Балалар аурулары ж?не оны? алдын алу.

Сабақ жоспары № 5

План учебного занятия №

Күні: Пән Педиатрия негіздері Тобы

Дата Предмет Группа

Оқытушының Т.Ә.А. Кайырбекова И.А.

Ф.И.О. преподавателя

І. Сабақтың тақырыбы Балалар аурулары және оның алдын алу.

Тема занятия

Сабақтың түрі және типі Жаңа білім беру сабағы

Тип и вид занятия

Мақсаты балалар аурулары туралы түсінік қалыптастыру

Цель

Міндеттері

Задачи

а) Білімдіқ балалар аурулырының алдын алу жолдарын білу

обучающие

ә) тәрбиелік жеке бас гигиенасын сақтай білуге тәрбиелеу.

воспитательные

б) дамытушылық Мысалдар келтіре білу, өз пікірлерін дәлелдеу, кестелер

развивающие (кластерлер) құрыстыра білу.

ІІ. Күтілетін нәтиже.

Ожидаемые результаты:

а) оқушылар түсінуі тиіс

должны понимать Жұқпалы емес аурулардың жұғу себептерін

ә) оқушылар құндылы бағдары болуы медициналық сауаттылық

должны иметь ценностные установки

б) оқушылар жасай біледі Жұқпалы аурулар және олардың балалар ұжымына

должны уметь таралмауының алдын алу.

План занятия

І. Организационный момент Оқушылармен сәлемдесу. Оқушылардың сабаққа Ұйымдастыру кезеңі қатысуын қадағалау және тексеру.

ІІ. Білімді актуализациялау:

1. Жұқпалы емес аурулардың жұғу себептері.

2. Иммунитет. Түрлерін схема салу арқылы талдау

3. Иммунизация (Егулер).

4. Жұқпалы аурулар және олардың балалар ұжымына таралмауының алдын алу шараларын эссе түрінде жазу

ІІІ. Түсіндіру

Жоспар:

1. Жұқпалы аурулар 

2. Жедел респираторлы вирусты инфекция (ЖРВИ)

3. Жедел ішек инфекциясы (ЖІИ)

ІV. Бекіту:

Балалар ауруларын алдын алу жолы. Синквейн

Егер мен бала дәрігері болсам, онда .... Ой толғау

V. Қорытындылау, бағалау.

VІ. Үй тапсырмасы: § 6 1-3 сұраққа ж.б.

1. Жұқпалы аурулар  дегеніміз патогенді микробтар немесе вирустар қоздыруымен пайда болатын аурулар. Балалар жұқпалы ауруларына: қызылша (корь), ұшпа (краснуха), шірінше (паротит), қызамық (скарлатина), күл (дифтерия), жұлынның қабынуы (полиомелит), желшешек (ветряная оспа), көкжөтел (коклюш) жатады.

Қызамық – қоздырғышы стрептококтар. Егер ауру асқынбаса, стрептококтың бөлінуі 7-10 күнде тоқталады. Балаға ауру науқас адаммен қарым-қатынас кезінде ойыншық, кітап, сүлгі арқылы жұғады.

Аурудың белгілері: кенеттен қызу көтеріледі, бірнеше сағаттан кейін немесе келесі күні баланың денесінде қызарған ұсақ бөртпелер пайда болады. Мұрын-еріннен басқа жерге түгел шығады. Жамбас-кіндіктен төмен жерге, шап, қолтыққа қалың шығады. Бөртпелер 3-5 күндей тұрады. Бүкіл жұтқыншақ ашық қызыл түсті болады. Алғашқы күні тілді қою сары-сұр түсті зат басады. Аурудың алғашқы 5-6 күні бала жатуға тиіс. Балалар бақшасына, мектепке ауыра бастағаннан 22 күн өткенше баруға болмайды. Антибиотикпен емдейді.

Күл - қоздырғышы уландырғыш күл таяқшасы, оның күшті у бөліп шығаратын қасиеті бар.

