"Емен жеті ла?" ертегісі технологиялы? карта

Тақырыбы: «Өзге ұлт өкілдерінің ауыз екі тілде қазақ тілін меңгеруі»

Мақсаты: «Мектепке дейінгі балалалардың тілдік біліктілігін қалыптастырып, қазақ тілді ортаға енуіне мүмкіндік туғызу»

Ұйымдастыру кезеңі:

- Мұғалім : -Сәлеметсіздер ме? Құрметті қонақтар.

- Сіздер ертегі тамашалағанды ұнатасыздар ма? Мен ертегі тамашалағнады ұнатамын. Онда Мына сиқырлы таяқшаның көмегімен ертегілер әлеміне барамыз. (Тың-тың-тың музыка)

- Ой, мен қайда келдім, қандай керемет, тамаша.

- Мынау үй қандай тамаша бұл ешкі мен жеті лақтың үйі ғой

Мұғалім: - Ерте-ерте ертеде

Ешкі жүні бөрте екен

Қырғауылы қызыл екен

Орманда бір ешкі өмір сүріпті.Ешкінің жеті лағы болыпты.

Олар ормандағы үйшікте өмір сүріпті.Ешкі орманға кеткенде лақтары үйде қалады екен.

• Мен барып олармен танысайын..

Мұғалім: -Сәлеметсіздер ме?

Ешкі: -Сәлеметсіз бе? Сен кімсің?

Мұғалім: - Менің атым Лаура.

Ешкі: -Мен ешкімін, мынау менің лақтарым.

Мұғалім: - Қандай сүйкімді.

• Лақтарым! Ойнаңдар мен орманның шетіне барып тамақ әкелемін!

Сендер есікті ашпаңдар. Мен келгенде Қарақтарым-шырақтарым

Есікті ашыңдар деп айтамын.

Есікті жауып алыңдар,

апайларыңды тыңдаңдар.

Жарай ма?

Лақтар: - тыңдаймыз..

Мұғалім: - қандай сүйкімді лақсыңдар.Сендерді аналарың қалай еркелетіп атайды.

- Мен білгіш лақпын

- Мен мылжың лақпын

- Мен ақылды лақпын

- Менен бұзық лақпын

- Мен ерке лақпын

- Мен әдемі лақпын

- Мен кенже лақпын

- Таң жаңа ғана атты. Келіңдер күнмен,жермен амандасып алайық. Шаттық шеңбер.

Армысың шапағатты күніміз

Армысың мейірімді жеріміз

Армысың табиғат анамыз

Әдеппен бас иер баламыз.

Мұғалім: - жарайсыңдар.

• Сендер Ертегілерді білесіңдер, қане қандай еретегілер білесіңдер, атап беріңдерші:

«Бауырсақ», «Шалқан», «Алдаркөсе», «Жалқау қоян»,

«Ешкі мен жеті лақ».

Мұғалім:Жарайсыңдар, қане келіңдер өлең айтайық.

Қошақаным қойдың

Қайда қалып қойдың

Бұлтиып тұр бүйірің

Қай өрістен тойдың......

Мұны естіп тұрған қасқыр лақтарды жегісі келіп, есіктің сыртына келіп, зор дауыспен :

қарақтарым –шырақтарым ,

Есікті ашыңдар!- .анаң келді сүт әкелді- дейді.

Лақтар: - Бұл кім?

- Кім келді?

- Бұл анамыз емес

- Даусы ұқсамайды.

Қасқыр қайтадан ешкінің даусына салып:

Қасқыр: (жіңішке дауыспен)

- Қарақтарым –шырақтарым

Есікті ашыңдар!

Анаң келді,сүт әкелді.

Лақтар: -анамыз келді, анамыз келді.

Қасқыр: - ә, мен сендерді жеймін

Лақтар: -жоқ-жоқ, бізді жеме, біз саған жемістер береміз.

Лақтар:-Мынау көк алма, дәмі тәтті,жесең тоясың

- мынау алмұрт, жұмсақ, тәтті же

-мынау сары банан, жұп-жұмсақ, дәмді, пайдалы

-мынау сары апельсин, қышқыл,жесең көңілің көтеріледі.

-Қасқыр: ә, жеп көрейін,дәмді екен, тойдым

Лақтар: - ендеше біз саған өлең-тақпақ айтып береміз.Тыңдайсың ба?

