Просмотр содержимого документа
««Ал?ыр мен Тап?ыр» интеллектуалды ойын»
«Алғыр мен Тапқыр» интеллектуалды ойын
Мақсаты: Оқушылардың білімдерін сайысқа түсіріп ,білімді, жан-жақты болуға , өзіне деген сенімділік қасиеттерін қалыптастыруға бейімдеу. Топта бірлесе жұмыс жасауға дағдыландыру.
Көрнекілік: логикалық тапсырмалар, шарлар,эмблемалар, жұлдызшалар.
Түрі: сайыс
Мұғалім: Армысыздар құрметті қонақтар, кішкентай сайыскерлер.
Бүгінгі біздің мектепалды даярлық тобында өтетін «Алғыр мен Тапқыр» атты интеллектуалды ойынға қош келдіңіздер!
Білімменен тәнті етеді тектілер
Мұратына білім қалды жеткізер.
Бар ізгілік тек білімменен алынар
Білімменен аспанға жол салынар.
Қане ,балалар, бүгінгі ойынымыз көңілді, қызықты өту үшін бәріміз бірге дайындық жасап ,мына өлең жолдарын айтып жіберейікші.
Қуан, шаттан, алақай,
Қуанатын күн келді,
Күліп шықты күн бүгін.
Қайырлы таң, қайырлы күн!
Тамаша болсын бүгінгі күн!
Балалар, көңіл күйіміз қандай болып кетті? (Оқушыларды 2 топқа бөлу)
Тауды биік деме сен,
Талаптансаң шығарсың.
Жауды мықты деме сен,
Білімді болсаң жығарсың –дей келе, ойынымызды бастайық.
Достық пен бірлікті етіп тұлға,
Жеңіске жеткен едің талай сында,
Қ ара қылды қақ жарып әділ қазым,
Еңбегін тапқырлардың әділ сына – деп әділқазы алқасымен таныс болайық.
Мектеп директорының оқу ісі меңгерушісі Р.Е.Еңсебаев
Бастауыш сынып әдістемелік бірлестігінің жетекшісі С.М. Аскарова
Бүгінгі өтетін сайысымыз келесі кезеңдерден тұрады:
«Жедел жауап» сұрақтарға жауап беру
«Кім зерек» айырмашылығын табу
«Математик» сәйкестендіру
«Тез ойла, жылдам құра» суретті құрастыру
«Жасырын сурет» 1-10 ға дейін сандарды қосу, суретті бояу
«Тауып көр» жасырын заттарың санын дұрыс табу
«Артығын сыз» артық затты тауып,сызу.
«Мен қайдамын» көлеңкесін табу.
Көрермен жиналған бұл тамашаға,
Құр қарап жай отыру жараса ма?
Туыс, досқа, сыныптас, танысқа емес
Соқ қолыңды білімді, дарындыға!
Ендеше, ойыншылар өздерін таныстырып өтсін.
І- топ «Тапқырлар»
Ұраны:
Мақсатымыз білім алу,
Міндетіміз еңбектану.
Тапсырманы тез орындап,
Жеңіске қолды жеткізу.
ІІ- топ «Алғырлар»
Ұраны:
Кел, балалар, ойнайық!
Ойнайық та ойлайық
Қандай тапсырма болса да,
Шешпей оны қоймайық!
І-кезең «Жедел жауап» сұрақтарға жауап беру
Бір аптада неше күн?
Ең ыстық жыл мезгілі?
Ұзын құлақ, сұр, қорқақ.
Кесе, қасық,кастрөл
Сиырдың төлі
Доп, қуыршақ,зырылдауық
Мектепте оқитын адамдар
Қанша жыл мезгілі бар?
2-кезең «Кім зерек» айырмашылығын табу
3-кезең «Математик» сәйкестендіру
4-кезең «Тез ойла, жылдам құра» суретті құрастыру
Сергіту сәті:
Мен кішкентай баламын,
Айтқан тілді аламын.
Апам нанға кеткенде,
Үйде ойнап қаламын.
Шкафтарды ашпаймын,
Кітаптарды шашпаймын.
Текшелерден үй жасап,
Қызық ойын бастаймын.
Қарындашты аламын,
Қағазға сурет саламын.
5-кезең «Жасырын сурет» 1-10 ға дейін сандарды қосу, суретті бояу
6-кезең «Тауып көр» жасырын заттарың санын дұрыс табу
Кезең «Артығын сыз» артық затты тауып,сызу.
8-кезең «Мен қайдамын» көлеңкесін табу.
Ұшқыр ойға серік болсын шеберлік,
Сөз кезегін қазыларға берелік.
Арамызда білімді достар көп екен,
Солардың біз нәтижесін көрейік – деп, бүгінгі сайсымыздың қорытындысын айтуға қазыларға сөз кезегін берейік.
Құрметті қонақтар, кішкентай бүлдіршіндер. Осымен бүгінгі «Алғыр мен Тапқыр» интеллектуалды ойынымыз да өз мәресіне жетті. Көңіл бөліп келгендеріңізге рахмет. Жеңімпаздарды марапаттау.