Аурудың таралу көзі – ауырған адам немесе ауру таяқшасын таратушы сау адам бола алады. Жасырын кезеңі 2-10 күн. Күлмен ауырған жұтқыншаққа тән белгі сұрғылт, бүкіл жұтқыншақты жауып тұратын маржандай жылтыраған немесе ойық-ойық болып тұратын сірі қабық. Жұтқыншақтағы күл өте ауыр өтеді. Қызуы 40º жетеді, жұтқыншақ қызарып ісінеді, мойны ісініп, бала әлсізденеді. Бұл ауруға дер кезінде шара қолданбаса бала өміріне қауіп төнеді. Ең басты күл ауруына қолданатын дәрі – қан сарысуы. Күлмен ауырған баланы тез ауруханаға жеткізу қажет.

Жұлынның қабынуы (полиомелит) – қоздырғышы вирус. Күл ауруы сияқты алдына ала егудің нәтижесінде сирек кездеседі. Ауруды таратушы – ауырған адам немесе оның вирусын тасушы.

Бұл ауру екі жолмен жұғады: 1) ауру адаммен қарым-қатынаста ауа арқылы;

2) жуылмаған көкөніс-жеміс арқылы ішке түседі.

Жасырын кезеңі 3-35 күн. Полиомелит ауруы жүйке жүйесін зақымдап, сал ауруына соқтырады. Кейде жеңіл өтеді. Белгілері әртүрлі: қызуы көтеріледі, құсады, іші ауырады, кеңірдектің шырышты қабаты қабынып, тамағы қызарады. Аурудың салға айналу кезеңі 2-5 күнге созылады. 4-5 күнде қызуы төмендейді. Осы жақсару жағдайында күтпеген жерде сал бола бастайды. Аяғының еттері жиі салданады, қол, мойын, кеуде бұлшықеттері сирек салданады. Ауруханаға жылдам жеткізу керек.

Желшешек – қоздырғышы вирус.

Белгілері: денеге шырышты қабыққа ұқсас күлдіреуіктер шығады, оның ішінде сары су болады.

Ауру ауа арқылы сырқат адамнан, оның вирусы жасырын кезде және қабыршақтанып түсу кезінде жұғады. Желшешек ауруын жұқтыру қаупі өте жоғары. Жасырын кезеңі 14-21 күн орташа – 14 күн. Ауру жедел басталады, ыстығы көтерліліп, бірден алғашқы күндері күлдіреуіктер пайда болады. Күлдіреуіктерге бриллиант көгінің 1% -дық ерітіндісін жағады.

Қызылша (корь) – қоздырғышы вирус. Ауруды таратушы – ауру адам. Ауру ауа арқылы жұғады. Жасырын кезеңі 8-10 күн, кейде 17 күнге дейін созылады.

Белгілері: дене қызуы 38,5-39º-қа көтерліеді, тұмау, құрғақ жөтел, жұтқыншақтың шырышты қабығы қызарады. Бала мазасызданып, жылауық келеді.

Осы кезде баланың екі жақ шырышты қабығынан азу тістері айналасынан, еріннің шырышты қабығынан, тіс қызыл еттерінен дәннің көлеміндей ашық-қоңыр нүктелерді көруге болады. 4-5 күндері жаппай бөртпелер шығады. Бөртпелер ұсақ қызғылт нүкте түрінде құлақ сыртына, мұрын үстіне шығады. Бір тәулік ішінде ол бетке, мойынға, кеудеге, арқаға жайылып, келесі күні бүкіл денені, қолды, ал 3-ші күні аяқты қамтиды. Бөртпе шыққан кезде баланың қызуы жоғары болады. Сосын қызуы түсіп, бөртпелер бозғылттанады. Бала 2-3 күн тұрмай жату керек. Қызылшаға 3 айлық жасқа дейінгі сәбилер төзе алмайды. Себебі, оның организмне анасымен берілген иммунитет әлсіз. Бала жатқан бөлмені таза ұстап, жиі-жиі желдетіп тұру қажет.

