балалар! Орманды көктей өтіп жеттім - ау сендерге. Қандай әдемі, неткен сұлу шырша! Мен білемін бір ойын:
Үйретейін сендерге
Мен бастайын, ал, сендер аяқтаңдар ойынды. Хормен жауап айтыңдар! Қарға мүлгіп дала тұр, келе жатыр.
Балалар: Жаңа жыл!
Ақшақар: Қызыл мұрын, ақ мұртты білсең атын тез ата, келеді бізге..
Балалар: Аязата!
Ақшақар: Шырша бүгін кәделі! Сендер әрі.
Балалар: Әдемі!
Ақшақар: Көңілсіз бір бала жоқ, ойын – күлкі таралсын.
Құтты болсын.
Балалар: Жаңа жыл! (3 рет)
Жаңа жыл келеді.
Жаңа жыл: Кім десендер, мен жаңа жылмын, Тауықпын. Мен әкелген жаңа жыл сендерге үлкен табыс, денсаулық ала келдім.
Жүргізуші: Бәрекелді, ал, енді балалар Жаңа жылға тақпақтарын айтып берсін.
 

Тұрсынбек:
Бізді байтақ далада,
Асқар тауда қалада.
Биыл ғажап іс болды,
Таң ғажайып қыс болды.

Айару:

Жылдың әнін бастайын,
Аяз- Ата кеп қалды.
Майысады жас қайың,
Көтере алмай көп қарды.
 

Муханова Айзада:
Бақша іші мереке,
Ойын күлкі асқақ ән.
Жақсы әпкелер жаңа кеп,
Мерекені бастаған.

М.Бексұлтан

Жаңа жылды қарсы алдың,
Мініп алып күймеге.
Мен де бүгін ән салдым,
Араластым биге де.

Ерсұлтан:

Жүзімізге күлкі ойнап

Қанаттанды жанымыз

Жаңа жылды біз ойлап

Шаттанамыз бәріміз.

Жүргізушісі:Біздің балалардың биін тамашалаңыздар:

8. Би:Паравоз

Жүргізуші:Жарайсындар балалар, билерінді керемет орындадыңдар?

Жүргізуші:Енді кезекті ата – аналарға берейік:

9.Ойын: «Шыршаны сәндейміз»  (Ата-анамен бала)

10.Би: Қыздар,Ұлдар

Жүргізуші: Ал ,енді біздің балалардың тақпақтарын тыңдаңыздар:
 

Жанасыл:
Қалып едік сағынып,
Kүтіп алдъқ жабылып.
Жолын қойдық жарық қып,
Шыршаларға шам іліп

Ансар:

Аяз –ата ақ сақалды,
Ақ таяқты паң ата,
Асып өтіп асқар тауды
Жеттің бізге таң ата
Жасұлан:

Жапалақтап ақша қар
Жауды күнде қайталап
Қырға шықты балалар
Шаңғыларын арқалап.
 

Айсұлу:
Қайда қызық думан болса,
Аяз ата сонда болды.
Балалармен бірге ойнап
Балалармен бірге қонды.
 

Нұралы:
Аяз келді қаһарлы
Айналаны қар жапты

Ақ тон киіп орман тұр
Дәл атамдай салмақты.

Елдана:

Тамаша.тамаша!

Шыршамыз тұр жараса.

Басында әсем жұлдызы

Көз тоймайды қараса.

Жүргізуші:Жарайсыңдар  балалар тақпақтарын керемет екен?

11. Мыстан кіреді

12. Үйшікті шақырады. ( билейді)

13.Мен мыстан

14.Сиқырлайды (аю ұйықтап) (аю әні)

15.Ән:Аю,аю тұршы (Аю кіреді де, жерге жатып ұйықтап қалады)

Жүргізуші: Жарайсындар балалар,әндер жақсы екен:

16.Би: 4 қадам алға .

Айдынқызы Айзере:

Жаңа жыл, жаңа жыл.

