Баяндама "Баланың балабақшаға биімделуі"

Тақырыбы: Ел қорғаған — Ұландар!

Мақсаты: Балаларға Ұландар күні мерекесі екенін түсіндіру. Отанды сүюге, қорғауға тәрбиелеу.

Көрнекіліктер: Соғыс туралы суреттер А3 форматта,

Сергіту сәті:

Гүлдей жайнап,

Күндей жайнап,

Мен ержетіп толамын.

Әжем айтқан дәу жігіт боп,

Ағалардай боламын.

Бір, екі, үш...

Бойға жинап күш,

Шынығамын таңертең

Ағалардай Отанға,

Солдат болам мен ертең.

- Балалар есімізге жыл мезгілдерін түсіріп алайық

- Бір жылда неше мезгіл бар? (төрт мезгіл бар)

- Қазір жылдың қай мезгілі? (Көктем мезгілі)

- Көктем мезгілінде неше ай бар? (Үш ай бар Наурыз, Сәуір, Мамыр)

- Қазір қандай ай? (Мамыр)

- Мамыр айында қандай мерекені атап өттік?

(1 мамыр — Достық, бірлік күні)

Дұрыс айтасыңдар 1 мамыр — достық, бірлік күнін атап өттік. Енді 7 мамыр — Ұландар күнін яғни Отан қорғаушылар күнін атап өтеміз.

Соған орай бүгінгі ашық ұйымдастырылған оқу қызметінің тақырыбы: «Ел қорғаған — Ұландар» деп аталады.

Балалар, біз өзімізге бейбітшілік сыйлаған ата-бабаларымыздың ерліктерін мәңгі ұмытпаймыз, солардың арқасында біз шаттықты, бақытты өмір сүрудеміз, бала бақшаға келеміз, ойнаймыз, ұйықтаймыз. Біздің түңгі тыныш ұйқымызды күзететін Отан қорғаушыларымыз бар, яғни олар сендердің ағаларын. Соғыс болмас үшін, тыныштықпен бейбітшілікті сақтау үшін бүкіл әлем мен біздің Отанымыздың шекарасында Отан қорғаушылар тұрады.

Слайд. Отан қорғаушылар көрсетіледі. Енді осы ағалардай батыр боламыз деп мерекеге арналған тақпақтарыңызды айтайық.

Каусар: Ата-бабам жанын қиып қорғаған,

Тәңірі қолдап, бақ-береге орнаған.

Қазақстан азат елсің сен бүгін,

Ақ тілек болашаққа арнаған.

Сұлтан: Тарихы бар дастанындай ерліктің

Дәстүрі бар үлгісіндей ерліктің

Қазақстан алтын бесік Отаным

Ұлы Ордасы татулық пен теңдіктің.

Балалар, слайдта көрсетілген Отан қорғаушылардай, сендерде үлкен азамат болғанда әскери қызмет етуге барасыңдар, Отанымызды қорғап, нағыз жігерлі азамат, сарбазға айналасыңдар.

Енді біз «Біз сарбазбыз ойынын» ойнайық.

Шарты: Балалар үш шеңберге жасап тұрады. Әр шеңбер өз тапсырмасын алады.

Бірінші шеңбер: «Ұшқыштар»

Екінші шеңбер: «Атты жауынгерлер»

Үшінші шеңбер: «Жаяу әскерлер»

Ұшқыштар қолдарын екі жаққа жайып өз шеңберін де «Ұшқыштар ұшады». Басқалары қарап тұрады.

Музыка ойнағанда «Жаяу әскерлер» адымдайды, келесі музыкада «Атты жауынгерлер» шабады, олар ат шабысын салады.

Музыкаға сәйкес ұқыпты орындағандар жеңіске жетеді.

Енді Отан тақырыбында тақпақтарға кезек берейік.

Раяна: Отан — сенің ата – анаң,

Отан — досың, бауырың.

Отан — өлкен, астанаң,

Отан — аудан, ауылың.

Ұлан: Отан — жерім, Отан — суым.

Отан — қуат, нәр береді.

Отан — ұран, Отан туым.

Отан — мәңгі гүлденеді.

Алшын: Туған жерде толамыз,

Ертең жігіт боламыз.

Отан — ортақ үйіміз,

Көңілді ән мен күйіміз.

Енді батырлар жайлы мақал- мәтелдер айтайық.

Сезім: Батыр туса ел ырысы

Жаңбыр жауса жер ырысы

Әбілмансур: Есейгенде ер болып

Елді жаудан сақтаймын.

Каусар: Халықтың ортақ үйі — Отаны.

- 7 мамыр қандай мереке болды? (Отан қорғаушылар күні)

- Батыр болу үшін, елімізді жаудан қорғау үшін қандай болуымыз керек?

(Ержүрек, батыл, батыр)

Ортаға ұлдар «Сарбаз» биін билейді.

Осымен біздің ашық ұйымдастырылған оқу қызметі аяқталды.