Қасқыр: иә, ай

Лақтар:

Қошақаным қойдың

Қайда қалып қойдың

Бұлтиып тұр бүйірің

Қай өрістен тойдың

Секең-секең ей лақ

Жүрмін саған кейіп-ақ

Тыным тапсаң болмай ма,- 2 раза

Секірмей-ақ кей уақ

Артур: Кіп –кішкене момақан

Қошақанды ұнатам

Сүйеді апам қозым деп

Қошақаным өзің деп

Селукова: Секеңдейсің ей лақ

Жағалайсың бұлақты

Секірем деп босқа

Құлап қалма жылап

Катя:

Тентек лақ тынымсыз
Мінезі бар ұғымсыз
Ертелі кешке ермейді
Қозыға маза бермейді.

Полина:

Қошақаным қоңырым
Мыңқ етпейтін момыным
Түрі неткен әдемі
Бұйра – бұйра ақ тоның.

Балалар сендер үй жануарлары туралы мақал білесіңдер ме?

Оля: Мал өсірсең қой өсір

Өнімі оның кө-көсір

Олег: Сиырдың сүті тілінде

Лақтар: Қасқыр сен шаршадың,кел сергіп алайық.

Қошақандар ұйықтап жатыр (отыру)

Орындарынан тұрды (орындарынан тұрады)

Керілді, созылды, (керіледі жоғары –төмен)

Оңға, солға бұрылды (оңға,солға бұрылады)

Аяқтарын топ-топ басты (аяқтарын тарсылдатады)

Сосын жұмысына кірісті (қолдарын тік ұстайды.)

Мұғалім: Қасқыр саған ұнады ма?

Қасқыр: иә,ұнады. Міне қараңдар менің күшім көп, мықтымын. Сендердің күштерің қане, көрсетіңдер.

Лақтар:- Біздің де күшіміз көп, кел «Күш сынасу» ойынын ойнайық.

Ортаға алаша тасталады. Лақтар бірі-бірімен, қасқырмен күш сынасады. Иықтарымен итеріп күш сынасады.

Қасқыр: Ой мен тойдым, шаршадым, сендер ақылды әрі күшті екенсіңдер \кетіп қалады\

Лақтар есікті жауып алады.

Бір кезде аналары келеді. «Қарақтарым-шырақтарым

Есікті аш, анаң келді»

Лақтар:- анамыз келді.

Мұғалім: Лақтар есікті ашады. Ешкіге болған жайды айтып береді.

Лақтар: Қасқыр келді. Біз оған жемістер бердік,ойын ойнадық.Ол бізді жеген жоқ.

Мұғалім: Ешкі лақтарының ақылдлылығына қуанып, мақтайды.

Ешкі: \қолдарынан ұстап шеңбермен өлең айтады\

Шөре-шөре лағым

Тентек болма шырағым

Секеңдемей деміңді ал

Селтеңдемей құлағың \

Ешкі: Лақтарым мен орманнан ғажайып қорапша тауып алдым.Ішінде не бар екен. Ой , орысша сөздерді қазақшаға аудар.

Ешкі: Менің көзім көрмейді апайдан көмек сұрайық.

Мұғалім: Әкеліңіз мен көмектесейін. Сөздерді қазақшаға аудару,Мен қазақшаға аудара алмаймын, сендер қазақша білесіңдер ме?

Лақтар: - иә

М: Онда ойнайық.

Ойын: «Аударма» Дом-үй, платье – көйлек.........

Мұғалім: -сендер жарадыңдар .Сендер өте ақылды, білімді, сүйкімді лақтар екенсіңдер, қазақша да білесіңдер, қасқырды да алдадыңдар, мықты екенсіңдер.Маған сендермен көңілді болды.

Мен енді сиқырлы таяқшамен өз еліме қайтайын. Сау болыңдар

Мұғалім:Ешкі мына орманда жеті лағымен бақытты өмір сүріпті.

Мұғалім: Сиқырлы таяқшаны қозғап жіберіп, өз еліне кетеді.

Мұғалім: Құрметті қонақтар, міне, «Ешкі мен жеті лақ» ертегісіне құрылған сабағымыз аяқталды. Көңіл бөліп тыңдағандарыңызға көп рахмет.