Ашы? ?ОІ? Та?ырыбы: "8 саны мен цифры"

Білім беру саласы: Таным
Оқу іс-әрекет түрі: Қарапайым математикалық түсініктерді қалыптастыру
Тақырыбы: 8 саны мен цифры
Мақсаты:  8 санымен, оның цифрымен таныстыру. Өткен сабақтағы 7 санына    1-ді қосып , 8 санын алуға болатынын түсіндіру. «+,-» таңбаларын пайдаланып  сегізге дейінгі көлемде жазбаша, ойша есептер құрастыру . Тура және кері санау. Балалардың ойлау қабілетін, математикалық тілін дамыту.  Балаларды туған елге деген сүйіспеншілікке, ұйымшылдыққа тәрбиелеу.
Көрнекілік:  кеспе цифрлар, «Лото» ойыны, ребус шешу, топшама

Әрекет кезеңдері
Тәрбиешінің іс-әрекеті    Балалардың іс-әрекеті

Мотивациялық қозғаушылық

Ұйымдастырушы ізденуші

Рефлекциялық айқындағыш

Шаттық шеңбері
Арайлап таң атты
Алтын сәуле таратты,
Жарқырайды күніміз
Жайнай түсті даламыз.
Қайырлы таң балалар,
Сәлеметсіздер ме, апайлар?!

-Балалар, бүгінгі сабақ ерекше, жарыс түрінде өтеді.
Балалар топтарын таныстырады.
І топ
Біз ақылды баламыз,
Айтқан тілді аламыз.
Сабақты жақсы оқып,
Мектепке де барамыз.
ІІ топ
Біз әдепті баламыз,
Оттай болып жанамыз.
Сұрақ қойса ойланып,
Дұрыс жауап табамыз.
-Ал ендеше, бастайық!
(бағасы жұлдызша арқылы бағаланады, сабақ соңында жұлдызшаны көп жинаған топ жеңеді)
Өткенді пысықтау.
1-тапсырма. 1-ден 7-ге дейін тура және кері санау.
2-тапсырма. Сандардың құрамын еске түсіру.
«Балық аулау» ойыны.
Жұмбақ жасыру
Бұл санға да ол үлгі
Қар адамы кәдімгі
Қыс түссе болды аулада
Келтіріп тұрар сәніңді
Бір ғана саған тапсырма
Үшінші басты жапсырма.
Бұл қандай сан?  (8 саны)
Жаңа сабақ
Үшбұрыштар тізбегінде неше үшбұрыш боялғанын анықтап 8 санының шығуымен таныстыру.
8 санымен, оның цифрымен таныстыру.
Көрнекіліктерді пайдаланып ауызша есептер құрастыру.
Дәптермен жұмыс.
8 санын бастырып жазуды үйрету. Дәптердегі тапсырмаларды орындайды.
Сергіту сәті.
Орнымыздан тұрайық,
Қолды белге қояйық.
Иіліп солға бір,
Иіліп оңға бір,
Алға қарай бір адым,
Артқа қарай бір адым,
Жоғары, төмен қарайық
Орнымызды табайық.
Ребус шешу
3+1=4  (о)
5-2=3   (т)
4-4=0   (а)
3+4=7  (н)

Шешуі: Отан
— Отан деген сөзді қалай түсінесіз?
— Біздің Отанымыз қалай аталады?
Ойын: «Лото»
-Ненің суреті бейнеленген?
-Ту, Елтаңба бұлар нелер?
-Алда қандай мейрам келе жатыр?
-Дұрыс, 16 желтоқсан тәуелсіздік күні, биыл тәуелсіздік алғанымызға 20 жыл толып отыр.

Ойын: «Көршісін тап»
Логикалық есеп
1. Үш қоянда қанша құлақ бар?
2. Ағашта 3 құс отыр, оған тағы 1 құс келіп қосылды. Ағашта қанша құс отыр?
3. Қолыңда 5 алма, табақта 2 алма, қосқанда барлығын болады неше алма?
4. Досым келе жатып 5 теңге тауып алды екеуміз бірге болсақ неше теңге тапқан болар едік?
-Балалар, бүгін қандай цифрмен таныстық?
Екі топтың жұлдызшаларын санау жеңген топты құттықтау.
Жақсы қатысқан балаларға «Қуанышты хабарлама» беру.

Қол ұстасып тұрайық,
Шеңберді біз құрайық.
Көріскенше күн жақсы
Сау-саламат болайық.

Тілек шеңбері арқылы балалар бір-біріне жағымды тілектер білдіріп, жарқын көңіл-күй, достық сезім сыйлайды.

Әр топ басшылары топтарын таныстырады.

І топ 1-ден 7-ге дейін тура санайды.
ІІ топ кері санайды.

7 санына 1-ді қосып, 8 санын алуға болатынын түсінеді.
8 санының құрамына байланысты есептер құрастырды.

8 санын жазып үйренді, тапсырмаларды орындады.
Бұрын орындап болған балалар топшамамен жұмыстанды.

Отан отбасынан басталатынын, Отанға туған еліміз, жеріміз кіретінін, Біздің Отанымыз Қазақстан Республикасы екенін айтты.

Ту, елтаңба Қазақстан Республикасының мемлекеттік рәміздері екенін айтты.

Балалар ойынға қызығушылықпен қатысып, сандардың көршілерін атады.

Күтілетін нәтиже:

Білуі тиіс: Бірден жетіге дейінгі сандарды тура және кері ауызша санай білуі тиіс.

Түсінігі: 8 санымен, оның цифрымен танысты.

Көрсете білуі: Берілген тапсырмаларды орындау арқылы түсінгендерін көрсетті.

Ақпаратпен бөлісу: