Золотая осень - Алтын күз 0 " А" класс. Внеклассное мероприятие

«Винное орта мектебі» КММ

0 «А» сыныбы

Сыныптан тыс шара

тақырыбы: «Алтын күз»

тәрбиеші: Раисова Е.М

2018-2019 оқу жылы

Тақырыбы: «Алтын күз!»

Мақсаты:

1) Балаларды күздің кереметімен таныстыру.

2) Күз туралы түсініктерін кеңейту

3) Табиғатты қорғауға тәрбиелеу

Көрнекілігі: «Алтын күз» жазуы бар плакат, күз туралы суреттер.

Жүргізуші: Сәлеметсіздер ме құрметті қонақтар, ата-аналар, балалар. «Алтын күз»атта ертеңгілігімізді тамашалауға хош келдіңіздер!

- Балалар халқымыз күзді неліктен «Алтын күз» деп атайды. Соған тоқтала кетейік.

Мақсат:

- Күз маусымының алғашқы айы –қыркүйек. Ол ерлік пен еңбек айларының бірі. Қойма алтын астыққа толады.

Дильназ:

- Күз маусымының екінші айы –қазан. Бұл ай-жиын –тайен аяқталатын, дихандар еңбек жемісіне кенелетін береке айы, берекесін қуаныштайтын мереке айы.

Айдана:

- Күздің соңғы айын қазақтар қараша дейді. Қараша десе дегендей, айнала қоңырқай тартады. Ағаш –қурай жапырағыннан айырылып, орман-тоғай сирейді. Қара суық түсіп, қыс демі сезілетін кез.

Жүргізуші: Балалар жеміс-жидектерді қай мезгілде жинап аламыз?

Ендеше күз ханшайымын ортаға шақырайық!

Гүлзира (Күз): Мен күзбін. Өте еркемін. Сәл нәрсеге бұртиып, қабағымды түйе қаламын.

Кейде болмашыға өкпелеп, көз жасымды аямай төгіп-төгіп жіберемін. Әйтсе де менің жомарттығым мен ақ көңілдігімді бәрі де ұнатады.

Жүргізуші: Балалар күз мезгілі сендерге ұнайды ма? Несімен ұнайды?

Ендеше күзге арналған өлең, тақпақтарымызды айтайық.

Мақсат: Күз де келді, күз келді

Құстар мекен іздеді

Күз де келді, күз келді

Қондырмайды түзге елді

Күз де келді, күз келді

Керек оқу бізге енді

Дильназ: Қыркүйек келіп, күз келіп

Шопан көшті күздеуге

Мектепке бет түзедік

Гүл құшақтап біздер де.

Арсен: Ағаштардан жамырап

Ұшты кенет жапырақ,

Ой, алақай, тамаша,

Шашу шашты жапырақ

Айдана: Құстар қайтты ән салып

Бұлт шарлады аспанды,

Қыс келеді жар салып

Күзгі суық басталды

Айтуар: Күздің сыйын алайық

Қызығына қарайық

Күзге арнап бәріміз

Әнімізді салайық

Ән: «Жау-жау жаңбыр»

Ойын: «Көкөністерді құрастыру»

Көкөністер мен жемістер айтысы

Жүргізуші:

Өнім биыл тамаша! Көз тоймайды қараса:

Сәбіз, картоп, кәдіш пен қып-қызыл піскен қызанақ,

қырыққабатқа қарашы! Көкөністер мен жемістер жиыла қалып дауласты.

Көкөністер мен жемістер.

Жиналып қаппыз бәріміз,

Қайысымыз ең дәмдіміз?

Ішіміздер адамға тиеді көп пайдамыз?

Мақсат (Қырыққабат):

Мақтанғаннан не пайда?

Менсіз дәмді щи қайда?

Мені қосса самсаға

Бәрі жейді тамсана

Айдана (Сәбіз):

Кім бар сәбіз шырынын

Жастайынан ішпеген?

Мені жеген адамдар

Кем болмайды күшке де!

Арсен (Қияр):

Дәмім тілді үйірген

Мен тұздалған күйімде!

Жаңа піскен кезімде

Жейді бәрі сүйсіне!

Дильназ (Қызанақ):

Піскен кезде қызанақ

Көз тартар қызыл түсімен

Бар ма адам сүйсінбей

Томат шырын ішпеген?

Айтуар (Пияз):

Боламын мен дәмдеуіш,

Барлық –барлық тағамға

Көкөністер ішінен

Мен пайдалы адамға

Жүргізуші: Көкөністер бәрі де, денсаулыққа пайдалы

Муны жатқа біліндер, оларды жақсы көріңдер!

Би: «Күзгі жапырақтар».

Жүргізуші: Балалар күз ханшайымы сендерге жұмбақтар әкелген екен, шешуін тауып көремізбе?

Жұмбақтар:

Іші-жұмсақ, сырты қатты

Еті қызыл, сүті тәтті (Қарбыз)

Дөп-дөңгелек доптай

Іші қызыл шоқтай

Дәмін татып көрсен

Одан дәмді жоқтай (Алма)

Бұл не деген көп киім

Жетпіс қабат көп киім

Жаңбыр жауса өтпейді

Қабат-қабат тоны бар

Түймелеуге жетпейді (Қырыққабат)

Гүлзира (Күз): Рахмет, балалар

Барлығыңды қимаймын

Барымды мен сыйлаймын

Бір айға нәр бір демім

Өздеріңмен біргемін.

Жүргізуші: Балалар күз ханшайымын шығарып салайық

Ән: «Біз өмірдің гүліміз»

Жүргізуші: Осымен Алтын күз мерекесі аяқталды, балалар сендерге көп рахмет!