Жаңа жылда-жаңа жыр.

Жасыл шырша жанында

Жадырап бар бала жүр.

Асқарқызы Айзада:

Жасыл желек жамылған,

Асыл моншақ тағылған,

Miнe, сұлу шыршамыз.

Көптен күтіт, сағынған,

Кел, балалар, келіндер,

Тамашаны көріңдер.

Ардаққызы Айзере:

Жаңа жыл Жаңа жыл

Жаңа жылға жаңа жыр

Жасыл шырша жанында

Билеп барлық бала жүр

Мейрамбек:

Жаңа жылым мол болсын

Баскан қадам он болсын

Төрле Төрле Жаңа жыл

Бізге Құтты жыл болсын

С.Айзере:

Аяз ата келіп тұр,

Бизге сәлем беріп тұр.

Сақалының ұзыны-ай

Кесіп алсам шіркін-ай!

Айсана:

Жасыл желен жамылған,

Асыл моншақ тағылған.

Міне сұлу шыршамыз 

Көптен күтіп сағынған.

Е.Бексұлтан:

Тілеймін мен бар әлемге

Дос көп болсын жаңа-жыл

Ата-әже, әке - шеше

Құтты болсын Жаңа жыл

Жүргізуші: Кәне, балалар, бәріміз «Құтты болсын, Жаңа жыл!» әнін жақсылап айтып жіберейік, Аязатамызбен Ақшақарымызбен, Жаңа жыл бар, Клоун, Мыстан кемпір,Аю,Қоян,Лунтик,Құрт,Үйшік, Тауық бәріміз!
Ән: «Құтты болсын, Жаңа жыл!»
Аязата мен Ақшақар сыйлықтар таратады.

Жүргізуші: Осымен біздің «Қош келдің, Жаңа жыл»ертеңгіліміз аяқталды, Жаңа жылда, балалар, тек қуаныш көріңдер.Ауырмаңдар ешқашан, мықты болу өзіңнен.Сау болыңыздар!

Просмотр содержимого документа
««Қош келдің, Жаңа жыл»!»


«Аққу» тобының жаңа жылдық шырша мерекесіне арналған «Қош келдің, Жаңа жыл!» атты бағдарламасы

Жүргізуші:Қош келдіңіздер,құрметті қонақтар! Көптен күткен жаңа жыл мерекесі де келіп жетті. Алғашқы құттықтау сөз кезегі балабақша менгерушісі Анар Макетайқызына беріледі..

Жүргізуші: Жаңа жылдың таңы неткен арайлы
Ақ мамыққа бөлеп алды маңайды
Жаңа жылмен құттықтаймын бәріңді
Бақыт, шаттық, молшылық әкелсін
Бәрімізге мына жыл арайлы!
Құтты болсын ағайын!
Жаңа жылың тағы да
(балалар келіп шыршаны айналып тұрады)
(музыка қосылады Сиқыршы шыр айналып кіреді)
2.Сиқыршы: Жаңа жыл келді
Азаймасын ән мен жыр
Ел көңілін көтерсін
Құтты болсын жаңа жыл!
Сиқыршы: Бәрекелді, жарайсыңдар! Қараңдаршы, айнала неткен керемет, әсем мына шыршамыздағы ойыншықтардың алуан түрлері бар екен. Бәрімізде әп - әдемі жаңа жылдық киімдерімізді киіп жиналып қаппыз. Бірақ,... шыршамыз көңілсіз, қане менің сиқырлы таяғымның көмегімен, сендердің әдемі сөздеріңмен шамын жағайық!
Бәрі: Қуант, бізді, таңырқат
Шамдарыңды жарқырат! 3 рет
(Шырша шамы жанады, «Алақайлап» қол соғады)
Жүргізуші: Міне, керемет, қол ұстасып әнімізді шырқайық.
3.Хор: «Қыс келді»-балалар әні
.

