Аяулы анашым т?рбие са?аты

Асхат: Ақ тілекті ағытып бір тастайық,

Аналардың мерекесін бастайық.

Көздеріңнен көркем шаттық арайын,

Өтсін солай әрбір күнің, әр айың.

Сәлеметсіздерме ме, құрметті қонақтар! Ақ жаулықты әжелер, асыл да аяулы аналар. Сіздерді 8 наурыз халықаралық аналар күнімен құттықтаймыз!

Ажар: - Білесіңдер ме, балалар ана деген керемет асыл Жанды, менің анам

кішкентай кезімде, не айтсам соны алып беріп, түн ортасында

шөлдесем шырын беретін. Бүгінгі аналарға арналған мерекемізді

әнмен бастайық.

Ән: «Мерекеңмен»

Еркебұлан: Жыл басы Наурыз мереке,

Ақ нұрға әлем боянды.

Аналар тойы береке,

Тіршілік жаңа оянды.

Тоқжан: Жылылықтан жаралған,

Құшағы оның таң мекен.

Менің айдай анамнан,

Асқан сұлу бар ма екен?!

Нұрислам: Мәпелейсің мені анам,

Қолыңдағы құсыңдай,

Құлпыра өсіп демалам,

Құшағыңда қысылмай.

Бекзат: Біліп тұрсың Жан анам,

Міндеті үлкен ботаңның.

Күштісі сол баладан,

Ана менен Отанның.

Сағым: Жердегі бар тағамнан,

Ана суті нәрлі екен.

Бұл жалғанда анамнан,

Сүйікті адам бар ма екен?

Медет: Жер бетінің ғұмыры,

Күн нұрымен арайлы.

Біздің үйдің жылуы,

Анамыздан тарайды.

Аружан: Мейірімді жібектей,

Күндей ыстық құшағы.

Ет жүрегі елжіреп,

«Құлыным» деп құшады.

Әлихан: Менің әжем гүл әжем,

Алтын әжем, күн әжем.

Апам үшін, мен үшін,

Нағыз ана тілі әжем.

Көрініс: «Әже мен немере»

Белі бүгіліп, бойындағы бар күшін тауысқан қарт әже еңкейе басып жүріп келеді. Мұны көріп, алдынан жүгіріп шыққан немересі: - Әже, айтыңызшы, не іздеп жүрсіз? Бір нәрсе жоғалтып алдыңыз ба?

- Иә, балам, жастығымды жоғалтып алып, соны іздеп жүрмін, - деп әжесі жерге еңкейе түсті. Сонда немересі қарсы алдына келіп, тұра қалады да:

- Жоғалтқаныңыз алдыңызда тұр ғой, әже! – деді.

- О, құлыным! ... Менің жастық шағым сен екенсің ғой,- деп мейірлене бетінен сүйеді әжесі.

Алина: Анам менің, асыл жан

Құшағы нұр шашылған.

Күн секілді күледі,

Сипап ылғи басымнан.

Иманғали: Әже деген көп шығар,

Әжемдей менің жоқ шығар.

Мейірімді бұл кісі

Қандай ғажап күлкісі.

Меруерт: Ана біздің күніміз

Біз ананың гүліміз

Балаларды қуантып

Ұзақ өмір сүріңіз

Айболат: Ақ әжемді әрқашан,

Сыйлап жақсы көремін.

Қуантайын деп оны,

Өлең айтып беремін

Ойын: «Шарды ұяға кіргізу».

Алина: Сүйемін туған тілді- анам тілін,

Бесікте жатқанымда берген білім.

Ернар: Үмітімдей көзіме,

Көп қарайсың үңіліп.

Еркелеген сөзімде

Ертеңіңіз тұр күліп.

Ән: «Мысығым»

Амина: Құтты болсын осы шаттық күніңіз,

Бақытты да ұзақ өмір сүріңіз.

Қуанышты жүзіңізбен әрдайым,

Бұл өмірде күліп қана жүріңіз.

Жасұлан: Жарқыраған қызыл гүлдей

Болсын әсем өміріңіз,

Сәуле шашқан әсем күндей,

Көтерілсін көңіліңіз.

Би: «Кел, билейік».

Тоқжан:Менің әжем, жыр әжем,

Шуағы мол нұр әжем.

Ақ таяққа сүйеніп

Аман есен жүр әжем

Өлең: «Көктем»

Қар, мұз еріп су көбейіп,

Сай салада ағады

Бүршік шашып,

Жапырақ ашып

Жер гүл шашақ тағады.

Айтыңдаршы, бұл қай кезде болады?

Сабақтың тақырыбы:

Сабақтың мақсаты: Балалардың жабайы аңдар туралы түсініктерін тиянақтау. Аңдардың аттарын, балаларын атай білуге үйрету. Осы аңдарды, табиғатты қамқорлауға, аңдарға деген сүйіспеншілікке баулу. Тақпақтарды айтқыза отырып еліне, жеріне деген сүйіспеншілігін арттыру, тілдерін дамыту.

Көрнекілік құралдар: үлгі суреттер, ойыншық аңдар, құстар, шыршалар.

Әдіс-тәсілдер: түсіндіру, әңгімелесу, көрсету, сұрақ-жауап, ойын.

Сабақтың барысы:

1. Қатармен топқа кіру. Амандасу. Шеңберге тұрып бір-біріне алақан арқылы жылу беріп «сәлем» айту. Достығымыз берік сол,

Бекітейік беріп қол.