Ұшпа (краснуха) – қоздырғышы вирус. Ауруды таратушы – ауру адам. Жасырын кезеңі 15-24 күн, орташа 16-18 күн.

Аурудың бірінші күнінен бөртпелер пайда болғаннан кейінгі 5 күн ішінде ауруды жұқтырады.

Белгілері: ұшпа баланың бетіне қызғылт теңбілді бөртпе түрінде шығудан басталып, бірнеше сағаттың ішінде барлық денеге, әсіресе буындардың айналасында, арқаға, жамбасқа, қолға және аяққа жайылады. Сонымен бірге, балада жеңіл-желпі тұмау, жөтел пайда болады.Лимфа түйіндерінің, әсіресе желке және жауырын түйіндерінің үлкеюі. Қызуы 38º-қа дейін көтеріледі. Бөртпелер 2-3 күннен кейін кетіп қалады да, орындарында ешқандай із қабыршақтану болмайды.

Шірінше, шықшыт безінің қабынуы (паротит) немесе шошқа мойын деп те атайды.

Қоздырғышы – вирус. Ауру – сау адам мен ауру адам бір үйде болған кезде ауа арқылы жұғады.

Шірінше вирусы мұрын, ауыз, жұтқыншақтың шырышты қабығы арқылы организмге еніп, көбінесе жүйке жүйесін, бездерді – соның ішінде сілекей, қарын бездерін, балаларда аталық ұрық безін зақымдайды. Жасырын кезеңі 11-12 күн, кейде 26 күнге жетеді. Сондықтан балалар мекемелерінде 21 күн карантин белгіленеді.

Белгілері: бас ауырып, қызу 38-39º дейін көтеріледі. Егер ауру құлақ айналасындағы сілекей бездеріне жайылса, онда бала аузындағы тамағын шайнағанда және жұтынғанда ауыратынына шағымданады. Құлағының алдыңғы жағынан сырғалықтан және құлағының артынан ісік пайда болады. Бұл әуелі бір жағынан сосын 1-2 күннен соң 2-ші жағынан шығады.

Жасөспірім ер балаларда шірінше ауруы олардың аталық ұрық безін қабындырады (орхит). Алғашқы аптаның соңына қарай төмен түскен қызуы тағы да көтеріледі: басы, ұмасы, шабының маңы сыздап ауырады, ені ісіп үлкейеді. Жасөспірім балалар мұндай жағдайда қатты мазасызданып, үрейленеді. Сондықтан оларға 5-7 күндер ішінде басылатынын айтып түсіндіру керек. Алайда орхит ауруы өтсе кейін бала болмай қалуы мүмкін. Мұндай жағдайда бала дәрігері мен хирургтің кеңесі өте қажет.

Шіріншеде асқазан безі ауруының қабат жүруі тән, оның негізгі белгілері – іштің бүріп ауруы, жүрегі айну, құсу, тамаққа тәбеттің болмауы.

Шіріншемен ауырғанда серозды менингит (ми қабығы) ауруына да шалдықтырады. Бұл аурудың 3-6 күндері қызудың қайтадан көтеріліп, бастың ауыруы мен құсудан білінеді. Бала денесі болбырап, манаурайды, есінен тану пайда болады. Шіріншемен ауырған балаларды әдетте үйде емдейді. Ісінген сілекей бездеріне 3-4 сағ. құрғақ қыздыратын компрес жасайды. Ал орхит кезінде керісінше қабынған аталық ұрық ұмасына суық суға малынған салфетка салады да, ол жылынғанда оны алмастырып отырады. Егер орхит өте ауыр өтсе, баланы ауруханаға жатқызады.

