Просмотр содержимого документа
«"Ертегі балы?ын м?сіндеу"»
Тобы: Ересек
Білім беру саласы: шығармашылық, әлеуметтік орта
Тақырыбы: Ертегі балығын мүсіндеу
Оқу іс-әрекеті: біріктірілген сабақ
Пән аралық байланыс: мүсіндеу, көркем әдебиет
Сабақтың мақсаты: Балаларға балық туралы жан-жақты түсінік беру, тіршілік ортасымен таныстыру, қамқорлық жасауға тәрбиелеу, ермексазды есу арқылы бас бармақпен жағу тәсілдерін меңгертіп үйретуді жалғастыру.
Міндеттері: 1. Мүсіндеуде саусақ қимыл-қозғалыстарының ептілігін қалыптастыру. 2. Қол ,алақан, саусақ бұлшық еттерін және ұсақ қимыл – қозғалыстарын дамып жетілдіру.3. Пішінді бұзбай,әдемі жағуға, ұқыпты орындауға үйретуге тәрбиелеу.
Сөздік жұмыс:балық, алтын, бас бармақ, шал, кемпір
Сабақтың барысы:Амандасу.
Шаттық шеңбері:
Қайырлы таң, басым!
Сендерге рахмет ойлағаның үшін.
Қайырлы таң, көздерім!
Сендерге рахмет көргенің үшін.
Қайырлы таң, қолдарым!
Барлық жұмыс жасағаның үшін.
Қайырлы таң, аяқтарым!
Сендерге рахмет жүргенің үшін.
Қайырлы таң, достарым!
Тәрбиеші: балалар, біздің бүгінгі мүсіндеу сабағымыз ерекше болмақ. Өйткені біз жәй балық емес, ертегідегі біздің тілегімізді орындай алатын балықты мүсіндейміз. Ол үшін біз балықтар туралы жан-жақты мәлімет алайық. Балықтар қайда тіршілік етеді?
Балалар: балықтар суда тіршілік етеді, сусыз өмір сүре алмайды.
Тәрбиеші: мен сіздерге балықтар туралы орыс халқының «Балықшы мен алтын балық» ертегісінен үзінді айтып берейін. «Көк теңіздің жағасында, бір жаман үй панасы бар шал мен кемпір болыпты. Олар теңізден балық аулап, өмір сүріпті. Бір күні ата торын тартқан кезде, әдемі алтын балық торға түседі. Ол жәй балық емес, сөйлейтін балық болады. Атайға былай деп тіл қатады: «Теңізге жібер, атай, торды алып! Жібер, мені қайта, теңізге сал, не қаласаң соны орындап берем!». Атай: «Жаратқаның жар болсын, алтын балық! Жүзе бергін айдында асыр салып» деп балықты теңізге жібереді. Балық атайға мен сіздің барлық тілегіңізді орындаймын деп уәде береді. Алтын балық тек қана жақсы тілектерді орындаған екен».
Тәрбиеші: ертегі ұнады ма? Ата қандай адам? Ата қандай балық аулады?
Балалар, бүгін біз ертегідегі алтын балықты мүсіндеп, өз тілектерімізді айтайық, оларда тілектерімізді орындасын. Сендердің балықтарың ертегідегі тілек орындайтын балық болады.
Жұмысқа кіріспей тұрып, саусақтарымызды жаттықтырып алайық.
Саусақ жаттығуы:
Қайық суда жүзіпті,
Сақинасын тізіпті.
Балалар , қане бәріміз тақтаға қарайық. Тақтада суретте ермексаздың жағылуы арқылы алтын балық жасалып тұр. Енді осыны өзіміз істейік. Алдымен балық басын қызыл түспен бастайық. Бас бармақты көрсетіндерші! Қызыл түсті ермексаздан кішкене бөліп алып, бас бармақпен жағамыз. Жасыл түсті домалатып көзін жасаймыз. Алтын балықтың түсі қандай? Ия, сары түсті ермексазды кішкенеден жағып отырып денесін мүсіндейік. О, қандай керемет әдемі болып жатыр. Енді құйрығын күлгін түспен жағайық. Енді ол суда ғана өмір сүргендіктен судағы тастар мен балдырларды жасайық. Балдырлар жасыл түспен, тастар әр түрлі түспен мүсінделеді. Жарайсыңдар балалар! Рахмет сендерге!
Сергіту сәті.
Оң қанатты бір қағып,
Сол қанатты бір қағып.
Мен қанатты жазамын,
Жерден дәнді шоқып ап
Ұшып-ұшып аламын.
Осы кезде «Су перісі» келеді. Балалармен амандасады. Әуен ойнап тұрады.
- Балалар, мен су перісінің қызымын, суда ғана өмір сүремін. Мен сендердің балықты мүсіндеп жатқандарыңды көріп, еңбектеріңе риза болып тұрмын,қазір сендердің балықтарынды суға жібереміз, өйткені балық суда ғана өмір сүреді. Балалар, сендер жасаған балық жай балық емес, алтын балық қой. Тілектеріңді айтып, балықтарыңды жібере қойындар.
Тәрбиеші: Біз жәй балықты емес, тілегімізді орындайтын ертегідегі балықты мүсіндедік
Қорытынды:балалар, рахмет сендерге , бүгінгі сабағымызды қорытындылайық. Қандай ертегі тыңдадық? Ертегі ұнады ма? Балық қайда тіршілік етеді? Қандай саусақпен жұмыс істедіңдер? Балық қандай балық? Біздің балықтар тілектерімізді орындайды ма? Балық істеуге қандай түстер пайдаландыңдар?
Мадақтау: сиқырлы қаламмен.
Балалардың жұмыстарынан көрме ұйымдастыру, мадақтау.
