"Қош бол, балабақша!"

Дәулет селосы №10 «Ақбота» балабақшасы

(№12 «Бәйтерек» ересек тобында ұйымдастырылған ертеңгілік.)

Тәрбиешілер: Жупбанова А.Д.

Джетмекова Ж.Т.

Тексерген: Текеева Р.Н.

Оқу жылы 2015-2016 жж

Жүргізуші:

Қымбатты ата-аналар ұстаздар балабақша қызмметкерлері! Бүгінгі біз балабақшамызда мәпелеп тәрбиелеп өсірген кішкентай бүлдіршіндерімізді ұямыздан ұшырып, мектепке шығарып салғалы отырмыз. Бүгінгі бүлдіршін – ертеңгі елдің тірегі. Ертеңіміз сәулелі болсын десек осы бүлдіршіндерге ақ жол сәт сапар тілейік.

Ендеше ортаға бүлдіршіндерімізді шақырайық, «Қош бол, балабақша» атты ертеңгілігімізді ашық деп жариялауға рұқсат етіңіздер!!!

Толқимыз толқып тұрсыз баршаңызда,

Мұндай күй болған сірә қаншаңыз да.

Қол соғып қошеметпен шақырайық,

Балдырған бүлдіршін түлектерді ортамызға.

Музыка әуенмен бүлдіршіндер келіп тұрады.

Хор: «Біздің балабақша»!

Жүргізуші:

Алдыңдағы балалар

Мектепке кетіп барады.

Тақпақ айтып бір-бірден,

Қимай кетіп барады – дей отырып ортаға балаларымыздың өз олең жолдарын айтуға шақырамыз.

Балалар отырады.

Тақпақтар: (Бек, Ардақ, Сұлтан, Қарақат)

Жүргізуші:

«Мереке» әнімен Жарылғас Ақерке

Балалар сендер мектепке барып сабақ оқуға дайынсыңдарма? Енді сендердің дайындықтарыңды тексеріп көрейік.

1-тапсырма: «Кім жылдам сөз айтады»!

Шарты: мен сендерге әріп көрсетемін сендер сол әріптен басталатын сөз айтасыңдар.

Жүргізуші:

Өте жақсы әріптерді жақсы танып сөздер айттыңдар. Есепке жүйріксіңдер ме?

2-тапсырма: Есептер.

Айдананың мамасының көйлегінің бес ілгегі бар. Бір ілгегі түсіп қалған. Көйлекте қанша ілгек қалды?

Қасқырда неше аяқ бар? Қоянда неше құлақ бар?

Жүргізуші:

«Болашағы елімнің» балабақша триосы

Жүргізуші:

Балалар бұл сынақтанда сүрінбей өттіңдер, мектепке барғанда сабақты жақсы оқып Білмесбек атанбай, Белгішбек болыңдар.

Осы кезде велосипедпен Білмесбек келеді.

Білмесбек:

Мәссаған, мыналар әдемі киім киіп алып неге жиналған әй? Ой мында не болып жатыр, кеттік балалар ойнауға не істеп отырсыңдар, далада қызық болып жатыр кеттік, Білмесбек деп менің атымды атаған кім?

Жүргізуші:

Сенің атыңды атаған менмін. Ау, Білмесбек сенің мұның не? Мерекеге киініп келмейсің бе? Сенде биыл мектепке барасыңғой қарашы мына біздің балалар қандай бала болғанын. Сенде талпынуың керек емеспе?

Білмесбек:

Ой,мына балалар менің досым болады, біз мекетепке бармаймыз аналарымыз, әжелеріміз оқиды, басымызды ауырпаймыз.

Жүргізуші:

Қой Білмесбек біздің балалар мектепке әзір, бүгін балабақша мен қоштасып жатыр сен апаңнан қалмай жылап балабақшаға келмей жүргенде біздің балалар бәрін оқып біліп алған кәне отыршы көресің.

Білмесбек:

Балабақшамен қоштасу дейді. Қоштасыңдар, қоштасыңдар. Балалар мектеп ддегенің не екенін бәлесіңдер ме? Онда масқара әліппе деген кітап оқисыңдар ұзақ қозғалмай партада отыруың керек. Айта берсең тіпті ой жаман тынышы балалар балабақшада жүре беріңдер.

Мектепке барып бастарыңды қатырғанша мен сияқты армандарыңды армандап екі қолды қалтаға салып талтаң-талтаң етіп жүрмейсіңдер ме?

Жүргізуші:

Білмесбек арман дейсің бе ол қандай арман?

