"Астықты күз- Алтын күз"

Музыка ойнап залға жүргізуші кіреді.

Жүргізуші: Сәлеметсіздерме, қадірлі ата-аналар мен тәрбиешілер және кішкентай бүлдіршіндер! Бүгінгі «Астықты қүз, алтын күз» атты ертеңгілігімізге қош келдініздер. Күз сіздерге мол несібесі мен бар жақсылығымен келсін. Берекелі, мерекелі күз болсын. Ендеше ортаға бүлдіршіндерімізді шақырайық.

(Балаларды орындарына жайғастырады.Үш бала сахнада жүргізушінің жанында қалады. Күзге арналған тақпақтарын оқиды.)

1.Армысыңдар халайық,

Бармысыңдар халайық,

Күзгі тойда жұп жазбай,

Келіңдер қарсы алайық.

2.Ән салыңдар, келіңдер,

Жайнап гүлдей жүріңдер,

Күздің тойын тойлайық,

Би билейік, ойнайық.

3.Ендеше не тұрыс,

Болмасын жан қалыс,

Тойлайық, күлейік,

Қуанып билейік.

Жүргізуші: Ал, балалар, балалар!

Енді бері қараңдар.

Бізге қонақ келмекші,

Сендерді бір көрмекші.

Әуелі жұмбақ жасырам,

Қулығымды асырам.

Таба алсаңыз шешімін,

Қонағымды дәл ортаға шақырам.

Жұмбақ: Жиып-теріп болатын,

                 Қамбаға астық толатын.

                 Қызыл қырман ойнайтын,

                 Қай мезгіл деп ойлайсың?

Балалар: Күз мезгілі

Жүргізуші: Енді уәде еткенімдей ортаға қонағымыз-Күз ханшайымын шақырамын.

(Күз ханшайымы кіреді)

Күз ханшайымы:    Береке бақ дарыған,

                                    Жомарт қөңіл жарқын жаз

                                    Сары алтынға малынған

                                    Күз ханшайымы мен болам.

Сәлеметсіздерме балалар, сәлеметсіздерме құрметті қонақтар!

Жүргізуші: Қош келдініз күз  ханшайымы! Келгеніңізге өте куаныштымыз. Сіздің құрметіңізге біздің балалардың әні бар. Қабыл алыңыз.

Ән: «Күзде»

Күз ханшайымы: Рахмет балалар. Мен де сіздерге өзіммен бірге күзгі сыйымды ала келдім. (Жемістер мен көкөністердің киімін киген балалар ортаға келеді)

Балалар тақпақтары:

1. Жемістер: Алмұрт, алма, жүзім, өрік
2. Көкөністер: Пияз, картоп, сәбіз.

(Балалар тақпақтарын айтып болғаннан кейін, күн күркіреп, жаңбыр жауған дыбыс естіледі. Ортаға Бұлт шығады. Жемістер мен көкөністер жаңбырдан қорқып, бүркеніп отырып қалады.)

Бұлт: Мында не болып жатыр? Жиналып қалыпсыздар?! Мені танып тұрсыңдар ма? Мен күздің алғашқы белгісімін. Мен бәрінен күштімін. Мен қаһарыма мінсем, найзағай ойнатып, жаңбыр да жаудыртамын. Қанекей..  

(Бұлт ашуға мініп, сілкініп, жаңбыр жаудырта бастайды)

Күз ханшайымы: Сұрғылт бұлт, сіз ашуланбаңыз. Біздің балалар сіздің ашуыңызды  тарқату үшін өз өнерлерін көрсетсін.

 (Күз ханша қыздарға қолшатыр таратып береді. Қолшатыр ұстаған қыздар би билейді)

Би: Қолшатыр

Бұлт: Рахмет, өнерлерің өрге жүзсін.Маған өнерлерің ұнады.  Мен сендердің  мазаларыңды алмайын. Тағы қайда барып жауын боп жаусам екен.?

Жүргізуші: Балалар, бұлтқа рахмет айтып, шығарып салайық.

Күз ханшайымы: Олай болса, балалар, қане бәріміз бойымызды жылытып ойын ойнайық. Ойынның аты «Дәмін татып, атын айт». Ойын шартымен таныстырып өтейін.

Ойының шарты: Көздерің байланады, алдарыңда тұрған жемістің я көкөністің дәмін татып, қандай  жеміс немесе көкөніс екенін табуларың керек. Қане, ендеше ойынымызды бастайық.

(Ойын басталады, ойынға 6 бала іріктеліп алынады.)

Күз ханша: Рахмет балалар, ойынға жақсы қатыстыңдар. Тамаша ойын болды. Балалар сендермен өткізген уақытым өте көңілді өтіп жатыр. Өкінішке орай маған кету керек. Манағы ашулы бұлттың артынан барайын, ол басқа жаққа барып, өздерің сияқты балалардың мазасын алып, жауын боп жауып жатқан шығар. Ашуын басып,көңілін көтерейін. Сау болыңыздар. Келесі кездескенше! Көп-көп рахмет, балалар.

Жүргізуші: Жарайды, Күз ханша. Сізге де көп-көп рахмет. Сау болыңыз! Балалар, жауыннан кейін жер бетінде нелер пайда болады, білесіңдер ме?

• Ия, саңырауқұлақтар.

Жүргізуші: Дұрыс айтасыңдар, балалар. Жауыннан кейін жер бетіне саңырауқұлақтар көптеп шығады. Балалар саңырауқұлақтарды да тағам ретінде пайдаланады. Олардың пайдасы зор.

(Есік қағылады. Осы кезде залға үлкен саңырауқұлақ кіреді. Ол көңілсіз еді.)

- Сәлеметсіздерме балалар. Қалайсыңдар? Мен кішкентай саңырауқұлақтарымды таба алмай жүрмін? Сендер саңырауқұлақтарымды көрген  жоқсыңдарма?

Балалар: Иә, көрдік мінекей. (Осы кезде саңырауқұлақ киімін киген балалар ортаға шығады.)

Саңырауқұлақ: Алақай, мында екенсіндер ғой. Мен сендерді таба алмай жүрмін. Рахмет сендерге балалар, ендеше біз сендерге би билеп берейік.

(Үлкен саңырауқұлақ кішкентай саңырауқұлақтармен бірге би билейді.)

Би: «Саңырауқұлақтар биі»

Жүргізуші: Рахмет сіздерге саңырауқұлақтар! Өте тамаша өнер көрсеттіңдер. Біздің балалар да құр қол емес. Сіздерге  күзге арналған  тақпақтарын айтып берсін, қабыл алыңыздар.

Саңырауқұлақ: Жарайсыңдар, балалар! Өнерлі екенсіңдер. Көп-көп рахмет!

Жүргізуші: Балалар, олай болса бәріміз саңырауқұлақтармен бірге «Күз жомарт» әнін орындайық.

Хор: Күз жомарт

(Өлең айтып болған соң жүргізуші балаларды орындарына жайғастырып, отырғызады)

Жүргізуші:   Міне біздің елден алар бағамыз

                        Қөңіл кілтін адалдықпен табамыз

                        Ән мереке жолықтырсын аман сау

                        Күз кешінің шымылдығын жабамыз.

осымен біздің бүгінгі ертеңгілігіміз аяқталды  алтын уақытарыңды бөліп келгендеріңе рахмет! Сау болыңыздар!