Https://kopilkaurokov.ru Көктем келді, құс келді оқу қызметі

Білім саласы:  таным, коммуникация, шығармашылық.
ҰОҚ:  жаратылыстану,көркем әдебиет,музыка

Мазмұны : Көктем  мезгілінің ерекшеліктерімен таныстыру. Көктем айларын үйрету. Құстар туралы мәлімет беру. Иновациялық технология  арқылы  балалардың  танымдық  қабілеттерін арттыру, есте сақтау, сөйлеу қабілеттерін дамыту. Табиғатты  аялауға, құстарға  қамқор болуға тәрбиелеу.

Шаттық шеңбері:              

        күндей   -  жадырап,        айдай   - арайлап.

        жұлдыздай    -жарқырап, судай   -таза көңілмен

         Бүгінгі күнді бастаймыз.

 Үлкенге -де сіз

           Кішіге - де сіз

 Құрметпенен     сіздерге

           Бас иеміз біз

Балалар біздерге қонақтар келіпті. Қане амандасайық.

Тәрбиеші: Балалар сендердің көңіл-күйлерің қалай?

Балалар: тамаша.

Тәрбиеші : олай болса осы көңіл – күймен бүгінгі оқу қызметімізді бастайық.

    ( музыка ойнатылыды, көктем, құстардың дыбыстары)

Тыңдайықшы балалар мына дыбыстар әдемі екен. Нелердің дыбыстары естіледі.

Балалар: құстардың, судың дыбыстары.

Тәрбиеші: өте дұрыс біздің де тақырыбыиыз осыған сәйкес. Көктем, құс туралы. «Көктем келді, құс келді»

- балалар жылдың неше мезгілі бар?

-қазір жылдың қай мезгілі?

-көктем мезгілінің неше айы бар?

-көктем мезгілі несімен ерекше?

-көктем мезгілінде алғаш қандай гүл өседі?

( балалардың жауаптары)

Балалар мен сендерге жұмбақ жасырайын. Сендер ойланып жауабын айтыңдар.

Жұмбақ.

Күн ұзарып, қар еріп,

Су сайларға толады.

Бөбектерім айтыңдаршы

Бұл қай кезде болады?

Балалар: көктем

Әуен қосылып көктем кіреді.

Көктем

Мен көңілді көктеммін,

Былтыр келіп кеткенмін,

Су ағады,қар еріп

Енді міне жеткенім. Саламатсыңдар ма, балалар! Мен сендерге қонаққа келдім.

Тәрбиеші: балалар бізге қонаққа кім келді?

Балалар : көктем

Тәрбиеші : қош келдің көктем. Кел сен біздің балалардың оқу қызметіне қалай қатысатынын бақыла. Сен бізге қандай тапсырмамен келдің?

Көктем:  сендер маған тақпақтар, тиым, болжам сөздер, мақал – мәтелдер айтып бересіңдер ме? Менің тапсырмам осы.

Тәрбиеші : балалар біз көктемнің тапсырмасын орындаймыз ба?

Балалар: иә

Ендеше көктем мезгілі туралы тақпақтарымызды айтып берейік.

Тақпақтар.

      Жансая:

• Бақшаларға гүл егіп,
• Жемістерді тереміз.
• Дала жасыл түске еніп,
• Көктем мезгілі келіпті.
•  Кәусар
• Бүршік атып ағаштар,
• Құстар ұя салады.
• Сылдырлаған  бұлақтар,
• Ағып бара жатады.
•  Гулхан
• Көктем келді құлпырып,
• Арықтардан су ақты.
• Мал төлдейді мыңғырып,
• Бәйшешектер гүл ашты.
• Тәрбиеші: рахмет балалар. Көктем мезгілі келген  соң,бізге көктеммен бірге нелер ұшып келеді?
• Құстар қайдан келіп жатыр?
• Олар не себепті жылы  жаққа ұшып кетеді?
• Ең бірінші қандай құс келеді?
• Құстар немен қоректенеді?
• Құстардың пайдасы өте зор. Олар ағаштарды құрт-құмырсқадан сақтайды.
• Сендер қандай құстарды білесіңдер?
• Осы құстардың  ішідегі адамның  досы, жаршы  құсымыз  ол қандай құс? 
• Өте дұрыс. Оны “жаршы құс”  деп халық атап кеткен.  Оның салған әні құлаққа өте жағымды болған. 

 Көктемнің  жаршы құсы – Қарлығаш”

Тәрбиеші : осы құстардың ішінде қарлығаш құсына тоқталып өтейік.  

           - Қарлығаш қайда   ұя салады?

