Білім беру саласы: «Коммуникация» Бөлімі: Сөйлеуді дамыту Тақырыбы: «Нан еліміздің байлығы »

Ересек «Көгершін» тобында ұйымдастырылған оқу қызметінің конспектісі.

Өткізу күні:

Тәрбиеші:

Білім беру саласы: «Коммуникация»

Өтпелі тақырып: Ас атасы нан

Бөлімі: Сөйлеуді дамыту

Тақырыбы: «Нан еліміздің байлығы »

Мақсаты:

Тәрбиелік:

Нанды ардақтауға, үлкендердің еңбегін бағалауға тәрбиелеу.

Дамытушылық:

Ұн тағамынан жасалатын тағамдар жайлы түсіндіру.

Оқыту:

Балаларды тәрбиешінің сұрақтары арқылы әңгіме айтуға үйрету.

Педагогикалық технологиялар: түсіндіру,  ертегінің мазмұның ашу,сөздік жұмыс жүргізу.  

Ресустармен қамтамасыз ету: нанның түрлері,бидай,комбайн,диірменнің суреттері.

Блингвальдық компоненті : нан-хлеб

1.Ұйымдастырушылық кезеңі:

Балалар,қазір жылдың қай мезгілі.

Күз мезгілі?

Күз мезгілінде неше ай бар?

Үш ай бар.Қыркүйек,қазан,қараша.

Қазір күз мезгілінің нешінші айы?

үшінші айы қараша.

Күз мезгілінде қандай жемістер,көкөністер піседі?

Балалар,күзде адамдар қандай еңбектермен айналысады?

2.Негізгі бөлім:
Көзді тартып қиырдан
Көңіліңді ашады.
Күн нұрына тойынған,

мынау бидай масағы

Жұмбақ жасыру

Асты тас , үсті тас,

Ортасында піскен ас (нан)

Мынау бидайдың масағының сабағы,сабағының жоғарғы жағында қауыздары орналасқан.Ал мынау жіңішке мұртшалары. -Оның біздің дастарханымызға жетуі үшін қаншама адам еңбектенуі қажет. Дәнді егіншілер егеді.Дән өсіп бидай болады . Техникалық құралдармен орады.Қандай техникамен жинайтынын балалар суретке назар аударайық. (Комбайнның суретін көрсету)

Желкілдеген желменен,

Жерді егін тербеген .

Тасып піскен бидайды

Айтшы қалай жинайды?

Комбайнмен бидайды,

Былай,былай жинайды.

Қаптап ұшқан торғайдан,

Оны қалай қорғайды?

Қаптап ұшқан торғайдан,

Оны былай қорғайды. Кіш,кіш,кіш…

Қорғап қалған бидайды,

Қоймаға әкеп жинайды.

–Балалар,нанның қайдан шығатынын,біздің ақ дастарханымызға қалай келетінін білесіңдер ме?Ендеше,балалар,нан біздің дастарханымызға қалай келеді,- деген сұраққа жауап іздеп көрейік. -Балалар,біз күнде ақ нан,қара нан,немесе тәтті тоқаштар,печеньелер , торттар жейміз.Бұл тағамдар неден жасалатынын білесіңдер ме? Ұннан. -Ал ұнды неден алады? Ұнды көрсетеді. –Ұнды мына ыдыстағы дәндерден алады.Барлығың мұқият қараңдар,барлық дәндер бірдей ме?Мына дөңгелек дәндер- бидай,ал,сопақ дәндер арпа.Бидай мен арпа дәнді дақылдар.Бидайдан-ақ нан,арпадан-қара нан дайындалады.Олар егістікте өседі.Диірменге апарып ұн шығарады.Ұннан Наубайшы нан пісіреді.Нансыз өмір жоқ.Дастарханда бәрі болып,нан болмаса дастарханымыздың сәні болмайды.Нан қандай тағам? -Қасиетті тағам.

Сергіту сәті.

Қане, бойымызды сергітіп демалып алайық. Орнымыздан тұрып, қимылмен жаттығуды айтып, жасайды.
Көктемде жер жыртамыз.
Тырналаймыз тегістеп.
Дәнді оған себеміз.
Жайқалып көктеп шықсын деп.

Күз болғанда орамыз.

Мақал-мәтелдер:
1.Нан бар жерде тірлік бар. 

2.Ас атасы-нан,нан атасы-дән. 

3.Нан бар жерде ән бар. 

4.Нан тіршіліктің көзі. 

5.Бар байлықтың басы нан. 

6.Даланы дәнге бөлейтін-дихан, Диханды бөлейтін – нан! 

7.Арпа, бидай ас екен,алтын,күміс тас екен.

Балалар қазір «Қайдан келдің, бауырсақ?» көрінісін көрсетеді . Дастарханда шашылып, Жатты аппақ бауырсақ. Бауырсаққа қызығып, Қарап тұрып көзін сап: -Қайдан келдің,буырсақ?-деп сұрады тышқан. -Дүкеннен келдім нан сатқан. -Дүкенге келдің қай жақтан? -Наубайдан келдім ұн тартқан. -Наубайға келдің қай жақтан? -Қоймадан келдім ұн тартқан. Қоймаға келдің қай жақтан? -Егіннен келдім көсілген. Жер анам мені өсірген.

 Тыйым сөздер: 

1.Нанды бір қолмен үзбе.

2.Нанды баспа. 

Сұрақ-жауап: 

-Нан дастарханға қандай еңбекпен келеді екен? -нан бізге егіс даласынан,диқандардың еңбегінің арқасында келеді.

-Бидайды өсіретін кім?

-Диханшы.

Бидайды диірменге апарып тартқан соң не шығады?

-Ұн болып шығады. Ұннан қандай тағамдар дайындайды? -Нан,бауырсақ,шелпек,тоқаш,қалаш,торт,печенье,пицца,бәліш.

-Бидайдан қандай нан болады?

-Бидайдан ақ нан.

-Арпадан қандай нан болады?

-қара нан .

-Ал,енді бидай пісіп жетілді,қай мезгілде жиып алады?

-Күз мезгілінде.

Балалар,көрдіңдер ме нан көп еңбекпен дастарханға келеді екен.
Ескертулер:

1. Дүкенге барғанда нанды қолмен ұстап көру-мәдениетсіздік.
2 Нанды таза пакетке салу керек.

3.Қорытынды:

Барлық балалар айтады.

Нан қиқымын шашпаңдар,
Жерде жатса баспаңдар.
Теріп алып,қастерлеп,
Торғайларға тастаңдар.