Білмесбек:

1-ші армааааным

Мына менің ойымша

Мектеп деген жойылса

Сабағы мен білімі

Кітап, дәптер, қаламы

Мәңгілікке жоқ болса

Жүргізуші:

Достым ойың тайыздау

Ақылың сенің тіпті аздау

Жойылса деп мектепті

Армандайсың арсыздау

Мкетеп егер жойылса

Білім қайдан аларсың

Үлгі, өнеге тәрбие

Ұстаздардан аларсың!

Білмесбектің 2-ші арманынан кейін, ал 3-ші арманым.............

Жүргізуші:

Білмесбек сен 3-ші арманыңды қоя тұр, оданда сен біздің бүлдіршіндеріміздің тақпақтарын тыңдап, өнерлерін тамашала! Мүмкін ойың өзгеріп қалар?!!!!

Жүргізуші:

Ендеше Білмесбек біздің балалармыздың тақпақтарын тыңдаңыз.

Тақпақтар. (Ақерке, Бейбіт, Инабат, Мейірбек,Айберген)

Жүргізуші мен Білмесбектің ойыны (О, Ү,С)

«Білмеспекпен қоштасу»

Хор: «Тәрбиеші апай»

Орындайтын «Байтерек» «Жауқазын» бүлдіршіндері.

«Анашым»

Орындайтын: Майлан Рысбек

Тақпақтар: (Мейрамбек, Амина, Мәдениет, Рахим)

«Табиғат ана»

Орындайтын:

Ақерке мен Мәдениет

Би: «Батырлар»

Хор: «Біз мектепке барамыз».

Тақпақтар: (Рысбек, Ақсындар, Рахман)

«Қоштасу»

Орындайтын: Инабат

Би: «Вальс».

Бізге сыйлап сыңғырлаған күлкіңді,

Бүлдіршіндер жүздеріңде нұр тұнсын.

Бізден ұшып, қанат қағып есейдіңдер,

Өздеріңмен қоштасатын күн туды.

Бізден ұшып, талмай қанат қағыңдар,

Жүректерден арман отын жағыңдар

Жақсы оқып, алтын ұя мектепте,

Бұл өмірден бақыт жолын табыңдар.

Бәріңді де сәбиім деп сүйетін,

Өздеріңді сағынып біз жүрейік.

Құтты болсын қадамдарың аттаған,

Біз сендерге сәтті сапар тілейік!!!

Жүргізуші:

Міне балаларымыздың жүректері лүпілдеп мектепке қадам басқалы тұр. Бойларындағы бар өнерді ортаға салды. Балабақша түлектерінің қадамына гүл бітсін деген игі тілекпен ертеңгілігімізді аяқтаймыз.

Ал енді екі топтың ата-аналарына сөз беріледі.

Тақпақтар:

Мейрамбек:

Қуанамыз, сыйлаймыз

Қуаныштың мың гүлін

Бақшамызды қимай біз

Қоштасатын күн бүгін

Ана тілін ардақтап

Ата салтын біз көрдік

Сурет салып ән жаттап

Оқып жазып үйрендік.

Амина:

Сен үйреттің сөйлеуді,

Сенде ойым есейді.

Мен мектепке барамын,

Балабақшам қош енді.

Бірге ойнап, бірге күліп

Күні бойы жүреміз.

Қалам алып сурет салып

Ән де сала білеміз.

Мәдениет:

Балабақшам бесігім

Тағы бір той жасайық

Ашты мектеп есігін

Өзіңменен қоштасайық.

Оқимыз білім аламыз,

Болашақ жолын саламыз.

Бақшамен қоштасып,

Біз мектепке барамыз.

Рахим:

Қош балалар, сәт сапар.

Үлгілі бәрің болыңдар.

Жақсы оқып әрқашан,

Тек «5» тік алыңдар.

Өтті қызық көп күндер,

Алты жасқа жетіңдер

Қуанышқа ортақпыз,

Құтты болсын тойларың!

Рысбек:

Өздеріңді ұмытпай,

Есімізге аламыз,

Ұмытпасын деп әрқашан,

Шырқап әнге саламыз.

Бірге ойнап, бірге жүрген,

Күндеріңді қимаймыз.

Естелік болсын біздерден деп.

Әсем әнді сыйлаймыз.

Ақсындар:

Балабақшам қош енді,

Әркез аман бол деймін

Әке менен шешемді.

Енді ертіп келмеймін.

Сен үйреткен сөйлеуді,

Сен де ойым есейді.

Мен мектепке барамын,

Балабақшам қош енді.

Рахим:

Талай қызық той өткіздік,

Бірақ орны бөлекше.

Бақшамызбен қоштасатын.

Бүгінгі той ерекше.

Тәрбие берген ұямыз,

Тәртіпті бала боламыз.

Қоштасып балабақшамен,

Мектепке біз барамыз.