Көкжөтел. Қоздырғышы - өте ұсақ, таяқша тәрізді бактериялар. Жасырын уақыты 5-8 күн, кейде 21 күнге ұзарады. Балаларда қызылшадан кейін екінші орында тұр. Көкжөтел адамның тыныс жолын зақымдайтын жұқпалы ауру. Микробтар ауа арқылы таралады. Көкжөтелдің балаға зияны көп. Ол әсіресе нәрестенің орталық жүйке жүйесін қатты зақымдайды. Соның салдарынан балалардың өсуі тежеледі. Егер көкжөтелге қызылша мен тұмау қосылса бала өміріне қауіп төнеді. Көкжөтелмен 1 айға жуық ауырады. Көкжөтелден кейін бала организмінде оған қарсы иммунитет пайда болады.

Көкжөтел таяқшасы тыныс жолдарының сілекей қабығына орналасып алып, ұзақ уақыт бойы көбейе береді, айналасындағы жасушалар мен ұлпаларды зақымдайтын улы зат бөледі. Сілекейлі қабықтағы жүйке талшықтары көкжөтел бөліп шығаратын улы заттардың әсерінен үнемі тітіркеніп отырады. Содан бала үздіксіз жөтеледі. Жөтелі ұзаққа созылса, ауа жетпегендіктен баланың беті аз уақытта көгеріп кетуі мүмкін. Жөтел кезінде ауру баланың бет-аузы қимылдайды, тілі аузынан шығып кетеді. Астыңғы күрек тістерге үйкеле бергендіктен тілінің астыңғы жағында жара пайда болады. Бұл да көкжөтелдің айқын белгісі. Түнде көбірек жөтеледі.

Балалар мен жасөспірімдердің жұқпалы ауруларының алдын алу екпелері:

1. Туберкулезге қарсы – 1-ші екпе 5-7 күндері жасалады; 7, 12, 17 жаста қайталанады.

2. Полиомелитке қарсы – 2 айда жасалады; 1, 2, 3, 7, 15-16 жаста қайталанады.

3. Күл (дифтерия), көкжөтел (коклюш) және тырысқаққа (АКДС) қарсы 1-ші екпе 5-6 айда, 2-3 және 6 жаста қайталанады.

4. Шешекке (натуральная оспа) қарсы 1-ші екпе 1-1,5 жаста, 8 және 15 жаста қайталанады.

5. Қызылшаға (корь) қарсы 10 айдан бастап 1 жасқа дейін 1 рет егіледі.

2.  Жедел респираторлы вирусты инфекция (ЖРВИ) суық тию кеселі атауымен белгілі жұқпа барлық бала науқасының үштен бірін құрайды. Бұған тұмау, парагрипп, аденовирустық, энтеровирустық және басқа жұқпалар жатады. ЖРВИ ауа-тамшы жолымен беріледі: құрамында вирустары бар қақырық тамшылары науқас түшкіргенде және жөтелгенде айналадағы ауаны, сондай-ақ мүліктер мен заттарды зарарлайды.

Дерт жұғуына сырқат адаммен жақын араласу, бөлмені нашар желдету, санитарлық-гигиеналық нормаларды бұзу ықпал етеді. ЖРВИ мен тұмау қабылдау бар жастағы балаларда жоғары. Әсіресе бала бақшадағы, мектептегі балалар жиі сырқаттанады.

Шарт бойынша, хәл нашарлайды: мазасыздану пайда болады, бала жиі жылайды, оның айналаға ынта-ықыласы жоғалады, ұйқы бұзылады, тәбет қашады. Балада дене қызуы жоғарылайды, кейде ол 38-38,5оС-ге жетеді. Бұл фонда әлсіздіктің, адинамияның дамуы, құрысудың пайда болуы мүмкін. ЖРВИ-дің жиі белгілері: жиі тыныс алу (ентігу), түшкіру, кеудедегі және көмейдегі ауыру, жыбырлау, жөтел болып табылады.

