Йәш педагогтарға арналған кисә уҙҙы

«Йәш педагог. Актив.» фестивален асыу. Беренсе көн.

Бөгөн, 2022 йылдың 5 декабрь көнө, Сибай ҡалаһының Бала үҫтереү үҙәгендә АНО ЦСОН “Азатлыҡ” аша тормошҡа ашырылған, Башҡортостан Республикаһы Башлығының гранттар фонды ярҙамында ойошторолған башҡорт теленең педагогик оҫталыҡ “Йәш педагог. Актив.” Фестивален асыу тантанаһы үтте. Унда 90 кеше: балалар баҡсаһының башҡорт төркөмдәрендә эшләүсе педагогтар, Өфө нефть техник дәүләт университетының Сибай институты һәм педагогик колледждың мәктәпкәсә йәштәге бүлексәһендә уҡыусы студенттар ҡатнашты. Фестивалдең тәүге көнөндә башҡорт телен Башҡортостан республикаһының дәүләт теле булараҡ өйрәнеүҙең норматив-хоҡуҡи нигеҙҙәре һәм мәктәпкәсә йәштәге балаларҙы тәрбиәләүҙә башҡорт теленең роле тураһында белделәр. “Әкиәт уйнайбыҙ” исемле бәйләнешле телмәр үҫтереүҙә технологиялар ҡулланыу буйынса эш тәжрибәһе менән “Туған телендә уҡыу мәктәпкәсә йәштәге ойошма педагогы”республика конкурсының муниципаль этап еңеүсеһе, “Тейенкәй” балалар баҡсаһы тәрбиәсеһе Альбина Булат ҡыҙы Таһирова бүлеште.

Сара бик уңышлы һәм ҡыҙыҡлы үтте. Иртәгә студенттарҙы “Аленушка” балалар баҡсаһында “Балалар баҡсаһында балаларҙы башҡорт теленә яңы технологиялар буйынса өйрәтеү” коучинг-дәресен һәм “ Балалар баҡсаһында интерактив башҡорт теле”н ҡарарға, ә йәш педагогтарҙы “Айгөл” балалар баҡсаһында көтөп ҡалабыҙ. Килегеҙ, бик күңелле буласаҡ!