4.Жүргізуші: Ендеше, шыршамызға тақпақтарымызды айтайық.
Алихан

Тамаша, тамаша
Шыршамыз тұр жараса
Басында әсем жұлдызы
Көз тоймайды қараса
Ибрахим

Шыршамызда қаншама
Түрлі - түсті шырақтар
Күлгін түсті тоқаштар
Жарқыраған алтын бар.
Амир
Безендіріп шыршаны
Жыл қуантты баршаны.
Той - маскарад басталды,
Аяз оны басқарды.
Еркежан

Жасыл жиек жамылған

Асыл моншақ тағынған

Міне сұлу шыршамыз

Көптен күтіп сағынған

Асет Амина

Жасыл шырша жанында

Аинала жүріп ән салдым

Өзіміздің ауылда

Жаңа – жылда қарсы алдым

Ұлас

Жаңадан тақпақ

Аламыз жаттап

Жаңа жыл келді

Жаңа жыл жақсы ақ

5.Көрініс:Түлкі «Тауық жылың» қолынан тартып,әкетіп барады.

6.«Ұлас» Тауық: Мен бармаймын,балалармен қостасуым керек. Балалар, құтқарыңдар!

(Бірнеше бала келіп құтқарады)

7.«Іңкәр» Түлкі: Сен ескі жылсың, сен енді менікісің. (Ит үріп,түлкіні қуады)

8.«Абылай»«Нурдаулет» Ит: Ол ескі жыл болса,мен жаңа жылмын,ит жылымын. Ол бізбен бірге жаңа жыл мерекесін тойлайды.

9.Сиқыршы: - Балалар, жарайсыңдар. Айтыңдаршы жылда Жаңа жылға бізге қонаққа кім келуші еді?
(Балалардың жауабы)
Жүргізуші: Кәнекей, ендеше бәріміз бірге шақырайық.
10.Хормен бәрі: Аяз ата, Аяз ата, Аяз ата, Ақшақар Ау - у - у - у! 3 – рет

11.Мыстан кіреді, ойынын ойнатады. Аяз ата, Ақшақар да кіреді.

Нұрай :

Аяз ата сақалды

Ақ таяқты ата

Асып өтіп асқар тауды

Жетті бізге таң ата.

Алпысбай Амина:

Аяз ата келіп тұр

Бізге сәлем беріп тұр

Тақпақ айтқан балаға

Сыйлықтарын беріп тұр

Ислам:
Келіңдер,келіңдер

Тақпақ айтып беріңдер

Жомарт Аяз атадан

Сыйлық алып көріңдер

Аяла :

Шыршаға бардым

Әсем ән салдым

Жомар Аяз атадан

Сыйлықтар алдым

Гулфайруз :

Көңілде көп қуаныш

Әр көңілге қуаныш

Кетер жылға мың алғыс

Әкелген көп жақсылық

12.Көрініс: Аюды ояту «Аю әні»

13.Сиқыршы: Аю ата, Маша, кетпеңіздер. Бізбен бірге тойлаңыздар.

14.Айгерім» Аю: - Здравствуйте, ребята! С Новым годом!
Мен қысқы ұйқыда болатынмын, қатты айқай – шу, тасыр - тұсыр шошып ояндым, не болып қалды деп сұрап едім, бәрінің айтатындары бір - ақ сөз: «Жаңа жыл келіп қалды, жаңа жыл» - дейді. Машаны да іздеп, осында болар деп келдім.
Жүргізуші: Мәссаған, балалар бұл кім? Балалар. Аю.

