Балаларды ?аза? хал?ыны? ?дет-??рпы, салт-д?ст?рі ?лгісінде ойын ар?ылы т?рбиелеу.

Балаларды қазақ халқының әдет-ғұрпы, салт-дәстүрі үлгісінде ойын арқылы тәрбиелеу.

Туған жерім- түп қазығым, айбыным.

Туған тілім- сатылмайтын байлығым.

Туған дәстүр ,салт- санам мен тірегім,

Қадамыма шуақ шашар үнемі .

Қазақ балабақшасына барып,қазақи тәрбиенің бастау бұлағынан сусындаған бала, ертең мектеп қабырғасындағы білімді де қазақ тілінде алуға ұмтылатыны ақиқат . Осы ең бай, ең әдемі тілдің биік шыңына жетіп, қазақтың әдет- ғұрпын,қазақ ойындарын ұрпақтан-ұрпаққа жеткізе алатын бала тәрбиелеу жұмысына өз үлесімді қосудамын деп ойлаймын. Адамның бақыты балада ғой,нағыз бақытты тәрбиелі ұрпағы ғана сыйлай алады .Балалар біздің болашақтың йесі болатындықтан,өзінің төл мәдениетін, әдет- ғұрпын білетін, сыйлайтын, саналы,ойлау деңгейі жоғары ,тіл байлығы мол, білікті бала тәрбиелеу –біздің басты міндетіміз .

Біздің халықтың жылдар бойы атадан балаға жалғасып, қалыптасқан ұлттық дәстүрі, әдет-ғұрпы,тәрбие мектебі бар. Осы білімді балаларға ойын арқылы дамытуға болады . Ойынға тек ойын деп қарамай,қазақ халқының ойындарын – қазақтың асыл қазынасы,бір жүйеге келтірілген тамаша тәрбие құралы деп қараған орынды .Бесік жырынан бастап ұлт ойындарының барлығы- халық тәрбиесінің қайнар көзі,ұлттық мұраның бай қазынасы .Бұл ойындарда ұрпақ қамын ойлаған ой мен әрекеттің, құпиялы философияны түсінуге жетелейтін адамгершілік үлгі өнегенің желісі бар .

Ойын дегеніміз- жаттығу,ол арқылы бала өмірге әзірленеді.Біз балаларға :Хан алшы,Омпы, Көтермек,Тақия тастамақ, Түйілген орамал, Оқтау тартыс, Арқан тартыс, Күш сынаспақ,Теңге ілу, Тауық күрес ,Алтыбақан, Қыз қуу, Соқыр теке, Ат жарыс, Хан- талапай,Айгөлек – ойындарын жиі ойнатамыз. Осы ойындар түрімен ата- аналар мен балалар арасында сайыстар өткіземіз.Жылда балабақшада өтетін наурыз мерекесінде қазақ әдет-ғұрыптарынан көріністер көрсету,осы қойылымға ата- аналарды да қатыстырып,олардың қуанышына, алғысына бөлену біздің балабақшаның әдетіне айналды.

Тұсау кесер, Баланы қырқынан шығару,Ат қою,Шілдехана, Шүйінші сұрау, Шаңырақ көтеру, Құйрық бауыр асату сияқты қазақтың әдет- ғұрыптарын біздің балалар жақсы біледі.

Дәстүр байлығы- мәдениет байлығы, қазақ ойындары- біліктің, тәлімнің қайнар көзі, сондықтан осы байлықты жойып жібермей сақтап қалуға тырысайық, балаларға ұлттық ойындарды жиі ойнатып, оған ерекше нәр беріп, жаңартып отыруды ұмытпайық .

Біздің жас бүлдіршіндер ойнай да, күле де, ойлай да білсін .

КаримоваГ.Г.

Тәрбиеші

ЖОББМ № 41, «Жұлдыз» шағын орталығы

Павлодар қ.