Тұмау мен жіті респираторлық вирустық инфекциялар: 

 Тұмау – ЖРВИ-дің бір түрі, бірақ эпидемиялық маңызды. Асқынулар даму қатерін ескере отырып, дәрігерге уақытылы қарану өте маңызды. Вируспен қоздырылғаннан кейін 1-4 күн аралығында тұмау белгілері дами бастайды. Бірнеше сағат ішінде температура жоғары мәніне жетеді (39-40⁰С, одан да жоғары болуы мүмкін) және 2-3 күн ұсталынады. Қалтырау, ағыл-тегіл терлеу, бастың мандай-самай бөлігі қатты ауыру, көз алмасын қозғағанда ауыру, көз қарлығу, бас айналу, бұлшық ет пен буын сырқырау – осынын барлығы тұмау кезіндегі ағзаның уыттану белгілері. Тұмау кезінде түшкіру өте сирек болады, әдетте бұл – тамақ ауыруы, қызаруы секілді (катаралды белгілер деп аталатын) – ЖРВИ белгісі. Тұмаумен ауырғанда жұтқыншақтың артқы қабырғасы және жұмсақ таңдай аурады, кейін жөтел қосылады. Тұмаудың өзіне тән сипаттың бірі – шаршағыштық, әлсіздік, бас ауыруы, ашуланшақтық, ұйқысыздық, яғни астеник синдромы, бұл синдром сауыққаннан кейін екі-үш аптаға дейін сақталады. Тұмаудың барлық түрі ауа-тамшылы жолмен таралады. Сондықтан бірінші кезекте халық көп жиналған жерлерді және бұқаралық іс-шараларға қатысуды шектеңіз, мұндай жерлерде вирус өте тез таралады. 2.    Иммунитетті күшейтіңіз. А және С дәрумендері, дұрыс тамақтану, 7 сағаттан кем емес ұйықтау, және иммунитет көтеретін арнайы препараттар – бұл ағзаға вирусқа қарсы шығуға күш-қуат береді. 3.    Вирустарды қуып шығыңыз! Дүниежүзілік Денсаулық сақтау Ұйымы тұмау індетімен күрестің бірінші қадамы ретінде қолды сабынмен жете жуып отыру, сонымен қатар бөлмені жиі желдетіп, күнделікті ылғалды жинау керек деп атайды.  Лор-органдарыңызды ұдайы тазалаңыз. Эпидемия кезінде тәулікке 2-3 реттен кем емес мұрынды жуу және ауыз қуысын шайып отыру керек. 5.    Екпе егу. Спецификалық әдіске екпе егу жатады, ол тұмаудың алдын алу әдісінің ең негізгісі болып есептеледі. Адамның ағзасына жұқпа агентінің бөлігін енгізу арқылы ағзаны қорғаныс денелерін (антиденелер) бөліп шығаруға ықпал етеді, соның нәтижесінде вирустардың көбеюі мен жасушалардың зақымдалуы төмендей түседі.  Бірақ, бұл алдың алу әдісі уақытында, ағзаның қорғаныс тосқауылы және вирусқа қарсы реакция қалыптасуға үлгергендей – эпидемия басталмай бірнеше ай бұрын – жасалу қажет. 

1. Жедел ішек инфекциясы (ЖІИ) - әртүрлі микроорганизмдер (бактериялар, вирустар, қарапайымдылар) қоздыратын, клиникалық белгілері асқазан-ішек жолының әрекетінің бұзылуымен байқалатын және басқа да белгілері ұқсас жұқпалы аурулардың тобы.

Ауыздың ойылуы /стоматиттер/. Ауыздың шырышты қабығының аурулары көбіне организм әлсіреген, ауырғыш, иммунитеті төмен балаларда және бала күтімінің гигиеналық тәртіптер сақталмаған кезде жиі кездеседі. Себептері: Әртүрлі микробтар (стафилококктар, стрептококктар) мен вирустар. Бұл микроорганизмдер аыузға таза емес ыдыстармен, ойыншықтармен, әртүрлі күтім бұйымдарымен түседі.

Катаральды стоматит-ауыздың, қызыл иектің шырышты қабықтары қан кернеп, ісінеді, баланың аузынан сілекей шұбырады, кейде дене қызуы көтеріледі, бала тамақты нашар ішеді.

