Баланы? математикалы? ?абілетін ойын іс-?рекеті ар?ылы дамыту

Баланың математикалық қабілетін ойын іс-әрекеті арқылы дамыту.

Баланың ақыл ойын дамыту,ойлау қабілетін жетілдіру,өзіндік іскерлік қасиеттерін қалыптастыру бүгінгі күннің талабы.

Қазір компьютерлер ғасыры болғанымен математика математиктерге ғана емес, сонымен қатар әр түрлі мамандық иесіндегі адамдарға да қажет.Баланы ерте жасынан оқытуда,ойлауының дамуына математиканың үлесі зор.Бес жастан он бір жас аралығында адамның ең негізгі логикалық құрылымы қалыптасатынын психологтер зерттеп анықтаған.Сондықтан математика мектепке дейінгі оқытудағы жүйеде ең басты орын алады және баланың логикалық ойлау шеберлігін дамытады. Баланың математикалық қабілетін дамытуда дидактикалық ойындар үлкен орын алады. Ойын балаларды қызықтырып қана қоймайды,ол білім мен тәрбиенің құнды негізі. Ойын арқылы бала айналадағы құбылысты танып,тәуелділікті анықтайды.Ойын арқылы тапсырмаларды зерттеп,орындап,ойындағысын айтып,еркін ойлап,дүние танымы кеңейіп,сөйлеуі қалыптасып,дара тұлға болып дамиды.Дидактикалық ойындар мен жаттығуларды өткізу үрдісінде балалар бір-бірімен,ата-анасымен,тәрбиешімен еркін қарым-қатынас жасай бастайды.

Балалардың математикалық қабілетін дамытуға байланысты мен әртүрлі «логикалық тапсырмалар», «логикалық кестелер», «математикалық жұмбақтар», «санау таяқшалар» т.б. ойын түрлерін қолданамын. Мысалы:5 таяқшадан 2 бірдей үшбұрыш құрастыр немесе 7 таяқшадан 2 бірдей шаршыны құрастыр.Балаларға берілетін тапсырмалар баланың білім деңгейіне байланысты күрделенеді. Мысалы:9 шаршыдан 5 шаршы шығатындай етіп 4 таяқшаны алып таста.Математикалық жұмбақтарды қолдануда балалар жұмбақты шешіп қана қоймайды,сонымен олар есепті шығарады,жасаған әрекеттерін айтады.Математикалық есептердің шешуін дұрыс таба отырып балалар өздерінің жетістіктеріне қуанады.Тағы да математикаға байланысты балаларға қызықты есептер қолданамын.Мысалы:бір таяқшаның көмегі арқылы үстелдің үстінде үшбұрыш құрастыр.т.с.с. Осындай қызықты тапсырмаларды балаларға орындата отырып мен оларды математикамен таныстырып қана қоймаймын,сонымен қатар еркін ойлы,өзінше шешім жасай алатын,қиындықты төзе алатын жан-жақты болатын тұлғаны тәрбиелеймін.

Мүгүлсім Маукенқызы Құрманғалиева

№41 ЖБОМ, «Жұлдыз» шағын орталығының тәрбиешісі, Павлодар қаласы