15.Жүргізуші: - Иә, «Маша мен аю» мультфильмін сендер өте жақсы көресіңдер ғой. Бірақ біз Аяз атаны шақырдық қой, аюды емес...
Балалар: иә.
(осы кезде Маша келеді. Шыршаға таңырқап ойыншықтарды көріп қызығады,)
«Гульфайруз» Маша.
– Керемет....(деп шыршаның астындағы сыйлықтарды тауып алады. Аю шауып келіп Машаны көтеріп алады)
16.Аю.
- Әрең таптым - ау, сені қасқыр жеп қойған шығар деп едім. (деп кетіп бара жатады)

17.«Іңкәр»Түлкі.- о - о, мыналарды қара! Аяз атадан сыйлық алмақшы. Сендерден бұрын мен аламын. (Аяз атаға келіп) Хи - хи - хи, Аяз ата, мен сіздерге өлең айтып берейін бе?
Аяз ата:
Айта ғой, түлкішек
«Іңкәр»Түлкі:
Ананы да, алдадым

Мынаны да алдадым
Мен түлкімін айлакер
Аяз ата сыйлық бер. (қолын жаяды)
18.«Қайсар»Қасқыр:
Ах, түлкішек, сен жұрттың бәрін алдап, енді атаны да алдайсың ба? Кет әрі. Аяз атаға әнді мен айтып беремін. (қолында гитара)
Мен қасқырмын, қасқырмын
Қозы ұрлаймын өрістен.
Ұйқым келмейді егерде
Қозы етін жемесем
Ахо - хо. Охо - хо.
(осы кезде ит шыға келеді)

19.Нурдаулет мен Абылай Ит:
Ей, қасеке, қасеке
Сен де адал есессің.
Мен тұрғанда қозы, лақ
Оңайлықпен жемессің.
Аф - аф - аф
Жеті қазына бірімін
Қасқыр келсе үремін
Аяз ата мен сізге
Тақпақ айтып беремін.

- Ой, балалар, шыршамызға Аяз Ата мен Ақшақар жетіспейді.
Бәрі. Қоңырау үні сыңғырла
Аяз ата, Ақшақар
Біз Сендерді сағындық
Тез келіңдер ортаға
Аяз ата, ақшақар 3 - рет
(әуенмен бірге Ат шанаға мініп Аяз ата, ақшақар келеді)
Аяз Ата:
Құтты болсын, балалар
Келген Жаңа жылдарың
Алаңдамай өсіңдер
Еркелеп қыз, ұлдарым
өткен жылы келіп ем
Бәріңді де көріп ем
Жыл өткізіп келем деп
Уәдемді беріп ем
Ойларың мен бойларың да
Бірдей өсіп қалдыңдар ма?
Ал, мен кіммін айтыңдаршы
Мені тани алдыңдар ма?
Балалар: Аяз ата!
Ақшақар.-
Сәлеметсіңдер ме, балалар. Жаңа жылдарың құтты болсын!
Сүйсіңдірер маңайды
Ақшақармын арайлы
Жалт - жұлт еткен жүзімнен
Күміс сәуле тарайды.
Ақшақармын аппақпын
Қалай тыныш жатпақпын
Менсіз қыстың сәні жоқ
Әнмін, жырмын, тақпақпын.
Жылқы - Мұрагер
Сәлеметсіздер ме, балалар
Мен тұрмын қуанып,
Шаттыққа бөленіп
Бір жыл бойы сіздермен
Дос болайық шаттанып.
Жүргізуші:
Қош келдіңіздер, баршаңызда, алыс жолдан келдіңіздер.
Әсем әні де, биі де бар
Отыр ата, сәл дем ал.

Нұрдаулет

Жаңа жылым мол болсын

Басқан қадам оң болсын

Төрле,төрле жаңа жыл

Бізге құтты жол болсын

Абылай

Ақшақарға малынып

Аппақ тонын жамылып

Сақалы мен мұртына

Күміс моншақ тағынып

Аяз ата келеді

Балаларды сағынып.
Аяз ата: Адамзаттың серігі, сен ит екенсің ғой. (ал сыйлығыңды)
Жүргізуші: Міне, балалар аңдар да өнерлерін көрсетті.
Жүргізуші:
Тоқтаңыздар, кетпеңіздер, бізбен бірге болыңыздар!Жаңа жылды бірге қарсы алайық.
(Екеуі қуанып, балалардың жаныңа келеді)
ішінен күлдіргіш шығады)

20.Би:Ұлдар,қыздар

Алдияр

Аппақ тонға оранып,

Базарлықты мол алып

Келді алыс сапардан

Аяз ата оралып.

