«Балабақшада заттық дамытушы ортаны ұйымдастыру ерекшелігі» тақырыбында аудандық семинар өтті
«Балапан» бөбектер бақшасында 2019 жылғы 25-ші ақпан күні «Балабақшада заттық дамытушы ортаны ұйымдастыру ерекшелігі» тақырыбында аудандық семинар өткізілді. Семинар мақсаты: тәрбиешілердің кәсіби деңгейін арттыру, тәрбиеленушілердің пәнге деген қызығушылығын арттыру.
Семинарды білім бөлімінің әдіскері Г. Кәрімова ұйымдастырды. Семинарға ауданымыздың балабақшалар және шағын орталықтың 25 тәрбиешілері қатысты.
Семинарда балабақшаның тәрбиешілері мен әдіскерлері Қ.С.Баймағамбетова мен Б.С.Муталяпова заттық дамыту орталықтары мен баланың жас ерекшеліктеріне арналған дидактикалық ойындарды тәрбие-оқу үдерісінде дұрыс пайдаланып өткізуге нұсқаулық берді.
Қатысушылар семинардың өзекті тақырыбының маңыздылығы туралы пікір алды. Семинар өз мақсатына жетті.
Г.К.Каримова
Баянауыл аудандық білім бөлімінің әдіскері