           - Қарлығаш  неден ұя салады?

           - Қарлығашты басқа құстардан  қалай ажыратамыз?   

           - Қарлығаш құсы несімен ерекшеленеді?

           - Не себепті құйрығы айыр болған?

Тәрбиеші: Қатерсіз күрес қайда бар,

                    Қарлығаш пен айдаһар

                    Құйрығын жұлып алыпты,

                   Айыр боп содан қалыпты -   деп аңыз  әңгімелерде айтылған. Қане Қарлығашқа арнаға тақпақты тыңдайық.

Наргиза :  Мен адамның досымын,

                   Мекенінде тұрамын,

                   Шыбын,шіркей, масаны

                   Ұстап жеймін құртамын.

Тәрбиеші : өте жақсы. Ал енді балалар сергіту сәтін жасап. шаршағанымызды басайық.

Сергіту сәті:

Орнымыздан тұрайық

Қолымызды созайық,

Құсқа ұя жасайық

Алдына жем шашайық.

Қарға болып жорғалап,

Жемге тойып алайық.

Қане қанат қағайық,

Ұшып-ұшып алайық

Орнымызды табайық.

(құстардың дыбысын қосады)

Тәрбиеші: балалар мына дыбыстар қайдан шығып жатыр? Бұл нелердің дауыстары?  ( құстардың дыбысын қосу)

Балалар: құстардың

Тәрбиеші: өте дұрыс. Құстар да әр түрлі дыбыстар шығарады. Олай болса құстардың дыбысын мұқият тыңдай отырып, « Қандай құстың дауысы» ойынын ойнап жіберейік.

Тәрбиеші :     Көкек өзін шақырған

                        Қарға дауысы қарлыққан,

                        Сауысқаным саңқылдап,

                        Торғайым тұр шиқылдап. Сендер бұл ойынды да жақсы ойнап шықтыңдар. Ал енді маған құстар туралы тақпақтар кім айтады?

 Арай:      Мен торғаймын,торғаймын,

                 Суықтан да тоңбаймын.

                 Құрт, құмырсқа, шіркейден.

                 Ағаштарды қорғаймын.

Фатима Б: Бір қонып,бір секіріп,

                   Менің атым көкек деп.

                   Керек болса саған жаз,

                   Әкелемін жетектеп.

Тәрбиеші: балалар  келесі көктемнің тапсырмасы   құстар  туралы мақал- мәтелдер, болжау сөздер, тиым сөздер туралы айтып беруіміз қажет.  Тапсырма орындаймыз ба?

Балалар: Иә

Тәрбиеші: ендеше мақал –мәтелдерден бастайық.

Мақал- мәтелдер.

Ерасыл

Аққуды атпа, досыңды сатпа

Кәусар

Жаралы құсқа тас атпа

Тиым сөздер

Іңкәр:

Құстың ұясын бұзба

Таир

Құстың жұмыртқасын жарма

Болжам сөздер

қарға  - қарқылдаса,  қар  - жауар

Қарлығаш -  жоғары ұшса,  күн - жылынады                 

 Қарлығаш  -   төмен ұшса,  жаңбыр-   жауады.

    Тәрбиеші: құстардың адам өмірінде маңызы зор. Құстар туралы нақыл сөздер көп айтылған. Мыс: көктемнің алғашқы айында жауған соңғы қарды “ құс қанатының ызғары” деп болжаған.  Балалар біздер  көктемнің тапсырмасын орындадық. Ал енді осы құстарды қамқорлыққа алып бағымыздағы жемсалғышқа қыстап қалатын құстарды,жылы жаққа ұшып кететін құстарды  топтастыра  бөліп орналастырайық.

Ойын:  “Құстарды топтастыру”

      Тәрбиеші:     Құстар тойын құттықтап,

                     Қуанамыз қолдаймыз.

                Ұя жасап ұқыптап,

                           Біз оларды қорғаймыз – деп балалар құстарды да қамқорлыққа алып, орындарына жайғастырдық. Ал енді  тапсырманы әрі қарай орындайық. Көктем саған біздің балалардың жауаптары  ұнады ма? Енді біз естелік ретінде “Көрікті көктем” көрінісін құрастырып,сыйға тартайық.

( Балалар көктем бейнесін монтессори әдісі арқылы құрастырады)                              

Тәрбиеші:     Аспан шайдай ашылды,

                        Бақтың іші жайнады.

                        Күнде шықты күлімдеп,

                        Құстарымыз сайрады.

Рахмет балалар.

Бүгінгі оқу қызметімізді  Көктем әнімен аяқтайық.