Айзере

Безендіріп шыршаны

Жыл қуанатты баршаны

Той томалақ басталады

Аяз оны басқарды.

Жанару

Далада кар борайды

Ақ мамыққа орайды

Мұз болып қатады

Жып –жылтыр болып жатады

Нурали

Жаңа – жылды алдағы

Көңіл өсіп көбейсін

Ортақ ойы арманы

Жаңа дәстүр көбейсін

Вероника

Әдемілеп біз ілген

Ойыншықтар тізілген

Қандай әсем шыршамыз

21.Би: Паровоз биі

Кайсар

Сақалы аппақ күмістей

Тістері аппақ күріштей

Қызыл ала шапанды

Сағындым Аяз атадан

Іңкәр

Мұздан моншақ тағынып

Күміс қырау жамылып

Ортада тұр Ақшақар

Көптен үтіп сағынып

Ән шырқайық баршамыз

Анель

Ақ қырауға малынған

Сақалы да, мұрты да.

Аяз ата сағынған

Сәлем берді жұртына

Адиля

Қол ұстасып, құшақтап

Үйренейік жаңа жыр

Құтты болсын, құтты болсын

Құтты болсын жаңа жыл

Аяз ата: мына ата - аналар
Күлдіргіш
: Амансыңдар ма, балалар! Иә, бұл менмін. Мені ораудан алып шыққандарың қандай жақсы болды. Ол жерде тар, әрі қап - қараңғы. Ал, мұнда сондай тамаша екен! Мен де сендермен жаңа жылды қарсы алайыншы. Сендермен бірге қызықты ойындар ойнайыншы.
(шыршаға қарап)
Шырша дейміз елканы
Балалар билеп қоршады.
Түрлі - түсті ойыншық
Шыршада көз тартады.
Ән: «Аяз Ата»
«Ұлпақарлар» биі
Ойын:
«Байпақ»
Шарты: 2 ойыншы екі сыңарды бөліп алады. Біреуі оң, біреуі сол аяғынікін киеді де, әуенмен билеп, шыршаны айналып, ортаға бірінші жету қажет.
(алдымен ата - аналар, содан соң балалар)

да мықты екен. Енді мен дем алсам деймін.
Жүргізуші: Иә, ата, дем алыңыз, ортамызда биші ата - аналарымыз да бар. Тамашалайық!
Жүргізуші: - Шыныменен, балалар, біз бір жасқа үлкейдік. Ескі жыл Жаңа жылға орнын сыйлағысы келіп тұр, олай болса, сау болыңыз, біз сізге ризамыз!
- Аяз ата Ақшақар сіздер біздердің балаларымыздың сыйлықтарын қашан бересіздер?
Аяз ата: Ой - буй, ұмытшақ басым ай, әрине қазір, қазір....
(барлығыңа сыйлық үлестіріледі)
Аяз - Ата: Жарайсыңдар балаларым! Meнi бүгін бip қуантып, алыс жерден шаршап келгенде көңілімді көтердіңдер. Барлықтарың да ақылды, білімде де өнерлі екенсіңдер.
Киген киімдерін қандай әдемі! Солай емес пе қызым? Біздің сыйлығымызға риза болыңдар. Ал енді біз жолға шығайық. Басқа да балалардың өнерін тамашалайық. Ал, балаларым, сендер өсе беріңдер, өркендей беріңдер. Аспандарың ашық болсын! Қош болыңдар!(қолдарын бұлғап шығып кетеді.)
Балалар: Сау болыңыздар! Рақмет сіздерге!
Бәрі.
Біз тілейміз жаңа жылдық шаттықты
Біз тілейміз жаңа жылдық бақытты.
Жүргізуші: Құрметті қонақтар, балалар! «Қош келдің, Жаңа жыл!» жылға арналған мерекеміз аяқталып қалды. Осындай керемет өтуге ат салысып жүрген ата - аналар, әріптестерім сіздерге де мың алғыс! Көріп тамашалағандарыңа рахмет. Жаңа жыл құтты болсын, отбастарыңызға тек бақыт пен қуаныш әкелсін!!!