Герпесті стоматит немесе ұшық шығудан ауыздың ойылуы, қоздырғышы-вирустар, бұл ауру 6ай-3жас аралығындағы балаларда жиі кездеседі. Баланың аузынан сілекей шұбырып, шырышты қабығын қан кернеп, ісініп, онда әртүрлі көлемді, айналасында алқызыл жиегі бар ақшыл-сары күлдіріктер /афты/ пайда болады. Мұндай күлдіріктер баланың ұртына, тіліне, қызыл иекте, кейде таңдайына шығады. Афтылардың саны 6-7-ден 20-25-ке дейін болуы мүмкін. Афтылардың бірнешеуі қосылып, кейде үлкен күлдіріктер пайда болады. Баланың денесінің қызуы 37-40⁰С-қа дейін көтеріледі, бала мазасызданып, тәбеті төмендейді, тамақты аз ішкеннен салмағы төмендейді, терісі бозарып, кейде аузының айналасына да күлдіріктер шығуы, қызыл иегінен қан көрінуі мүмкін.

Жаралы /язвенный/ стоматит-жасы үлкен, кариесті тістері бар балаларда кездеседі.-қан кернеген, ісінген шырышты қабықтар, жаралар пайда болады, аузынан сүйкімсіз иіс шығады.

Емі және күтімі:

Стоматитпен ауырған баланы сау балалардан оңашалау керек, балаларға бөлек ыдыс, ойыншықтар бөлу; тамағы құнарлы, барлық керекті заттар мен витаминдері мол болуы керек. Тамақ жылы, жұмсақ болуы керек. Өте ыстық, ащы, қышқыл тамақтарды беруге болмайды. Ауызды әлсіз марганцовка, фурациллин, сутегі асқын тотығы ерітінділерімен, 1-2%-ті трипсин, панкреатин ерітінділерімен шайып, 0,25%-ті оксалин, 5%-ті метилурацил, интерферон майларымен майлау керек.

Ауыздың уылуы /молочница/.

Ашытқы тәріздес саңырауқұлақтармен шақырылады. Ауыздың уылуына байланың күтімінің нашар болуы, гигиеналық ережелердің сақталмауы, кейде антибиотиктерді ұзақ пайдалану себеп болады. Ұйған сүт сияқты қатпарлар пайда болады. Қатпарлардың көлемі әртүрлі болады, олар баланың ұртына, еріндеріне, тіліне, таңдайына, кейде тіпті өңешіне де шығады. Мұндайда баланың емуі, жұтуы қиындайды, балалар тамақтан бас тартады.

Емі:

1.2%-ті ас содасының, 1%-ті метилен көк, 100%-ті қант сиропымен баланың аузын тазалау керек.

2.Балаға саңырауқұлаұтарға қарсы антибиотиктер-нистатин, леворин беру.

 Гельминтоздар

Гельминттер дегеніміз адам мен жануарлар денесінде паразиттік өмір сүретін құрттар. Осы құрттардың шақырған аурулары гельминтоздар деп аталады. Гельминттер улы заттар бөлу арқылы әртүрлі аурулы жағдайларға ұшыратады: ішегінің қызметін бұзады, зат алмасуын бұзады, организмде аллергия тудырады, гельминттер көбейіп кетсе ішек түйілуі мүмкін /непроходимость/. Балаларда гельминтоздардың арасында аскаридоз және энтеробиоздар жиі кездеседі.

Аскаридоз-ұзындығы 25-40 см болатын аскаридалармен шақырылады. Аскаридалар ащы ішекте өмір сүреді, жұмыртқалары үлкен дәретпен сыртқа шағады да, баланың аузына кір қол, су, жеміс-жидектор, көкөністер арқылы түсіп ішекке барады. Ішекте жұмыртқадан личинка шығып қанға өтеді, қанмен жүрекке, өкпеге өтіп альвеолаларға түседі, альвеолаладан қақырық арқылы қайта асқазан-ішек жолдарына түседі. Осында өсіп-жетіледі. Аурудың айқындалуы-личинкалар қанда болғанда бала әлсіздік сезініп, кейде жөтеліп, үстіне бөртпе шығуы мүмкін. Аскаридалар ішекте болған кезде баланың жалпы жағдайы бұзылып, жүрегі айнып, іші ауырып, тәбеті төмендеп, шаршағыш болады, салмағы кемиді.

