«Мектепке дейінгі тәрбие мен білім берудің заманауи жағдайында ата-аналармен педагогтың әлеуметтік серіктестігін дамыту»

                                            Жоспар

1. Кіріспе бөлім
2. Мектепке дейінгі тәрбие мен білім берудің заманауи  жағдайында  ата-аналармен педагогтың әлеуметтік серіктестігін дамыту

II.Негізгі бөлім

а)    Ата-аналармен біріккен жүйелі жұмыс бағыттары

III.Қорытынды:

Пайдаланған әдебиеттер:

№1. 2016ж «Отбасы және балабақша»

I. Кіріспе бөлім                                    

                                                                                      «Елдің келешегі бүгінгі ұрпақтың қолында, ал жас ұрпақтың тағдыры ұстаздың қолында»                                                                                                                                                                                                                                       Н.Назарбаев

II.Негізгі бөлім   

   Бүгінгі таңда болып жатқан өміріздегі өзгерістерге байланысты ұстаздар мен ата-аналардың бала тәрбиелеудегі жауапкершілігі арта түсуде. Балаларды оқыту мен тәрбиелеуде отбасының басым ролін мойындай отырып бірлесе жұмыс жасау керек. Әрбір ұстаз ата-аналармен қарым-қатынас жасауда түрлі тәсілдерді, қазіргі жаңа технологияларды пайдалана отырып, ата-ананың қызығушылығын арттыру мақсатында жұмыс жасаса, ата-ананың балабақшаға, тәрбиешіге деген көзқарасы өзгерер еді. Ол үшін біз ата-аналармен жақынырақ танысып, отбасының әлеуметтік жағдайын, отбасы мүшелерінің бала тәрбиелеудегі ролін анықтау үшін, ата-аналардың ұсыныс-пікірлерін, ойын бөлісу мақсатында сауалнамалар, анкеталық сұрақтар алуымызға болады.  Осыған орай ата-аналармен біріккен жұмыс мынадай негізгі ұстанымдармен құралады: бірлік, жүйелілік, әр балаға және әр отбасына жекелей тұрғыдан қарау, ата-аналардың бір-біріне сенімі мен өзара көмегі.    Осы аталған ұстанымдарды жүзеге асыруда мекеме тәрбиеші-педагогтары жылдық жоспарда көрсетілген «Ата-аналармен біріккен жұмыс бағыттары» сызбасына сүйенеді.

     Мақсаты: 

     Ата-аналармен өз балаларының білім және тәрбие алатын ортасымен таныстыру. Яғни сол әдістемелік қамтамасыздану дәрежесімен, педагогикалық ұжыммен, қосымша мамандармен таныстыру арқылы олардың оң көзқарастарын қалыптастыру. Достық қарым-қатынас құру.  

                        1 Ата-аналармен топтық жиналыстар өткізу.

Мақсаты:   

Топтың әлеуметтік жағдайымен таныстыра отырып, бала дамуына байланысты заттық дамытушы ортаны құруға атсалысуға жұмылдыру.   Топ балаларының жетістіктерімен ата-аналарды ақпараттандыру. Сонымен қоса топтың түрлі мәселелерін шешу қарастырылады.                                                        

                                                                2 Ата-аналармен дөңгелек үстел

  Мақсаты:

Дөңгелек үстел еркін ашық әңгімелесуге бағытталған. Бұл ата-аналардың ашылып әңгімелесулеріне мүмкіндік береді. «Баланыз мектепке дайын ба?»  тақырыптар тәрбиешінің қалауымен немесе ата-аналардың сұранысымен талдануы мүмкін.

                          3 Ата-аналармен жұмыстың бір формасы- тренингтер                                                                                                                           Мақсаты:

Тренингтік ойын жаттығулары мен тапсырмалары баламен іс-әрекеттің әртүрлі тәсілдеріне баға беру. Ата-аналар мен бала арасындағы жақындықты қалыптастыру. Қарым-қатынастың ерекшеліктерін психологиялық жаттығулар арқылы көрсету.

в) Семинарлар.  

   Мақсаты: Ата-аналар өздері жеке немесе тәрбиешімен бірлескен түрде белгілі бір тақырып бойынша талқылау жұмыстарын жүргізеді. Басқа ата-аналарға өз беттерінше мәселе шешу жолдарын тауып, ат салысуларын еркін түрде жүзеге асыра алады. Ашық сабақтар - ата-аналарды бағдарлама бойынша қол жеткен жетістіктермен та

                                    4 Педагогикалық кеңеске қатыстыру.  

   Мақсаты:  Бұл жұмыс түріне ата-аналар комитеті мүшелерін немесе төраға, төрағайымдары жылына бір рет қатыстыруға болады. педагогикалық кеңес барысында ата-ана қаралып отырған тақырыптың бала тәрбиесіндегі өзектілігі бойынша ой бөлісе алады.                                                                                                                                                                                                            

                                      5 Педагогикалық әңгімелер кеші.  

   Мақсаты:

Кеш баланы таңертең бөбекжай - балабақшаәкелгенде және үйге алып қайтқанда тәрбиешінің ата-анамен әңгімелесуінен бастау алады. Тәрбиеші баланы балабақшаға қабылдағанда әрдайым жылылық бере білуі керек. Баланың қандай көңіл күймен келгенін білу, оны алып қайтуға келген ата-анасына жетістігін айтып, қуанышты сәттерін баяндап отыру қажет. Тәрбиеші оларға бала тәрбиесіне қатысты бағдар көрсетеді, өз ойын айтып, ата-ана ойын тыңдайды. Бұл әңгімені жалпылай өткізуге де болады.

                                   6 Көрнекі-насихаттық жұмыстар.  

     Мақсаты: 

  Көрнекі ақпараттар ата-аналарға өте жақсы әсер етеді. Сол себептен бұл жұмыс түріне аса бір шығармашылықпен қараған жөн. Осыған орай мынадай қызықты жұмыстар ұйымдастырылды «Әжелер сайысы» топ аралық және «Әкенің қолы шебер», «Шебер қолдар»  т.б үйірмесін ұйымдастырылды. Топ ата-аналар комитет мүшелерінің көмегімен ертеңгіліктерге бірігіп декорация жасауға, киімдер тігу, атрибуттар т.б жұмыстарына араласты.       

   Біздің МКҚК «Болашақ» бөбекжай-балабақшамызда заманауи талаптарға сай барлығы жағдай жабдықталған. Мұнда бала тәрбиесіне айрықша көңіл бөлінеді. Жаңа технологияларды тиімді пайдаланудың нәтижесінде түрлі жетістіктерге қол жеткізіп келеміз. Біздің балабақшада ата-аналарға арналған консультациялық пункт ашылған, онда ата-аналар өзіне бала тәрбиесіне қажетті ақпаратты, сондай-ақ психолог, мамандардан кеңес ала алады. Осы жерде тоқтала кететін жайт, ол жас маманға осы аталған іс-шаралардың бір-бірінен қандай айырмашылығы бар және олар іс-әрекетте қаншалықты тиімді екендігін түсіндіре отырып, өз іс-тәжірибесінде еркін қолдана алу дәрежесіне жеткізу. Біз педагог-тәрбиешілер жұмыс түрлерінің бір-біріне несімен ерекшеленетінін білуге міндеттіміз.