Получите в подарок сайт учителя

Предмет: Дошкольное образование

Категория: Уроки

Целевая аудитория: Дошкольникам.
Урок соответствует ФГОС

Скачать
«Қош келдің, Жаңа жыл»!

Автор: Омарова Айжан Ерланқызы

Дата: 13.05.2018

Номер свидетельства: 469365

Похожие файлы

object(ArrayObject)#851 (1) {
  ["storage":"ArrayObject":private] => array(6) {
    ["title"] => string(36) ""?ош келді? жа?а жыл!" "
    ["seo_title"] => string(27) "k-osh-kieldin-zhan-a-zhyl-9"
    ["file_id"] => string(6) "246209"
    ["category_seo"] => string(10) "vneurochka"
    ["subcategory_seo"] => string(12) "meropriyatia"
    ["date"] => string(10) "1446310294"
  }
}
object(ArrayObject)#873 (1) {
  ["storage":"ArrayObject":private] => array(6) {
    ["title"] => string(39) ""Қош келдің, Жаңа жыл!""
    ["seo_title"] => string(28) "k_osh_kieldin_zhan_a_zhyl_12"
    ["file_id"] => string(6) "448069"
    ["category_seo"] => string(16) "nachalniyeKlassi"
    ["subcategory_seo"] => string(12) "meropriyatia"
    ["date"] => string(10) "1515170379"
  }
}
object(ArrayObject)#851 (1) {
  ["storage":"ArrayObject":private] => array(6) {
    ["title"] => string(41) "« Қош келдің Жаңа жыл!»"
    ["seo_title"] => string(24) "kosh_keldin_zhana_zhyl_3"
    ["file_id"] => string(6) "498077"
    ["category_seo"] => string(21) "doshkolnoeObrazovanie"
    ["subcategory_seo"] => string(5) "uroki"
    ["date"] => string(10) "1549037543"
  }
}
object(ArrayObject)#873 (1) {
  ["storage":"ArrayObject":private] => array(6) {
    ["title"] => string(36) ""Жа?а жыл жарыл?асын""
    ["seo_title"] => string(20) "zhanazhylzharylkasyn"
    ["file_id"] => string(6) "275308"
    ["category_seo"] => string(22) "klassnomuRukovoditeliu"
    ["subcategory_seo"] => string(12) "meropriyatia"
    ["date"] => string(10) "1452537938"
  }
}
object(ArrayObject)#851 (1) {
  ["storage":"ArrayObject":private] => array(6) {
    ["title"] => string(84) "Жаңа жылдық ертеңгілік «Келді міне, Жаңа жыл!»"
    ["seo_title"] => string(46) "zhana_zhyldyk_ertengilik_keldi_mine_zhana_zhyl"
    ["file_id"] => string(6) "493003"
    ["category_seo"] => string(21) "doshkolnoeObrazovanie"
    ["subcategory_seo"] => string(12) "meropriyatia"
    ["date"] => string(10) "1545888027"
  }
}

Получите в подарок сайт учителя

Видеоуроки для учителей

Курсы для учителей

ПОЛУЧИТЕ СВИДЕТЕЛЬСТВО МГНОВЕННО

Добавить свою работу

* Свидетельство о публикации выдается БЕСПЛАТНО, СРАЗУ же после добавления Вами Вашей работы на сайт

Удобный поиск материалов для учителей

Ваш личный кабинет
Проверка свидетельства