Психологиялық-педагогикалық қолдау саласындағы жергілікті атқарушы органдар көрсететін мемлекеттік көрсетілетін қызметтерді көрсету тәртібі

Психологиялық-педагогикалық қолдау саласындағы жергілікті атқарушы органдар көрсететін мемлекеттік көрсетілетін қызметтерді көрсету тәртібі

«Алматы облысының білім басқармасы» мемлекеттік мекемесінің Еңбекшіқазақ ауданының «№ 8 психологиялық-педагогикалық түзеу кабинеті» коммуналдық мемлекеттік мекемесі ұйымдық құқықтық нысанында құрылған, заңды тұлға мәртебесіне ие коммерциялық емес мекеме болып табылады. Коммуналдық мемлекеттік мекеме Алматы облысы әкімдігінің 2005 жылғы 27 маусымдағы №147 қаулысымен құрылған.

Коммуналдық мемлекеттік мекеме қызметінің негізгі мәні ерекше білім беруге қажеттілігі бар балаларға кешенді психологиялық-педагогикалық көмек көрсету үшін арнайы түзетуші топтық, шағын топтық және жеке дамытушы бағдарламаларды іске асырып, психологиялық-педагогикалық көмекті ерекше білім беруге қажеттілігі бар:

1) көру қабілеті бұзылған;

2) есту қабілеті бұзылған;

3) сөйлеу тілінің бұзылыстары бар;

4) сөйлеу тілінің дамуы тежелген;

5) тірек- қимыл аппараты қызметінің бұзылысы бар;

6) зерде бұзылыстары бар;

7) психикалық даму тежелген;

8) эмоциялық- ерік әрекетінде және мінез- құлқында бұзылыстары бар балаларға көрсетеді.

Психологиялық-педагогикалық түзеу кабинеті- бұл ерекше білім беруді қажет ететін бала және оның отбасы дефектолог, психолог, логопед, ЕДШ нұсқаушысы (емдік дене шынықтыру нұсқаушысы), әлеуметтік педагог, музыкалық ырғақ маманы, тәрбиеші сияқты мамандардан білікті көмек ала алатын арнайы білім беру ұйымы.

"Дамуында проблемалары бар балалар мен жасөспірімдерді оңалту және әлеуметтік бейімдеу" мемлекеттік көрсетілетін қызмет қағидасы "Мемлекеттік көрсетілетін қызметтер туралы" Қазақстан Республикасының 2020 жылғы 27 мамырдағы 223 бұйрығының 2- қосымшасы сәйкес мемлекеттік қызметті көрсету үшін қажетті құжаттар тізбесі:

1) психологиялық – медициналық – педагогикалық консультацияның қорытындысы.

1) көрсетілетін қызметті алушының ата-анасының (заңды өкілінің) еркін нысандағы өтініші.

Мемлекеттік қызмет көрсету нысаны:

1) қағаз түрінде

2) электрондық

Көрсетілетін қызметті алушының ЭЦҚ болған жағдайда Мемлекеттік көрсетілетін қызметті портал арқылы электрондық нысанда алуға мүмкіндігі бар.

Алматы облысы білім басқармасының " Еңбекшіқазақ ауданы № 8 психологиялық-педагогикалық түзеу кабинеті" КММ Қазақстан Республикасының Еңбек заңына сәйкес демалыс және мереке күндерін қоспағанда, сағат 9.00-ден 18.30-ға дейін, түскі үзіліс сағат 13.00-ден 14.30-ға дейін жұмыс істейді.

Өтініштерді қабылдау және нәтижелерді беру сағат 09.00-ден 17.30-ға дейінгі уақытта жүзеге асырылады, түскі үзіліс сағат 13.00-ден 14.30-ға дейін . Көрсетілетін мемлекеттік қызметті алушы телефон арқылы немесе тікелей жүгінген кезде алдын ала жазылуы да қарастырылған.

Орналасқан мекен-жайы: Шелек ауылы , Кабылов көшесі 2үй.

Байланыс телефоны: 8 (72776) 2-18-81

Алматы облысы білім басқармасының " Еңбекшіқазақ ауданы № 8 психологиялық-педагогикалық түзеу кабинеті" КММ басшысының міндетін атқарушы А.Жайлаубай