Қайта кіріп шеңберге,

Қандай жақсы қол.

Біз өз елімізді, жерімізді сүйеміз. Ендеше, кім айтады Қазақстан рәміздері нелер?

Балалар: -Қазақстанның туы, елтаңбасы, әнұраны.

Тәрбиеші:Туда ненің бейнесі бейнеленген және түсі қандай?

Балалар:-Мынау Қазақстанның туы. Тудың түсі көк, ортасында күн, күннің түсі сары, оң жағында өрнек.

Тәрбиеші:-Қазақстан Республикасының Елбасшысы кім?

Балалар:-Нұрсұлтан Әбішұлы Назарбаев.

Тәрбиеші:-Еліміздің ел ордасы қай қала?

Балалар:-Астана қаласы.

Тәрбиеші:Тамаша, өте жақсы.

Таңдану сәті: Қонаққа қонжықтың кіруі. Амандасу. Мен анамнан адасып қалдым, маған көмек беріңдерші. Орманға қалай баратынымды білмеймін.

Тәрбиеші:-Балалар көмек-тесейік пе? Ендеше, орманға қандай транспорт түрлерімен баруға болады?

Балалар:-Машина, автобус, т.б.

Тәрбиеші: Транспортқа кіру үшін, не төлеу керек?

Балалар:-Ақша, билет алу керек.

Тәрбиеші:-Жарайды, ренжімеңдер, біздер серуендеп, орманға жаяу барамыз.

Тәрбиеші:-Балалар, біздер қайда келдік?

Балалар:-Орманға.

Тәрбиеші:-Міне қонжық орманға да келдік. Апанға бара ғой! (шығып кетеді).

Тәрбиеші:-Балалар орманда нелер мекендейді?

Балалар: -Құстар, жәндіктер, жабайы аңдар, т.б

Тәрбиеші:-Мына шыршаға қараңдар, қандай әдемі! Мынау хат қой!!!

Кімде-кім бізбен ойын ойнаса, соларға сыйлығымыз бар делінген. Ойынның аты «Кім білгіш?» деп аталады. Сұрақтарға жауап айту керек екен.

Қасқырдың сұрағы:

-Қазір жылдың қай мезгілі? (Көктем)

-Қасқырдың түсі қандай? (Сұр)

-Қасқыр қалай ұлиды? (у-у-у-у)

-Қасқырдың баласын қалай атайды? (бөлтірік)

-Түлкінің түсі қандай? (қызғылт сары)

-Түлкінің дене мүшелерін атаңдар?

Жұмбақ: «Өзі бір қу, жүрген жері айғай шу». (түлкі)

Қоянның сұрақтары:

-Қоянның терісі қыста қандай болады, ал жазда ше? (Қыста ақ, жазда сұр)

-Қоянның баласын қалай атаймыз? (көжек)

-Олар не жегенді ұнатады? (Сәбіз)

-Қоянның құлағы қандай? (ұзын)

-Қоянның көлемі қандай? (кішкентай)

-Қоян түралы тақпақ білесіңдер ме?

Тақпақ : -Ақ қон-ау. Ақ қоян

Қорқақ қоян, сақ қоян

Қаша берсең қалыңға

Қорқағым деп ат қоям.

Жұмбақ: «Өзі қорқақ, қыс пен жазда екі түрлі тон киеді». (қоян)

Аюдың сұрақтары:

-Аю жылдың қай мезгілінде ұйықтайды? (Қыста)

-Қай кезде оянады? (Көктемде оянады.)

-Аюдың баласын қалай атайды? (қонжық)

-Аю мен қонжық не жегенді жақсы көреді? (бал)

-Аю туралы тақпақ білесіңдер ме?

Тақпақ: -Аю отыр партада ,

Екі қолы қалтада.

«А» деді «Б» деді,

«Р»-ға тілі келмеді.

Жұмбақ : «Қыста ұйықтайды

Жазда қыдырады». (аю)

Кірпінің сұрағы:

-Кірпі туралы тақпақ білесіңдер ме?

Тақпақ: Кірпі, кірпі, кірпі,

Үстің толған ине

Бірін берсең шіркін

Қадар едім түйме.

Мына шыршаға қараңдар, балалар:

• Шыршада нелер отыр? (құстар отыр).

Қане, санайық: 1-5 ке дейін тура және кері санау. 2 торғай ұшып кетті, нешеу қалды, 1 торғай ұшып келді, нешеу болды?

«Құстың ұясын бұзуға бола ма?» (болмайды)

Мына сұрақтар жазылған пішіндерді бәріміз атап айтамыз. Сандарға байланысты кім санамақ айтады

Санамақ: Бір дегенім-білім

Екі дегенім-еңбек

Үш дегенім-үміт

Төрт дегенім-төзім

Бес дегенім-бестік.

Дидактикалық ойын: 1 «Кірпіге көмектесу.»

Балалар, сендер кірпіні білесіңдер ме? Кірпі шыршаның бүрін жинағанды ұнатады.Ендеше, кірпіге шыршаның бүрін жинап берейік.

Дидактикалық ойын: «Жабайы мен үй жануарлады жеке қой»

Рахмет балалар,өте жақсы, енді тобымызға оралайық.

Міне, тобымызға да келіп жеттік. Ал қазір қонақтармен қоштасайық.

Сау болыңыздар!