Энтеробиоз-кішкене жұмыр, ұзындығы 4-12 мм болатын ішек құрты-острицалармен шақырылады. Острицалар тоқ ішекте өмір сүреді, ұрғашылары түнде анустың айналасындағы қатпарларға шығып жұмыртқа салады. 5-6 сағаттан кейін бұл жұмыртқалар өсіп-жетіледі, бала құйрығын қасыған кезде тырнақтың астына жиналады да, қолын жумай тамақ ішкенде өзіне-өзі қайта жұқтырады-аутоинвазия.

Клиникасы: Баланың іші ауырады, құйрығы қышиды, ұйқысы бұзылады,  тәбеті төмендейді.

Емі және күтімі:

1.Баланың тырнақтарын қысқа етіп  алып тастау керек, іш киімін, төсегін жиі ауыстырып, жуып, үтіктеп тұру керек.

2.Ауырған баланың жанұясындағы барлық мүшелерін тексеріп, емдеу керек.

3.Гельминттерге қарсы дәрілер беру-пиперазин адипинатын, декарис, вермокс, гельминтокс т.б. жасына байланысты тағайындау.

Гастриттер

Гастрит-асқазанның шырышты қабатының қабынуы.

Этиологиясы. Әдетте жедел ағымды гастриттің дамуында экзогендік жайлардың маңызы бар; токсикалық инфекциялар, тамақтану бұзылыстары (режим, рацион жайы, пісіп жетілмеген көкөністер, майлы, тәтті, көпклеткалы тағамдарды мөлшерден тыс қабылдау, өте ыстық не өте салқын, қорытылуы ауыр не жағымсыз тағамдар, кейбір тағамдардың жақпауы (аллергиялық сезімталдық).

Клиникалық көрінісі:ауру  өте жылдам, кейде кенет басталуы мүмкін, алдында бала аз уақыт мазасызданады — енжарлық қалтырау, лоқсу, асқазан толу сезімі, сілекей ағуболады.. Бұған қоса бас ауыру, бас айналу, тәбеттің жоғалуы, іш бүріп,  қайталап құсу  болады. Ұзақтығы-2-5 күн. Инфекциялық гастритте улану белгілері, дене қызуының көтерілуі, сусыздану байқалады. Ұзақтығы-7-10 күн.

Емі: Асқазанды тағам қалдықтарынан тазарту (1 ас содасы, ас тұзының изотоникалық ертіндісі, минералды не жылы сумен тазарғанша шайып-тазарту).  Ішектегі тазалау (тазалау клизмасы) Төсек режимі (1-3 күнге). Ішке жылу басу (қозғалыс және сөл шығару қызметінің бұзылысын қалпына келтіру үшін). Сұйық (суық чай, лимон қосылған қайнаған су, 5-тік глюкоза, Рингер сұйығы, қоңыр итмұрын (шиповник) тұнығы. Қажетті сұйық мөлшерін жасы мен жоғалған дене салмағына қарай толтырады; сұйық вена арқылы жіберіледі (инфузия). С мен В (В1В2В3) тобының витаминдері;

Алдын алу-тамақтану гигиенасы тәртібін қатаң сақтау (жеке және қоғамдық); қосалқы созылмалы инфекция ошақтарынан дер кезінде тазартып-сауықтыру; гельминттерден арылту; асқазан-ішек жұмысын қалыпқа келтіру шаралары; дәрі-дәрмектер қабылдауға ұқыпты қарау; балалардың соматикалық ауруларын дер кезінде анықтап әрі мұқият емдеу.

КГКП «БГТК» 2014 Конфиденциально Страница 7 из 1