ВКО район Алтай г.Серебрянск

«Жасай бер – Қазақ елі» мерекелік ертеңгілігі

(ҚР тәуелсіздігінің 25 жыл толуына орай алдын ала ұйыцмдастырылған іс – шара сценарий конспекті)

Мақсаты: Туған елінің болашағына үлес қосып, елі, жері үшін қызмет етуге тәрбиелеу. Ұлттық тілді жақсы меңгеруге, ұлтжандылық сезімді қалыптастыруға ойлау, танымдылық қабілеттерін арттыра отырып, өнерге баулу.

Залдың іші мерекеге лайық безендірілген.

Көк тудың желбірегені әнінің әуенімен балалар залға қолдарына көк туларын желбіретіп кіреді.

Жүргізуші: Құрметті аса қадірменді қауым! Еліміз егемендік алып, тәуелсіз мемлекет болғанымызға мінекей 25 жыл болып қалыпты, яғни Тәуелсіздігіміздің күміс тойын тойлағалы отырмыз. Балалар сендер Тәуелсіз мемлекетте жарқын өмір сүріп жатқан бақытты бүлдіршінсіңдер. Өмірлерің мәнді де сәнді болсын, аспанымызды бұлт шалмасын деп тілек тілеп ертеңгілігімізді бастаймыз.

Жүрг:  Шайқалмасын ешкімнің шаңырағы, 
Бақыт көрсін Отанның сан ұланы. 
Енді ағайын, көгінде қалықтасын, 
Қазағымның қастерлі - Әнұраны!

ҚР мемлекеттік әнұраны орындалады.

Жүрг: Тәуелсіздік күніне арналған мерекелік жылы лебіздерді қабыл алыңыздар:

Амир: 16-желтоқсан

Тәуелсіздік алған күн

Мерекеде ел қуанып

Шаттанып ән салған күн

Алинұр: Отан-деген ұлы ана

Отан деген ғұлама

Мен ғана емес атамда

Перзенті екен Отанға.

Айым: Аялап ару ананы

Өсірген еркін баланы

Бесігін бөлеп тербеткен

Отаным Қазақстаным

Мулян: Тәуелсіздік ел болу

Ынтымақпен өрге озу

Еркін және өзге елмен

Терезесі тең болу.

Ханбибі: Жасасын азат ерлік күн

Жасасын бейбіт елмен жер

Бостандық алған қазақтың

Мәртебесін көрсін ел.

Мұхаммед: Қазақстан киелім

Қияға ұшар қыранмын

Еркіндікті сүйемін

Мен тәуелсіз ұланмын.

Елмұрат: Отанды әркім анасындай,

Қастерлейді, бағалап.

Өйткені, Отан баласындай

Бізді өсірер аялап.

Сұлтан: Әнді алысқа жеткіземіз

Көкке елдің туы ілінді

Жылда тойғып өткіземіз

Тәуелсіздік ұлы күнді.

Жүрг: Тәуелсіздік күніне арналған мерекелік әнді қабыл алыңыздар: «Отаным Қазақстан».

Жүрг:  Балалар, мен сендерге бірнеше сұрақ қойып,білімдеріңді сынағым келіп тұр.

1.Қазақстан Республикасының президенті кім? (Н.Назарбаев)

2.Қазақстанның астанасы қай қала? (Астана)

3.Біз қандай елде тұрамыз?

Жүрг:  Балалар, еліміз туралы көп мәлімет біледі екенсіңдер. Оларыңа ризамын. Білімді азаматтар болып өсетіндеріңе сенімдімін.

Жүрг: шетсіз шексіз қиырсыз ұлы дала

Шуақ болып шашылмай жылына ма

Сүй отанды шынымен сүйіп өт те

Гүл боп қадал ойына, қырына да

Би «Кесемен биі»

1ойын «Көтермек»

2ойын «Таяқты өз жағына тарту»

Ендігі кезекті балалардың тақпақтарына берейік:

Аңсар: Азаматқа лайық

Отанымның ұлымын

Отанымды қорғайтын

Азаматтың бірімін.

Ақбота: Сарқылмайтын қуатым

Тірегімсің Қазақстан

Мәңгі соғып тұратын

Жүрегімсің Қазақстан.

Әлімжан: Айнымайды аспаннан

Біздің тудың бояуы

Оны халық қашанда

Биікке іліп қояды.

Еркежан: Отанды жас, кәріміз де,

Туған жер деп сүйеміз

Өйткені онда бәрімізде,

Туып, өмір сүреміз.

Ян: Асқақтаған нұр елім,

Сені мәңгі сүйемін

Айбынымды асырған

Тәуелсіздік тірегім.

Сабыржан: Бақыт құсы қонды ғой

Менің туған жеріме

Тіліміз бен дініміз

Қайта келді еліме

Нұржан: Отан деген туған жер

Отан ана

Отан үлкен

Қазақстан туған ел.

Нұрәлі: Көк туымды қолыма

Бүгін берік ұстадым

Түсті бақыт жолына

Менің Қазақстаным

 Ән «Ел қорғауға әзірміз» әнін қарсы алыңыздар.

Би: «улдар биі».

Ойын: «Бәйге

Би: домбырамен.

Ән: Тәуелсіздік-ұраным

Би: жалаумен жаса Қазақстан.

Жүрг: Бүгін, міне, Егеменді тәуелсіз еліміздің ұлы мерекесін тойладық. Жүзіміз жарқын болып, аспанымыз ашық болсындеп тілейміз. Егеменді елдің болашағы – сендерсіңдер! Сендерге зор денсаулық, көңілдеріңе шаттық тілей отырып, атар әрбір таңдарың арайлы да шуақты болсын, күннің нұры сәулесі